“Nasaf” uch karra O‘zbekiston Kubogi sohibiga aylandi va bu ko‘rsatkich bo‘yicha “Navbahor” bilan tenglashib oldi. Ushbu jamoalar ayni vaqtda O‘zbekiston Superligasida ham chempionlik uchun asosiy da’vogarlardan bo‘lib turibdi.
Indoneziyadagi «Kanjuraxan» stadionida yuz bergan tiqilinch oqibatida 174 kishi halok bo‘ldi, 100 dan ortiq kishi jarohat oldi. O‘zbekiston prezidenti fojia munosabati bilan Indoneziya prezidentiga hamdardlik bildirdi.
«Lokomotiv» PFK futbolchisi Kaxi Maxaradze va erkin agent Yevgeniy Kochnev 2 gruziyalik bilan kelishib, totalizator hamda kelishilgan o‘yinlarda ishtirok etgani uchun O‘FA ikki futbolchini o‘yinlardan 5 va 3 yilga chetlashtirdi. Ular jarima ham to‘laydi.
«Yoshlar» telekanalining «Yangi davr» ko‘rsatuvida Real Madrid jamoasi nomi yonidagi Ukraina bayrog‘i xiralashtirib ko‘rsatildi. Buni montajchi xato qo‘yilgan deb o‘ylagan va o‘zboshimchalik bilan berkitgan, deya tushuntirdi telekanal rahbariyati. Montajchi va mas’ul muharrir jazolangani aytilmoqda.
O‘zbekistonlik sobiq futbol hakami Ravshan Ermatov Rossiya futbol ittifoqining hakamlar komissiyasi a’zosi bo‘ldi. U Rossiya futbolida hakamlar bo‘yicha ekspertlik qiladi.
Tojikistonda bo‘lib o‘tgan futbol bo‘yicha ayollar o‘rtasidagi Markaziy Osiyo chempionatida o‘zbekistonlik futbolchilar ketma-ket ikkinchi bor musobaqa g‘olibiga aylandi. O‘zbekiston ayollar jamoasi hal qiluvchi bahsda Eron ayollar MTJsini 1:0 hisobida mag‘lub etdi — foto, video.
MOQ raisi o‘rinbosari, O‘zbekiston boks federatsiyasi raisining birinchi o‘rinbosari Saken Polatov «Olimpik» futbol klubiga rahbar bo‘ldi. U bungacha «Lokomotiv»ni ham boshqargan.
FIFAning iyun oyi uchun yangilangan reytingida O‘zbekiston terma jamoasi o‘z o‘rnini olti pog‘onaga yaxshilab, 77-o‘ringa ko‘tarildi.
O‘zbekiston — Saudiya Arabistoni yoshlari o‘rtasidagi Osiyo kubogi finaliga qiziqish musobaqa O‘zbekistonda o‘tayotganini inobatga olganda anchagina yuqori. Tashkilotchilik darajasi shunga mosmi? Final chiptalari mojarosi hal bo‘ldimi? O‘zi nima shovqin? «Gazeta.uz» voqealar rivojini bir joyga to‘pladi.
«Bunyodkor» stadioniga Osiyo kubogi U-23 finali uchun chipta sotib olishga yuzlab futbol ishqibozlari yig‘ildi. Odamlarning to‘planishi tartibsizliklarni keltirib chiqardi. Ularni tarqatish uchun ko‘zdan yosh sizdiruvchi gazdan foydalanilgani aytilmoqda, Milliy gvardiya esa buni rad etib chiqdi.
Futbol bo‘yicha O‘zbekiston olimpiyachilari Yaponiyani mag‘lub etib, U23 Osiyo kubogi finaliga yo‘l oldi (video, foto, statistika).
Chorshanba kuni O‘zbekiston olimpiya jamoasi Osiyo kubogi yarim finalida Yaponiyaga qarshi bahs olib boradi. Jamoalar 2018 yilda ham to‘qnash kelishgan va unda o‘zbekistonliklar yirik hisobda g‘alaba qozongandi. Biroq bu safar Yaponiya U23 jamoasi bellashuvga o‘zgacha yondashuv bilan kelmoqda.
IIV O‘zbekiston va Yaponiya yoshlar TJ o‘rtasidagi Osiyo kubogi yarim finali uchrashuvi o‘tadigan «Milliy» stadioni OFK sanksiyalari tufayli mahalliy muxlislar uchun yopilganini eslatib o‘tdi. Muxlislarga o‘yinni uyda tomosha qilish tavsiya etildi. Stadion atrofidagi yo‘llar esa ta’mirlanishi sababli vaqtincha yopiladi.
Osiyo futbol konfederatsiyasi Iroqqa qarshi uchrashuvda muxlislar tomonidan tosh otilgani sababli O‘zbekiston yoshlar terma jamoasini jazoladi. Yaponiyaga qarshi yarim final o‘yiniga o‘zbekistonlik muxlislar qo‘yilmaydi, O‘FA esa katta jarima to‘laydi.
Toshkent shahar IIBB O‘zbekiston va Iroq yoshlar terma jamoalari o‘rtasidagi futbol bellashuvida tosh otgani uchun 47 kishi hibsga olinganini ma’lum qildi. 19 nafar muxlis ma’muriy javobgarlikka tortildi, 28 nafariga nisbatan esa tergov harakatlari davom ettirilmoqda.
Futbol bo‘yicha O‘zbekiston yoshlar termasi Iroq jamoasini mag‘lub etib, Azii U-23 Kubogi yarim finaliga chiqdi. O‘zbekistonliklar o‘yinning katta qismini o‘n kishi bilan o‘tkazgan bo‘lsa-da, penaltilar seriyasida g‘alaba qozondi. «Xuddi Yevropa Chempionlar ligasiga o‘ynagandek bo‘ldik», — dedi Jasur Jaloliddinov.
O‘zbekiston milliy jamoasi 2023 yilgi Osiyo kubogiga saralash turnirini Shri-Lanka ustidan yirik hisobdagi g‘alaba bilan boshladi — video, foto.
CIES Football Observatory yozgi transferlar oynasi arafasida eng qimmat 100 futbolchi reytingini taqdim etdi. Kuchli o‘nlikda Kilian Mbappe, Vinisius Junior va Erling Xaaland yetakchilik qilmoqda. Tashkilot o‘yinchilarning narxini belgilashda yoshi, klub va terma jamoadagi mavqeini inobatga olgan.
O‘zbekiston terma jamoasi va Kiyevning «Dinamo» klubida to‘p surgan o‘zbekistonlik futbolchi Maksim Shatskix «Paxtakor» jamoasi sport direktori bo‘ldi. Shatskix klubga iqtidorli futbolchilarni akademiyadan asosiy jamoagacha jalb qilish hamda yosh, yuqori salohiyatli futbolchilarni topishda ko‘maklashadi.
«Uembli» stadionida Yevropa va Janubiy Amerika qit’asi chempionlari o‘rtasida Finalissima — 2022 o‘yini tashkil etildi. Unda futbol bo‘yicha Argentina va Italiya terma jamoalari bellashib, yakunda Lionel Messi boshchiligidagi Janubiy Amerika qit’asi vakillari g‘alaba qozonishdi.
Qo‘shimcha imkoniyatlarga ega bulish uchun saytda ro‘yxatdan o‘ting