11-iyun kuni JCH-2026 saralash o‘yinlari ikkinchi bosqich doirasidagi so‘nggi uchrashuvda o‘zbekistonlik futbolchilar Eron bilan durang natija qayd etdi — 0:0. Uchrashuv Eronning “Ozodi” stadionida bo‘lib o‘tdi.
Birinchi bo‘limda to‘pga egalik borasida Eron ustunlik qildi: mos ravishda 57 ga 43 foiz. Zarbalar bo‘yicha ham eronliklar oldinda bo‘ldi: 6 ga 2.
Ikkinchi bo‘limda ham har ikki jamoada golli vaziyatlar bo‘ldi, ammo hisob ochilmadi.
Shu tariqa, “E” guruhida Eron 14 ochko bilan birinchi o‘rinni saqlab qoldi. Srechko Katanets shogirdlari ham 14 ochko to‘plab, to‘plar nisbatiga ko‘ra guruhda ikkinchi bo‘ldi. Guruhda Turkmaniston uchinchi (2 ochko), Gonkong esa to‘rtinchi (2 ochko) o‘rinni egalladi.
Saralashining 3-bosqichiga qur’a tashlash marosimi 27-iyun kuni o‘tkaziladi. 18 jamoa qur’a natijasida 3 guruhga taqsimlanadi. O‘zbekiston qur’a paytida 3-savatdan o‘rin oladi. Bu bosqich o‘yinlari 5-sentabridan boshlanadi.
Eslatib o‘tamiz, 2023-yilning noyabrida O‘zbekiston milliy terma jamoasi ikkinchi bosqich doirasidagi ikkinchi o‘yinda Eron bilan durang o‘ynagandi. Toshkentdagi “Bunyodkor” stadionida bo‘lib o‘tgan o‘yin 2:2 hisobida yakunlangan.
O‘yin obzori
Foto
