O‘zbekistondan 20 yil ichida 1,1 milliondan ortiq kishi ko‘chib ketgan

2000 yildan 2020 yilgacha O‘zbekistondan 1 107 854 nafar fuqaro xorijiy davlatlarga doimiy yashash uchun chiqib ketgan. 20 yil ichida mamlakatga ko‘chib kelgan xorijliklar soni 11 baravar kam — 99 341 kishini tashkil etdi. Bu haqda Davlat statistika qo‘mitasi «Gazeta.uz» so‘rovi asosida ma’lum qildi.

O‘zbekistondan doimiy yashash uchun boshqa davlatlarga ketganlar soni.

O‘zbekistondan eng ko‘p ko‘chib ketganlar soni 2005 yilda — 104,9 ming kishi, eng kami — 2019 yilda (13229 nafar) ro‘yxatga olingan. Pandemiya sharoitida 2020 yilda 13 648 kishi mamlakatdan ko‘chib ketgan.

O‘zbekistonga ko‘chib kelgan xorijliklar soni.

O‘zbekistonga joylashish uchun eng ko‘p xorijliklar 2002 yilda — 7155 nafar, eng kami — 2020 yilda (1105 nafar) kelgan.

Davlat statistika qo‘mitasi faqatgina 2018−2020 yillar kesimida immigratsiya va emigratsiya haqidagi ma’lumotlarni mamlakatlar bo‘yicha taqdim eta oldi.

O‘zbekistondan ko‘chib ketganlar soni

Uch yil davomida O‘zbekiston fuqarolarining aksariyati Qozog‘istonga ko‘chib ketgan — 22336 kishi. Rossiya ikkinchi ommaviy yo‘nalish bo‘ldi — 19033 kishi. Shuningdek, o‘zbeklar AQSh — 361, Isroil — 296, Qirg‘iziston — 195, Germaniya — 188, Tojikiston — 181, Ukraina — 126 va boshqa mamlakatlarga 1740 kishi yashash uchun ketgan.

O‘zbekistonga ko‘chib kelganlar soni

O‘zbekistonga qo‘nim topish maqsadida yana Qozog‘istondan ko‘pchilik — 20160 kishi kelgan. Immigrantlar soni bo‘yicha Tojikiston ikkinchi o‘rinni egalladi — 1572 kishi, undan keyin Rossiya — 1495 kishi, Qirg‘iziston — 683, Turkmaniston — 156, Ukraina — 79, AQSh — 64, Isroil — 57, Turkiya — 47 va boshqa davlatlar — 285.