Vagner XHK rahbari Yevgeniy Prigojin 24-iyun kuni kechqurun kolonnalarini ortga — dala lagerlariga qaytib ketayotganini e’lon qildi.
Matbuot xizmati tomonidan tarqatilgan audiomurojaatida u shunday dedi:
“Vagner XHKni tarqatib yuborishni xohlashdi. 23-iyun kuni “adolat marshi”ga chiqdik. Bir kunda biz Moskvaga 200 km qolgan masofagacha yo‘l bosdik. Shu vaqt ichida jangchilarimizning bir tomchi qonini ham to‘kmadik. Hozir qon to‘kish mumkin bo‘lgan payt. Shu bois rus qonini to‘kkanlik uchun barcha mas’uliyatni anglagan holda kolonnalarimizni qaytaramiz va qarama-qarshi yo‘nalishda rejaga muvofiq dala lagerlariga jo‘nab ketamiz”.
Bundan bir necha daqiqa oldin Belarus prezidenti Aleksandr Lukashenkoning matbuot xizmati “Pul Pervogo” telekanali orqali respublika rahbari Yevgeniy Prigojin bilan muzokaralarda vositachi rolini o‘ynagani haqida xabar tarqatdi.
“Belarus prezidenti […], Rossiya prezidenti bilan kelishilgan holda, Vagner XHK rahbari Yevgeniy Prigojin bilan muzokaralar olib bordi. Muzokaralar kun davomida davom etdi. Natijada, ular Rossiya hududida qonli qirg‘inni sodir etishga yo‘l qo‘yilmasligi to‘g‘risida kelishuvga erishdi. Yevgeniy Prigojin Belarus prezidenti Aleksandr Lukashenkoning Vagner kompaniyasi qurolli shaxslarining Rossiya hududida harakatlanishini to‘xtatish va keskinlikni pasaytirish bo‘yicha keyingi choralarni ko‘rish taklifini qabul qildi”, — deyiladi xabarda.
“Ayni paytda stolda Vagner XHK jangchilari uchun xavfsizlik kafolatlari bilan vaziyatni hal qilishning mutlaqo foydali va maqbul varianti”, — deya ta’kidladi Belarus prezidenti matbuot xizmati.
Ta’kidlash joizki, Yevgeniy Prigojinning o‘zining audioyozuvida Vagner XHKning Moskvadan olib chiqilishida Aleksandr Lukashenkoning rolini tilga olmagan, ammo har ikki bayonot ham bir vaqtning o‘zida e’lon qilindi.
Eslatib o‘tamiz, 23-iyun kuni Vagner XHK rahbari Yevgeniy Prigojin RF Mudofaa vazirligini XHK lageriga raketa hujumida ayblab, Mudofaa vazirligi rahbariyatiga qarshi isyon va Moskvaga yurishni e’lon qildi. XHK jangchilari Rostov-Donga kirib, harbiy va ma’muriy obyektlarni egallab olishdi, shundan so‘ng Prigojinning so‘zlariga ko‘ra, 25 ming kishidan iborat bo‘lgan guruhning alohida qismlari Moskva tomon harakatlanishdi. Ular Voronejdan o‘tib ketishga muvaffaq bo‘lishgani xabar qilingandi.
Vladimir Putin televideniye orqali ruslarga murojaat qilib, “orqadan pichoq urish” va “xiyonat” haqida gapirib, isyon tashkilotchilari “muqarrar jazoga tortilishini” bildirdi. Moskva, Moskva viloyati va boshqa viloyatlarda aksilterror choralari ko‘rildi.
