Ўзбекистон ва Қирғизистон чегарасида одамлар ва контрабанда товарларни қўшни давлатга ноқонуний олиб ўтишда фойдаланилган ерости туннели аниқланди. У ердан ўтаётган икки давлат фуқаролари қўлга олинди.
Наврўз байрами ҳамда Қозоғистон-Ўзбекистон чегарасидаги бир нечта ўтиш пунктларидаги реконструкция муносабати билан одамлар тўпланиб, автомобиллар тирбандлиги кузатилмоқда, дея изоҳ бермоқда Қозоғистон чегара хизмати.
Қозоғистон биринчи президенти Нурсултон Назарбоевнинг «Менинг умрим. Қарамликдан эркинликка» китобида давлат чегараси — бош мавзулардан бири. Муаллиф, хусусан, ўзбек-қозоқ чегараси, икки республика ўртасидаги ер олди-бердиси мавзуларига тўхталиб, баҳсли масалалар қандай ечилгани ҳақида ҳикоя қилади.
Фарғона туманида бир гуруҳ маҳаллий аҳоли контрабанда олиб кетаётгани айтилаётган автомобилни тўхтатган чегарачиларга фаол қаршилик кўрсатиб, уларга жароҳат етказди. Кучлар тенг бўлмагани сабабли ҳарбийлар қурол ишлатган. Натижада икки киши ҳалок бўлди.
Шавкат Мирзиёев «Ўзбекистон Республикасининг Давлат чегараси тўғрисидаги қонун»ни имзолади. Унда Давлат хавфсизлик хизмати давлат чегарасини қўриқлаш ва ҳимоя қилиш соҳасидаги ягона давлат сиёсатини амалга ошириши белгилаб қўйилди.
Қирғиз-қозоқ чегарасидаги «Ақ-Тилек» НЎПда юзлаб юк машиналари тўпланди. Қирғизистон матбуотида бунга қўшниларга сув етказиш тўхтатилгани сабаб бўлиши мумкинлиги ҳақидаги хабарлар пайдо бўлди. Қозоғистон чегарачилари чекловлар қўйилмагани ва ўтказиш кўрсаткичлари ёзги мавсумга хослигини айтишди.
Шавкат Мирзиёев имзоланган қонун билан Қозоғистон билан чегарани демаркация қилиш тўғрисидаги шартнома ратификация қилинди.
Ўзбекистон ва Қозоғистон ўртасидаги узунлиги 2 356 километрдан ортиқ чегарани демаркация қилиш тўғрисидаги шартномани ратификация қилиш ҳақида қонун сенаторлар томонидан маъқулланди.
Қозоғистон президенти Ўзбекистон билан давлат чегарасини демаркация қилиш тўғрисидаги битимни ратификациялаш бўйича қонунни имзолади. Битим икки давлат президентлари томонидан 2022 йилнинг декабрида Тошкентда имзоланган. Демаркация бўйича музокаралар 2003 йилдан бери давом этиб келаётганди.
Тожикистон мамлакатда COVID-19 бўйича эпидемиологик вазиятни барқарорлашгани, мамлакат аҳолисининг эмланганлик даражаси юқорилиги ҳамда минтақа ва хорижий давлатларда ушбу касаллик билан боғлиқ вазиятни нормаллашганини ҳисобга олиб чегара ўтиш пунктларида коронавирус чекловларини бекор қилди.
Ўзбекистон ва Тожикистондан ишчи гуруҳлар давлат чегараларининг лойиҳа демаркация чизиғидан ўтказиш масалаларини муҳокама қилди. Шунингдек, чегараларнинг алоҳида участкаларида дала ўрганиш ишлари ҳам ўтказилди.
Ўзбекистон ва Қирғизистон паспорт назоратини осонлаштиришга келишиб олди. Эндиликда икки давлат фуқаролари ID-картани кўрсатиш орқали чегарадан ўтиши мумкин. Тегишли баённома Ўзбекистон президентининг 9 декабрь куни Қирғизистонга давлат ташрифи чоғида имзоланади.
Тошкент туманининг Қозоғистон билан чегарадош ҳудудларида айрим объектлар бузилмоқда. Уларнинг ўрнига чегарани мустаҳкамлаш мақсадида тўсиқлар, чегара йўллари, кўприклар, муҳандислик иншоотлари ва бошқа объектлар қурилади.
Ўзбекистон ва Қирғизистон ўртасида Андижон (Кампиробод) сув омборининг сув ресурсларини биргаликда бошқариш тўғрисидаги битимни ратификация қилиш бўйича қонунлар имзоланди.
Сенаторлар ўзбек-қирғиз чегарасининг алоҳида участкалари тўғрисидаги шартномани ҳамда Андижон (Кампиробод) сув омборини биргаликда бошқариш тўғрисидаги битимни ратификация қилиш ҳақидаги қонунларни маъқуллади. Ушбу қонунлар парламент қуйи палатаси томонидан 14 ноябрь куни қабул қилинган эди.
Ўзбекистон ҳукумати икки давлат чегаралари ўзгариши муносабати билан Қирғизистон билан чегарада яшовчи 130 га яқин оилани кўчиришни режалаштирмоқда. Компенсация тўловларига 50 млрд сўм (тахминан 4,5 млн доллар) — ҳар бир оилага ўртача 384,6 млн сўмдан ажратилади.
Россияда «қисман» сафарбарлик эълон қилинганидан кейин Ўзбекистон ва Қозоғистон чегарасида рус автомобилларининг навбатлари пайдо бўлди. Бироқ ҳозир чегарада вазият тинч, навбатлар йўқ, дея ишонч ҳосил қилишди «Газета.uz» мухбирлари.
Эмомали Раҳмон ва Садир Жапаров қирғиз-тожик чегарасидаги вазият юзасидан юзма-юз музокара ўтказди. Икки давлат раҳбарлари тегишли тузилмаларга ўт очишни тўхтатиш, қўшин ва воситаларни тўқнашув чизиғидан олиб чиқиш бўйича кўрсатмалар беришга келишиб олди.
Сешанба куни Чўлпон-Отада Ўзбекистон ва Қирғизистон ҳукуматлари делегациялари учрашди. Қирғизистон ҳукумати махсус вакили Назирбек Борубаевнинг сўзларига кўра, томонлар олдин келишилмаган 208 км чегарани аниқлаштириб олмоқчи, қолаверса, йил якунигача барча саволларни ҳал этишни режалаштирмоқда.
ДХХ ўзбек чегарачилари 3 нафар қирғизистонликка ўқ узгани ҳақидаги хабарлар юзасидан баёнот бериб, уларнинг чегарадан кўп миқдордаги юкларни ноқонуний равишда олиб ўтмоқчи бўлганини маълум қилди. Қоидабузарларнинг бир гуруҳи ҳарбий хизматчиларга қаршилик кўрсатиб, куч ишлатган.
Қўшимча имкониятларга эга булиш учун сайтда рўйхатдан ўтинг