«O‘zbekoziqovqatxolding» Xolding kompaniyasi UzAgro brendi ishga tushirilgani haqida xabar qildi. Ushbu brend ostida xorij bozorlariga yangi va qayta ishlangan qishloq xo‘jaligi mahsulotlari, shuningdek, oziq-ovqat sanoati mahsulotlari yetkazib beriladi. Xolding matbuot xizmatining «Gazeta.uz"ga xabar qilishicha, UzAgro brendi xorijiy sheriklar uchun yuqori sifatli mahsulot va xizmatlar kafolati bo‘ladi.
«Har bir mamlakatdagi xaridorlar UzAgro deganda ko‘plab biologik xususiyatlari va ta’m hissiyoti bilan raqobatchilarini orta qoldiruvchi yuqori sifatli ekologik toza mahsulotlarni xarid qilayotganini anglab yetishadi», — dedi kompaniya boshqaruvi raisida Tohirjon Jalilov.
Brendni rivojlantirishning strategik rejalashtirilishi eksportchilarga muammo tug‘dirayotgan ko‘plab to‘xtalishlarning maksimal darajada qisqartirilishiga imkon tug‘diradi. Mahsulotlarni qayta ishlash yoki yetarli darajada ishlab chiqarmaslik, narxlarning tartibsiz belgilanishi, salohiyatli sheriklarni tanlashda yuqori xatarli bozorlardagi yo‘qotishlar, qimmat logistika, kreditlarga xizmat ko‘rsatish bo‘yicha baland xarajatlar va boshqalar shular jumlasidan.
«O‘zbekoziqovqatxolding» o‘tgan yilning fevral oyida O‘zbekiston oziq-ovqat sanoati korxonalari assotsiatsiyasi bazasida tashkil etilgan.
