20-iyun kuni soat 9:00 dan 17:00 gacha Toshkent shahrining Mirzo Ulug‘bek tumanidagi sakkizta mahallada elektr ta’minotida uzilishlar bo‘lishi kutilmoqda, deb xabar berdi “Toshkent shahar elektr tarmoqlari” korxonasi.
Bular Alisherobod, Izhodkor, Geofizika, Geologlar, Sarbon, Temuriylar, Chingeldi, Iktidor kabi mahallalardir.
Xabarda ta’kidlanishicha, o‘chirish elektr tarmoqlarida ta’mirlash va avariyalarning oldini olish maqsadida amalga oshirilmoqda. Ta’mirlash ishlari rejalashtirilgan vaqtdan oldin bajarilishi mumkin.
