Siyosat
Prezident bilan uchrashuv, “Oliy Darajali Do‘stlik” ordeni, mahallaga tashrif — BMT bosh kotibining safari qanday o‘tmoqda?
O‘zbekistonga kelgan BMT bosh kotibi Antoniu Guterrishga prezident “Oliy Darajali Do‘stlik” ordenini topshirdi. Bosh kotib, shuningdek, Senat raisi bilan uchrashdi, Hazrati Imom majmuasi va poytaxt mahallalaridan biriga bordi, Toshkent viloyatida “yashil” energetika sohasi bilan tanishdi. Asosiy ma’lumotlar.
Iqtisodiyot
O‘zbekistonda iyunda 0,2 foizli mavsumiy deflyatsiya qayd etildi
Iyun oxirida O‘zbekistonda sabzavot va mevalar hamda deyarli barcha asosiy oziq-ovqat mahsulotlari narxining mavsumiy pasayishi fonida 0,2 foizli deflyatsiya qayd etildi. Shu bilan birga, yillik inflyatsiya 10,6 foizgacha tezlashdi. Dori-darmonlar narxi oshishda davom etmoqda, davlat bog‘chalari to‘lovi esa oshdi.
O‘mon o‘zbekistonliklar uchun 14 kunlik vizasiz rejim joriy qildi
O‘mon O‘zbekiston fuqarolari uchun 14 kunga vizasiz rejim joriy qildi. Ushbu muddatdan ko‘proqqa qolishni istaganlar aeroportga kirishda viza olishlari mumkin.
“Foton” zavodining 85,58 foiz davlat ulushi 151 mlrd so‘mga xususiylashtirildi
Davaktiv agentligi radioelektron jihozlar uchun elektron texnika va integral mikrosxemalar ishlab chiqaruvchi “Foton” korxonasining 85,58 foiz davlat ulushi Havvo Group MCHJga 151 mlrd so‘mga sotilganini ma’lum qildi.
Jamiyat
Iyul oyida ob-havo qanday bo‘ladi?
Iyulning katta qismida harorat +35…+40, janubda va cho‘l hududlarda +43 darajagacha bo‘ladi, ba’zi kunlari 2−3 darajaga yuqori bo‘lishi kutilmoqda. Juda issiq (+40 va undan yuqori) kunlar soni 2−5, shimolda 6−8 kunni tashkil etishi mumkin.
Surxondaryoda katta prokuror 10 ming dollar pora olganlikda gumonlanmoqda
Surxondaryo viloyati prokuraturasi bo‘lim katta prokurori 10 ming dollar pora olgani aytilmoqda. U tadbirkorga suv tejovchi texnologiyalarni o‘rnatish masalalarida ko‘maklashishini bildirgan. Gumonlanuvchi protsessual tartibda ushlandi.
1-iyuldan nimalar o‘zgaradi?
Maktablar oldida fotoradarlar o‘rnatiladi, IT bo‘yicha 1 mlrd so‘mgacha grantlar ajratiladi, farmnazorat tizimi tashkil etiladi, 6 ta shaharda suv ta’minoti xususiy sektorga beriladi, ayrim bemorlar bepul davolanadi, davlat xizmatlarini ko‘rsatishda Face ID joriy etiladi — 1-iyuldan nimalar o‘zgaradi?
Hafta boshi salqin bo‘ladi, chorshanbadan havo isiy boshlaydi
Dushanba, seshanba kunlari Volgabo‘yidan kelgan salqin havo oqimi sababli harorat +30…+33 darajagacha pasayadi. Chorshanbadan salqin havo chekinadi, ammo kuchli issiq kutilmaydi: harorat +38, janubda +41 darajagacha isishi mumkin.
Endi avtomobilni tasarruf etish huquqini beruvchi ishonchnoma onlayn tarzda ham beriladi
Endilikda avtomobilni tasarruf etish (sotish, hadya qilish, ayirboshlash, garovga qo‘yish) ishonchnomasini notariusga bormasdan ham tasdiqlatish mumkin. Qolaversa, yana ikkita notarial xizmat onlayn formatga o‘tkazildi.
Bosh prokuratura Ramina Yagafarovaning o‘limi yuzasidan jinoyat ishi qo‘zg‘atishni rad qilish haqidagi qarorni o‘rganmoqda
“Gazeta.uz"dagi maqoladan so‘ng Bosh prokuratura Chilonzor tuman prokuraturasining jurnalist Ramina Yagafarovaning o‘limi yuzasidan jinoyat ishi qo‘zg‘atishni rad etish haqidagi qarorini o‘rganishga kirishdi. Avvalroq ekspertiza o‘lim sababi noto‘g‘ri davolash ekanini ko‘rsatgandi.
Sirdaryoda yuk mashinasi yo‘lovchilari bo‘lgan avtobus bilan to‘qnashdi
Sirdaryo tumanida Isuzu yuk mashinasi ichida 14 nafar yo‘lovchisi bo‘lgan avtobus bilan to‘qnashdi. Oqibatda avtobus ag‘anadi, bir kishi jarohatlandi.
Buxoroda ko‘p qavatli uy qurish bilan shug‘ullangan kompaniya rahbari qamoqqa olindi
Buxoro shahrida ko‘p qavatli uylar qurish bilan shug‘ullangan “Humo Aziya” MCHJ rahbari qo‘lga olinib, unga nisbatan jinoyat ishi qo‘zg‘atildi. Shaharning Islom Karimov va Sadriddin Ayniy ko‘chalaridagi ko‘p qavatli uylarni sotib olish uchun shartnoma imzolagan fuqarolardan Tergov bo‘limiga murojaat qilishlari so‘raldi.
Navoiyda 1,2 mlrd so‘mlik soxta pullar yoqib yuborildi
Navoiy viloyatida bojxona xizmati xodimlari 1,2 mlrd so‘mlik soxta pullarni yoqib yubordi. Shuningdek, noqonuniy faoliyatdan olib qo‘yilgan 13,6 ming quti tamaki mahsulotlari, 30 ta elektron sigaret va tibbiy vositalar ham yoqib yuborildi. Foto.
Fuqarolarni Angliya va Kanadaga noqonuniy ishga yubormoqchi bo‘lganlar ushlandi
Samarqandda fuqarolarni 18 ming dollar evaziga Angliyaga, Andijonda 3 ming evaziga Kanadaga noqonuniy ishga yubormoqchi bo‘lganlar ushlandi. Qoraqalpog‘istonda esa 1,5 ming dollarga Serbiya yoki Bolgariyaga viza olib berishni va’da qilgan shaxs qo‘lga tushdi.
O‘zbekistonda ikkilamchi uy-joy uchun ipoteka kreditlari sharhi
O‘zbekistonda birlamchi uy-joy uchun xalqaro amaliyotga muvofiq ipoteka mavjud emas. Kredit faqat obyekt foydalanishga topshirilgandan keyingina ajratiladi. Realting.uz ko‘chmas mulk platformasining sharhida ikkilamchi uy-joy uchun banklar qanday shartlarda ipoteka kreditlarini taklif qilishi haqida so‘z boradi.
Maktablar asosiy sanitariya va gigiyena sharoitlariga ega bo‘lishi lozim
Bolalar maktablarda toza suv va munosib sanitariya sharoitlaridan foydalanish huquqiga ega. Ularning yo‘qligi bolalar sog‘ligi va davomatga salbiy ta’sir ko‘rsatadi. Prezident huzuridagi Strategik islohotlar agentligi Natijalarga erishish ofisi muammo yuzasidan o‘tkazilgan tahlil natijalari bilan o‘rtoqlashdi.
“Qirollar dunyoga jo‘ngina qaraydilar, ular uchun jamiki odam — fuqaro”
Antuan de Sent-Ekzyuperi tavalludiga 29-iyun kuni 124 yil to‘ldi. Aslida uchuvchi bo‘lgan Ekzyuperini dunyo yozuvchi, aniqrog‘i, “Kichkina shahzoda"ning muallifi sifatida biladi. Bu asar dunyoning 300 dan ortiq tiliga, xususan, o‘zbekchaga ham o‘girilgan. Sana munosabati bilan “Gazeta.uz” qissadan parchalar ulashadi.
Sport
Osiyo-Okeaniya chempionatida o‘zbekistonlik sambochilar 19 ta medal oldi
Sambo bo‘yicha kattalar o‘rtasidagi Osiyo-Okeaniya chempionatida O‘zbekiston terma jamoasi 8 ta oltin, 1 ta kumush va 10 ta bronza medalni qo‘lga kiritdi. Ular bu natija bilan ikkinchi o‘rinni band qildi.
Jahon
Qozog‘iston regulyatori Toncoin kriptovalyutasi bilan savdo qilishni ma’qulladi
Qozog‘istonda endi Toncoin kriptovalyutasi bilan tegishli litsenziyaga ega platformalarda erkin savdo qilish mumkin. Qaror Pavel Durovning mamlakatga tashrifi chog‘ida qabul qilindi.
Fransiyadagi parlament saylovlarining birinchi turida o‘ta o‘nglar g‘alaba qozondi
Fransiya parlamenti saylovlarining birinchi turida Marin Le Penning “Milliy birlashuv” partiyasi yetakchilik qildi. Bu o‘ta o‘nglar uchun tarixiy rekord. Agar partiya ikkinchi turda ko‘pchilik ovozni qo‘lga kirita olsa, bosh vazirlik lavozimini Le Penning protejesi — 28 yoshli Jordan Bardella egallashi mumkin.
Olimlar parranda grippi pandemiyasi “sekinlik bilan rivojlanmoqda” deb qo‘rqadi — Reuters
Parranda grippi tarqalishini kuzatayotgan olimlar H5N1 pandemiyasi “sekinlik bilan rivojlanmoqda” deb qo‘rqmoqda, deb yozdi Reuters. JSST avvalroq sutemizuvchilarda virus bilan kasallanish jiddiy muammo ekanini tan olgan edi.
Bizni o‘qiyotganingiz uchun rahmat!