«Jizzax akkumulyator zavodi» (JAZ) AJ tayyor mahsulotlarni Andijon, Farg‘ona va Namangan viloyatlarida sotish buyicha dilerlikka tanlov e’lon qildi. Xizmatlar mazmuni — ushbu viloyatlarda bir yilda 200 ming dona JAZ akkumulyator batareyalarni sotib berish majburiyatini olish kerak.


Tanlov takliflarini yuborish tartibi:

  • tijorat takliflar 10 sentabrdan 20 sentabrgacha qabul qilinadi;
  • taklif tashkilotning rahbari tomonidan tasdiqlangan va tashkilotning asl muhri bilan rasmiylashtirilgan bo‘lishi kerak.

Takliflarni taqdim etish joyi — Jizzax, «A» sanoat hududi, JAZ AJ.

Takliflarni soat 8:00 dan 17:00 gacha dushanbadan jumagacha yuborish mumkin.

Telefon: (+998) 97−794−58−54.
Pochta indeksi: 100130.


Dilerga qo‘yilgan talablar

Infrastruktura bo‘yicha:

  • ombor — mintaqaviy distribyutorlar uchun zaxira maydoni (yillik sotish rejasidan eng kamida 8 foiz miqdorda zaxira ombori);
  • xizmat muddati o‘tib bo‘lgan mahsulotlarni saqlash hududi qonuniy talablarga muvofiq bulishi kerak;
  • chakana sotuvchilarga mahsulotlarni yetkazib berish vositalari — avtomobillar va avtoturargoh.

Boshqaruv tashkiloti bo‘yicha:

  • kamida uch yil akkumulyator biznesida yoki nufuzli kompaniyalarning dilerligi — moylash materiallari, shinalar, avtomobil ehtiyot qismlarini tarqatishda faoliyat yuritgan bo‘lishi kerak;
  • avtomobil ehtiyot qismlari savdo hajmi umumiy biznes hajmining 75 foizdan kam bo‘lmasligi kerak;
  • mintaqaviy marshrut tizimi — har bir vakil uchun marshrutni boshqarish tizimi va muayyan vaqtda tashrif buyurish uchun umumiy hudud;
  • chakana sotuvchilar — hududlardagi savdo nuqtalari.


Moliyaviy holat bo‘yicha:

  • balans forma 1−2, kredit tarixi;
  • buyurtmalar uchun oldindan 100 foizli to‘lov;
  • oylik va yillik sotish hajmlari JAZ ma’muriyati bilan kelishiladi;
  • kamida bir yillik biznes-reja;
  • 30 kunlik xarid davriga asoslangan biznesni yuritish uchun yetarli kapital.

Funksional imkoniyatlar bo‘yicha:

  • texnik jihozlar va ma’lum joy — batareyani zaryadlash va batareyani sinovdan o‘tkazish asboblari;
  • malaka oshirish — JAZ texnik o‘quv markazi;
  • FIFO.


Brendlash va marketing shartlari bo‘yicha:

  • JAZ korporativ identifikatsiya va brending kitobi;
  • biznesni rivojlantirish budjeti;
  • budjetni boshqarish va taqsimlashni rag‘batlantirish;
  • JAZ marketing bilan aloqasi;
  • mijozlarning ehtiyojini qondirish uchun chakana savdo tarmog‘ini boshqarish, mexanizatsiyalash, brending, FIFO, texnik ehtiyojlar va kafolat.

Texnik jixozlar bo‘yicha:

  • batareyaning holatini baholash uchun qurilma Midtronics-600 yoki ekvivalenti;
  • qisqich o‘lchagich — Kyoritsu 2004;
  • batareya zaryadlovchining nominal kuchlanishi — 12 V, zaryadlash kuchlanishi — 14,4−15,2 V, minimal oqimi — 2 A, maksimal oqimi — 25A.

Reklama huquqlari asosida.