«rossiya» tegli maqolalar
Rossiyaning Bryansk shahridagi gimnaziyada otishma yuz berdi, ikki kishi halok bo‘ldi
Bryansk (Rossiya) shahrida 8-sinfda o‘quvchi qiz gimnaziyadagi sinfdoshlariga qarata o‘t ochdi. Besh kishi yaralandi, ikki qiz halok bo‘ldi, jumladan, hujum qilgan qiz o‘z joniga qasd qildi.
“Kaztransoyl” 2024-yilda Rossiya neftining O‘zbekistonga tranzitini uch baravar oshirmoqchi
Qozog‘istonning magistral neft quvuri milliy operatori “Kaztransoyl” 2024-yilda Rossiya neftini O‘zbekistonga tranzit qilishni uch baravarga oshirmoqchi. Yetkazib berish hajmini 154 ming tonnadan 500 ming tonnagacha ko‘paytirish rejalashtirilgan.
O‘zbekistonda AES qurish yuzasidan shartnoma bo‘yicha ishlar yakuniy bosqichda — “Rosatom” bosh direktori
Rossiyaning “Rosatom” davlat korporatsiyasi bosh direktori Aleksey Lixachev O‘zbekistonda atom elektr stansiyasini qurish yuzasidan shartnoma bo‘yicha ishlar yakuniy bosqichda ekanini ta’kidladi. “Shartnoma yuzasidan ishlar ancha qizg‘in davom etmoqda, umuman olganda, biz shartnoma imzolashdan yiroqda emasmiz”, — dedi u.
Siyosiy omillarga bog‘lash noto‘g‘ri deb o‘ylayman, bu tijoriy munosabat — Energetika vaziri Rossiyadan gaz importi haqida
Energetika vaziri Jo‘rabek Mirzamahmudov O‘zbekiston Turkmanistondan gaz import qilish bilan parallel ravishda uzoqroqda bo‘lgan Rossiyadan ham gaz import qilayotgani haqida gapirib, masalaning siyosiy oqibatlariga izoh berdi. “Siyosiy omillarga bog‘lash noto‘g‘ri deb o‘ylayman, bu tijoriy munosabatlar”, dedi u.
Energetika vaziri — O‘zbekistondagi benzin bilan bog‘liq vaziyat va Rossiyadagi yoqilg‘i eksporti taqiqining ta’siri haqida
Energetika vaziri Jo‘rabek Mirzamahmudov Rossiyaning benzin eksportiga qo‘ygan taqiqi O‘zbekistonda yoqilg‘i bilan bog‘liq vaziyatga ta’sir qilganini aytdi. Hukumatlararo kelishuv imzolangandan so‘ng O‘zbekistonga noyabr oyida Rossiya benzini keldi. Jami 371 ming tonna benzin import qilinishi rejalashtirilgan.
Rossiyada O‘zbekiston fuqarolari ishtirokida ommaviy mushtlashuv bo‘ldi
Moskvadagi ko‘p qavatli uy qurilishi maydonida 35−40 nafar ishchi ishtirokida janjal yuz berdi, ular orasida o‘zbekistonliklar ham bor. Mushtlashuvga oshxonaga kirishda navbat talashish sabab bo‘ldi. Migrantlar jinoiy va ma’muriy javobgarlikka tortildi.
O‘zbekiston va Rossiya temiryo‘l va avtomobil transporti sohasida hamkorlikni rivojlantirish niyatida
O‘zbekiston va Rossiya o‘rtasida yo‘l harakati xavfsizligi va temiryo‘l transportidan foydalanish, raqamlashtirish va zamonaviy texnologiyalarni joriy etish hamda huquqbuzarliklar to‘g‘risida axborot almashish bo‘yicha memorandum imzolandi.
Rossiya benzin eksportiga qo‘yilgan taqiqni bekor qildi
Rossiya hukumati avtomobil benzinini Rossiyadan olib chiqishga qo‘yilgan vaqtinchalik taqiqni bekor qildi. Taqiq ichki bozordagi narxlarni barqarorlashtirish maqsadida 21-sentabrda joriy qilingandi.
Rossiyalik deputat O‘zbekistonda migrantlar puliga rus tili maktablari qurishni taklif qildi. Munosabat
Rossiya davlat dumasi raisi o‘rinbosari Pyotr Tolstoy rus tili davlat tili bo‘lmagan mamlakat fuqarolarini ishga joylashtirishni cheklashni, shuningdek, O‘zbekistonda migrantlar puliga rus tili maktablari qurishni taklif qildi. O‘zbekistonlik siyosatchilar deputatga “O‘zbekiston uning tomorqasi emas”ligini eslatdi.
Rossiyaga eksport qilingan atirgullar hasharot bilan zararlangani aniqlandi
Rossiyaning Irkutsk viloyatiga Zangiotadan eksport qilingan 3150 dona atirgul tamaki oqqanoti hasharoti bilan zararlangani aniqlandi. Tadbirkor ularni fitosanitar ruxsatnomasisiz jo‘natgan, “Rosselxoznadxor” esa olib kirishga ruxsat bermagan. Gullar o‘sha yerda yoqish yo‘li bilan yo‘q qilingan.
O‘zbekistonga gaz yetkazib berilishi Rossiyadagi gaz quvurlariga bosimni oshirdi
O‘zbekistonga gaz yetkazib berish boshlanishi bilan “Gazprom” Rossiya gaz transporti tizimidagi oqimlarni qayta konfiguratsiya qilish, shuningdek, mamlakatdagi yerosti gaz saqlash tizimi ishini qayta ko‘rib chiqishga majbur bo‘ldi, dedi “Gazprom PXG” bosh direktori Igor Safonov.
Rossiyaning Ozon marketpleysi O‘zbekistonda sotuvlarni yo‘lga qo‘ydi
Rossiyaning Ozon marketpleysi O‘zbekiston hududida faoliyat boshladi. Kompaniya 2024-yilda mamlakatda o‘zining logistika infratuzilmasini, jumladan, ombor majmualari va yetkazib berish xizmatlarini, shuningdek, brendlangan topshirish punktlarining franshiza tarmog‘ini rivojlantirish niyatidaligini ma’lum qildi.
Rossiya bilan urushda 70 ming Ukraina askari halok bo‘ldi — The Economist
AQSh hisob-kitoblariga ko‘ra, Rossiya bilan urushda 70 ming Ukraina askari halok bo‘lgan, yana 120 ming nafari yaralangan. The Economist maqolasida Ukrainada ishsizlik urushdan oldingi darajadan yuqoriligicha qolayotgani, qurilish, tog‘-kon sanoatida ko‘proq xotin-qizlarning mehnatga kirib kelayotgani qayd etilgan.
Reuters: Rossiyada benzin eksportiga qo‘yilgan taqiq 19-noyabrgacha bekor qilinadi
Rossiya hukumati kelasi hafta dizel va benzin eksportiga qo‘yilgan taqiqni bekor qilishni rejalashtirmoqda, deb xabar bermoqda Reuters manbalarga tayanib.
O‘zbekiston Rossiyadan 300 mln kub metrga yaqin gaz import qildi
“Gazprom” bilan tuzilgan shartnomaga ko‘ra, 7-oktabrdan beri O‘zbekiston Rossiyadan 300 mln kub metrga yaqin gaz import qildi, dedi energetika vaziri Jo‘rabek Mirzamahmudov. U import qilingan “moviy yoqilg‘i” narxini yana oshkor qilmadi.
Rossiya, Qozog‘iston, Qirg‘iziston va O‘zbekiston 15 yillik gaz shartnomasi tuzishi mumkin
2024-yil o‘rtalariga qadar Rossiya, Qozog‘iston, Qirg‘iziston va O‘zbekiston 15 yil davomida gaz yetkazib berish va tranzit bo‘yicha hamkorlik majburiyatlarini belgilashni rejalashtirmoqda, dedi “Gazprom” rahbari Aleksey Miller. Kompaniya ulardagi boshqa gaz quvurlari tizimidan foydalanishga tayyorligini bildirdi.
Rossiyadan O‘zbekistonga neft yetkazib berish hajmini 1 mln tonnagacha oshirish kutilmoqda
Moskvada imzolangan uch tomonlama hujjatga ko‘ra, Rossiyadan Qozog‘iston orqali O‘zbekistonga neft yetkazib berish hajmini 1 million tonnaga oshirish rejalashtirilmoqda.
Sud Toshkent viloyatida yashovchi fuqaroni yollanma faoliyati uchun qamoq jazosiga hukm qildi
Yuqori Chirchiq sudi Toshkent viloyatida yashovchi fuqaroni yollanma faoliyati uchun besh yilga ozodlikdan mahrum qildi. OAV, tergovga ko‘ra, mahkum 2014−2015-yillarda Ukrainada o‘zini o‘zi mustaqil deb e’lon qilgan DXR tomonida jang qilgani haqida xabar berdi.
Moskva harbiy xizmatdan bo‘yin tovlagan markaziy osiyolik migrantlarga qarshi 22 ta jinoiy ish qo‘zg‘atdi
Moskva Tergov qo‘mitasi Rossiya fuqaroligini olgan markaziy osiyoliklarga nisbatan harbiy xizmatdan bo‘yin tovlaganlik bo‘yicha 22 ta jinoyat ishi qo‘zg‘atdi. Rossiya pasportiga ega 80 dan ortiq muhojir Rossiya Qurolli kuchlari saflarida xizmat qilish uchun yuborilgan.
Rossiya Markaziy banki asosiy stavkani ketma-ket to‘rtinchi marta oshirdi
Rossiya Markaziy banki asosiy stavkani 13 foizdan 15 foizga oshirdi. Ushbu qaror inflyatsiya bosimining sezilarli darajada oshgani va kreditlashning yuqori o‘sish sur’atlari bilan izohlandi. Rossiya Markaziy banki 2023-yil iyulidan beri ketma-ket to‘rtinchi marta asosiy stavkani oshirdi.
Eng ko‘p o‘qilgan xabarlar | So‘nggi yangiliklar
- Toshkentda Gentra TAPOiCh ko‘prigidan pastga qulab tushdi
- “Hayratlanmasa, odam muzeyni unutadi”. Toshkentdagi Qovoq uy-muzeyi va uning asoschilari haqida
- Uzbekistan Airways Qanot Sharq aviakompaniyasidan ikkita A330 samolyotini ijaraga oldi
- “Boxo zavxoz” laqabi bilan tanilgan Bahodir Sultonov 10 yilga, Niyoz Ibodov esa 4 yilga qamaldi
- Surxondaryoda Cobalt urib yuborgan ikki boladan biri vafot etdi
Qo‘shimcha imkoniyatlarga ega bulish uchun saytda ro‘yxatdan o‘ting