O‘zbekiston birinchi marta Xalqaro mehnat tashkiloti (XMT) Ma’muriy kengashiga a’zo o‘rinbosari etib saylandi, deb xabar qildi mamlakat TIV.
7-iyun kuni Xalqaro mehnat konferensiyasining 112-sessiyasi doirasida XMTning Jenevadagi shtab-kvartirasida 2024−2027-yillar uchun kengash a’zolari va ularning o‘rinbosarlari saylovi bo‘lib o‘tdi. Kerakli minimal ovoz 105 ta edi, mamlakat esa eng ko‘p ovoz oldi — 194 ta.
XMTga a’zo davlatlar bolalar mehnati va majburiy mehnatga barham berilishi, XMTning bir qator muhim konvensiyalarini ratifikatsiya qilish, munosib mehnat sharoitlarini yaratish, muammolarni e’tiborsiz qoldirish siyosatidan ularni muloqot orqali hal etish tamoyiliga o‘tilganini yuqori baholadi.
Odam savdosiga va majburiy mehnatga qarshi kurashish milliy komissiyasiga rahbarlik qilayotgan Oliy Majlis Senati raisi Tanzila Narbayeva a’zolikni mamlakatda fuqarolarning huquqlari, erkinliklari va qonuniy manfaatlarini ta’minlash, mehnat munosabatlarini xalqaro standartlar asosida takomillashtirish borasida amalga oshirilayotgan ishlar natijasidir, deb atadi.
O‘zbekistonning ushbu Kengash a’zoligiga saylanishi mehnat munosabatlari tizimini takomillashtirish yuzasidan o‘z taklif va g‘oyalarini xalqaro miqyosga olib chiqishi mumkin bo‘ladi, — dedi u.
Shu bilan birga, u buning uchun bandlik masalalari bo‘yicha mas’ullar, kasaba uyushmalari va ish beruvchilarning munosib mehnat tamoyillarini targ‘ib qilish borasidagi sa’y-harakatlarini kuchaytirish zarurligini ta’kidladi.
Boshqaruv organi XMTning ijro etuvchi organi hisoblanadi. Xalqaro mehnat konferensiyasi sessiyalari orasidagi davrda tashkilot ishiga rahbarlik qiladi va uning qarorlarini amalga oshirish tartibini belgilaydi. Ma’muriy kengashning har yili mart, iyun va noyabr oylarida uchta sessiyasi o‘tkaziladi.
Ma’muriy kengash uch yil muddatga saylanadigan 56 nafar a’zo va va ularning 66 nafar o‘rinbosarlaridan tashki topadi.
