Узоқ йиллардан буён узум етиштириб келаётган сирдарёлик боғбонга президент совғаси — Tracker автомобили топширилди. Турсунбой ота Ариповнинг айтишича, давлат раҳбари ундан маҳалладаги узум етиштирувчиларга мураббийлик қилишни сўраган.
Душанба куни президент Жиззах вилоятига ташриф буюради. Унда вилоятни ижтимоий-иқтисодий ривожлантириш вазифалари муҳокама қилинади. Шунингдек, янги корхоналар қурилишига старт берилади.
Шавкат Мирзиёев ва Қосим-Жомарт Тоқаев Хивада ўтган музокараларда транспорт ва энергетикада инфратузилмавий лойиҳаларни амалга ошириш ва бошқа масалалар бўйича топшириқлар берди. Шунингдек, улар «Хива гиламлари» комбинатини кўздан кечирди.
Президент пойтахтнинг қадимий қисмида жойлашган, сайёҳлик кўчаси барпо этилган Гулбозор маҳалласида бўлди. Ҳудуд кечаю кундуз фаолият юритиши ва Шайхонтоҳур туманида ташкил этилаётган «туризм ҳалқаси»нинг бир қисми бўлиши мумкин.
Шавкат Мирзиёев ўз тавсиясига кўра Тошкент шаҳри ҳокими этиб тасдиқланган Шавкат Умурзоқов ҳақида гапирди. «Тошкентга ҳоким қўйиш осон эмас… Бир йил олдин Шавкат Умурзоқовга ишонч билдиргандик. Ўйлайманки, азим пойтахтимизнинг бири икки бўлишига ҳаракат қилади», — деди у.
Ўзбекистонда умумфойдаланишдаги йўлларни таъмирлаш ишларига хусусий сектор аутсорсинг асосида жалб қилинади, дея таъкидлади Автомобиль йўллари қўмитаси раиси Жамшид Турсунов. «Эксплуатация бўйича стандартларимиз эскириб кетган. Бу эса маблағларнинг самарасиз ишлатилишига йўл очади», — деди у.
Президент вилоятлар ва Қорақалпоғистон Республикасининг 86 та туманидаги 841 километр йўллар цемент-бетон қоплама билан янгидан қурилиши бўйича лойиҳани маъқуллади. Бунга Осиё тараққиёт банкидан 240 млн долларлик қарз маблағи йўналтирилади.
Шавкат Мирзиёев ҳуқуқни муҳофаза қилувчи органлар ва куч тузилмалари раҳбарлари иштирокида йиғилиш ўтказди. Ички ишлар вазирлиги ва Миллий гвардияга аҳоли гавжум жойларда содир этилиши мумкин бўлган террорчилик ҳаракатларининг олдини олишга қаратилган таъсирчан чораларни кўриш вазифаси қўйилди.
Президент Намангандаги йиғилишда вилоятнинг Қамчиқ довонига яқин ҳудудида логистика марказини ташкил этиш ва Нанай қишлоғидаги собиқ «Карвон» божхона назорат маскани фаолиятини тиклаш топшириғини берди. Шунингдек, Наманган халқаро аэропортидаги бўш майдонда юк терминали ишга туширилади.
Президент Наманган, Андижон ва Фарғона вилоятлари ҳокимлари билан учрашувда маҳаллаларда Сайхунобод тажрибасидан фойдаланиш топшириғини берди. Бунда асосий эътибор томорқа ва хонадонлар имкониятларидан фойдаланишга қаратилади.
Маҳалла тизими ходимлари куни муносабати билан Шавкат Мирзиёев бир гуруҳ соҳа вакилларини орден ва медаллар билан мукофотлаш тўғрисида фармон имзолади.
Президент Тошкент шаҳридаги ногиронлиги бўлган болалар учун 1-сонли «Мурувват» интернат уйига ташриф буюрди. Бу ерда 299 нафар бола васийликка олинган, 334 нафар ходим ишлайди. Шавкат Мирзиёев болалар билан суҳбатлашиб, уларнинг ҳаётда ўрин топишига шароит ва кўмак кўрсатилишига ишонтирди.
Шавкат Мирзиёев пойтахтнинг Сергели туманида ташкил этилаётган 75 гектарли Ёшлар боғига илк кўчатни ўтқазди. Боғда жами 20 минг туп дарахт экилиши, минг ўринли очиқ амфитеатр, миллий ва халқаро гастрономик зоналар ташкил этилиши режа қилинмоқда. Фото.
Шавкат Мирзиёев ёнғинлар профилактикаси бўйича қонунни имзолади. Ҳужжат билан Маъмурий жавобгарлик тўғрисидаги кодексга ўрмонларда ёнғин хавфсизлиги талабларини бузиш орқали ёнғин чиқишига сабаб бўлганларга алоҳида маъмурий жавобгарлик белгилаш назарда тутилган.
Президент уй-жой бозорида нарх ошишининг олдини олиш учун таклифни ошириш зарурлигини айтди. Бунинг учун вилоят ҳокимлари уй-жой қуриш учун қўшимча 20 гектар, пойтахтда 60 гектар ерни аукционга қўйиши керак. Шунингдек, президент аҳоли ва пудратчиларга ҳам янги имкониятлар берилиши ҳақида гапирди.
Ўзбекистонда тадбиркорлик соҳасидаги агентлик ва жамғармалар ўрнига Савдони ривожлантириш компанияси ташкил этилади. У чет элдан мутахассислар жалб этиб, экспортчилар янги бозорларга чиқишига кўмаклашиш, миллий брендларни хорижда тарғиб қилиш билан шуғулланади.
Сешанба куни Шавкат Мирзиёев Тошкент шаҳридаги Бокс бўйича Баҳодир Жалолов спорт маҳорати мактабига борди. У ерга илк бор 2022 йилда ёш спортчилар қабул қилинган, ҳозир 50 нафар ўқувчи сабоқ олмоқда. Бокс мактаби 175 ўринга мўлжалланган, 5−11-синфларга ҳар йили 25 нафардан ўқувчи олинади.
Шавкат Мирзиёев сайёҳлар 1 йил давомида чекловсиз Хоразмга кириши учун «Ўзбекистон — менинг иккинчи уйим» виза тизими жорий қилинишини маълум қилди. Вилоятда туризмни ривожлантиришнинг 3 йиллик дастури қабул қилинади, имтиёзли кредитлар берилади, «Лазги» ва «Авесто» музейлари ташкил қилиниши мумкин.
Пайшанба куни Шавкат Мирзиёев Хоразм вилояти ва Қорақалпоғистоннинг Амударё туманига ташриф буюради. Иқтисодиёт, ижтимоий соҳалар ва маҳаллалардаги ишлар билан танишилади. Шунингдек, Хоразмни ривожлантириш бўйича йиғилиш ўтказилади.
Президент 2024 йилда 60,5 минг гектар ер деҳқончилик учун ёшларга ажратилиши бўйича топшириқ берди. Ер майдонини туман ҳокимлари ажратади. Қанча майдон ажратиш бўйича «маҳалла еттилиги» таклиф беради. Ер олган ёшлар Agrobank`нинг «Фермерлар мактаби»да экспортбоп экинлар етиштиришга ўқитилади.
Қўшимча имкониятларга эга булиш учун сайтда рўйхатдан ўтинг