Bugun, 15 iyul kuni tunda O‘zbekistonga Rossiyadan koronavirusga qarshi «Sputnik V» vaksinasining 70 ming dozalik 1-komponenti, 20 ming dozalik 2-komponenti olib kelindi, deya xabar bermoqda SSV matbuot xizmati.
Aprel oyida ushbu vaksinaning 100 ming dozasi keltirilgan edi (uning 50 ming dozasi 1-komponent, 50 ming dozasi 2-komponent).
Shuningdek:
- 1 iyun kuni «Sputnik V» vaksinasining 70 ming dozalik 1-komponenti;
- 10 iyunda 70 ming dozalik 2-komponenti;
- 5 iyul kuni esa 40 ming dozalik 1-komponenti keltirilgan edi.
Shunday qilib, mamlakatda «Sputnik V» vaksinasi zaxirasi 370 ming dozaga yetdi, deya qaytdi etdi vazirlik.
Jami vaksina zaxirasi 7 mln 530 ming dozani tashkil qilmoqda. Ulardan 660 ming dozasi AstraZeneca, 6,5 mln dozasi ZF-UZ-VAC2001 vaksinasidir.
14-iyun holatiga ko‘ra, 5 mln 275 ming doza vaksina emlash jarayonlarida qo‘llanilgan.
