1-avgust — Parij Olimpiadasining 6-kunida O‘zbekiston terma jamoasi yana 3 ta sport turi: akademik eshkak eshish, dzyudo va boksda o‘z baxslarini davom ettiradi.
Soat 12:30 da akademik eshkak eshuvchi Anna Prakaten medallar uchun kurashni A, B yarim finalda davom ettiradi. Avvalroq o‘tkazilgan saralash bahslarida u o‘z guruhida marraga ikkinchi bo‘lib yetib kelgandi. Natija — 7:35.91 soniya.
Soat 13:00 dan keyin tomoshabinlarni dzyudochilar Muzaffarbek To‘raboyev (-100 kg) va Irisxon Qurbonboyevaning (-78 kg) bahslari kutmoqda.
Muzaffarbek To‘raboyev o‘z yurishini nimchorak finaldan boshlaydi. Irisxon Qurbonboyeva esa nimchorak final bosqichida yaponiyalik Rika Takayama bilan to‘qnash keladi.
Soat 14:00 dan boshlab o‘zbekistonlik yana 4 nafar bokschi ringga ko‘tarilishni boshlaydi:
- -50 kg: Sabina Boboqulova — Chuthamat Raksat (Tailand). 1/16 final, soat 14:16.
- 63,5 kg: Ruslan Abdullayev — Vyatt Sanford (Kanada). Chorak final, soat 15:50. Ruslan nimchorak finalda meksikalik Migel Ramiresni 5:0 hisobida mag‘lub etgandi.
- 66 kg: Navbahor Hamidova — Morelle Makkane (AQSh). 1/16 final, soat 19:50.
- 92 kg: Lazizbek Mullojonov — Keno Marley Makado (Braziliya). Chorak final, soat 00:52. Lazizbek bungacha italiyalik raqibi Addos Mouhidinni mag‘lub etgan.
