“O‘zmilliybank” AJ sertifikatlangan buxgalterlar uyushmasi (ASSA)ning nufuzli ASSA Approved Employer maqomiga ega bo‘ldi. Ushbu maqom bank buxgalteriya hisobi, moliya va bank sohasida malakali kadrlar orqali tizimda o‘z salohiyatini yanada oshirayotganidan darak beradi.
Ayni paytda O‘zbekistonda iqtisodiy o‘sish davri bo‘lib, bu jarayonga munosib hissa qo‘shishi va qo‘llab-quvvatlashi mumkin bo‘lgan yuqori malakali mutaxassislarga talab tobora ortib bormoqda. Shu nuqtai nazardan, ASSA tomonidan yuqoridagi nufuzli maqomga sazovor bo‘lish bankni kasbiy rivojlanish va martaba imkoniyatlarining yuqori standartlarini ta’minlashga qodir bo‘lgan yetakchi muassasalaridan biri sifatida belgilaydi.
“ASSA bilan kelishuv doirasida „O‘zmilliybank“ AJ o‘z xodimlarini malaka olishda qo‘llab-quvvatlash uchun ixtisoslashtirilgan sinflarni tashkil qildi. Ushbu tashabbus bank xodimlarining kasbiy darajasini oshirishga, ularga ushbu sohada yangi bilim va ko‘nikmalarga ega bo‘lishni ta’minlashga qaratilgan. Tashkilot o‘z xodimlariga turli xil imtiyozlarni taklif qilish orqali ularning kasbiy o‘sishini qo‘llab-quvvatlashga intiladi. Ular orasida imtihonlardan oldin pullik ta’til, imtihonlar va ularga tayyorgarlik xarajatlari uchun kompensatsiya va dastur muvaffaqiyatli yakunlangandan keyingi mukofotlar mavjud. Ushbu imtiyozlar nafaqat bank xodimlarni rivojlantirishga sodiqligini ta’minlaydi, balki uni kar’erasi o‘sishiga intilayotgan tashabbuskor mutaxassislar uchun qulay ish muassasasiga aylantiradi”, — dedi buxgalteriya hisobi va moliyaviy menejment departamenti direktori Fazliddin Qodirov.
ASSA xalqaro miqyosda tan olingan professional buxgalteriya tashkiloti bo‘lib, sertifikatlangan buxgalter malakasini taklif etadi. Dunyo bo‘ylab 200 mingdan ortiq a’zosi va 500 ming talabasi bo‘lgan ASSA o‘zining qat’iy standartlari va keng qamrovli o‘quv dasturi bilan mashhur bo‘lib, mutaxassislarni zamonaviy, dinamik moliyaviy muhitda muvaffaqiyatli ishlash uchun zarur bo‘lgan ko‘nikmalar bilan rivojlantirib boradi.
Reklama huquqlari asosida.
