Sultonov Saidjamol Saidmuxtorovich Bektemir tumani hokimi lavozimiga tayinlandi. Bu haqda poytaxt hokimligi xabar bermoqda.
Sultonov 1980 yilda Toshkent shahrida tug‘ilgan. 2002 yilda Toshkent Moliya institutini tamomlagan.
U 2018 yildan hozirgi vaqtgacha O‘zbekiston Savdo-sanoat palatasi Toshkent shahar hududiy boshqarmasi boshlig‘i bo‘lib ishlagan.
Unga qadar tuman hokimi sifatida o‘tgan yilning avgustidan beri Jahongir Ibrohimov ishlayotgan edi. U 2021 yilning yanvarida Yunusobod tumani hokimi lavozimiga o‘tkazilgani bois ushbu lavozim bo‘sh qolgan edi.
