3-iyul kuni tongda Toshkentning Yunusobod tumanidagi Moyqo‘rg‘on va Qoraqamish ko‘chalari kesishmasi ostidan o‘tgan 800 diametrli magistral suv quvuri teshilib, atrofni suv bosdi.
Xususan, tumanning 6- va 7-mavzelaridagi 13 ta ko‘p qavatli uyning hovli va yerto‘lalari suvga to‘ldi. Hozirgi vaqtga kelib suv toshishi to‘xtatilgan, ko‘chalarda transport qatnovi qayta tiklangan, oqshomga qadar avariya oqibatlarini bartaraf etish va’da qilinmoqda.
“Gazeta.uz” fotomuxbiri Yevgeniy Sorochin hodisa joyidan fotoreportaj tayyorladi.
Suratlar
Ayrim hovlilar butunlay suv ostida qolgan.
Hodisa bolalar uchun zo‘r bir sarguzashtga aylandi.
Ba’zi bolalar suzishga ham tayyor edi.
Odamlar kiyimlarini ho‘l qilmaslik uchun suvdan baland joylarni izlashga majbur bo‘ldi.
Ba’zilar suv bosgan yo‘laklarini o‘zlari suvdan tozalashgan.
Xodimlar avariya oqibatlarini bartaraf etishmoqda.
Poytaxtning boshqa hududlaridan ham yordamchi kuchlar hodisa joyiga yordamga keldi.