O‘zbekistonlik bokschi Shahram G‘iyosov 1-avgust kuni AQShda bo‘lib o‘tgan boks shousi doirasida professional ringdagi 16-g‘alabasini qo‘lga kiritdi.
31 yoshli o‘zbekistonlik (16−0, 9 KO) yarim o‘rta vazn toifasida meksikalik Migel Parraga (22−5−1, 14 KO) qarshi ringga ko‘tarildi.
https://twitter.com/MatchroomBoxing/status/1818859332273864749?ref_src=twsrc%5Etfw%7Ctwcamp%5Etweetembed%7Ctwterm%5E1818859332273864749%7Ctwgr%5E73f59c9f7cea8e5155f3f84061001291845a1941%7Ctwcon%5Es1_c10&ref_url=https%3A%2F%2Fwww.gazeta.uz%2Fru%2F2024%2F08%2F01%2Fgiyasov-parra%2F
Yettinchi raunddayoq G‘iyosov raqibining jigariga aniq zarba berdi, shundan so‘ng raqib birmuncha vaqtdan so‘ng o‘ziga keldi, shunga qaramay, jang ajratilganidek 10 raund davom etdi. Biroq hakam Devid Soliven nokdaunni qayd etish o‘rniga G‘iyosov go‘yoki kamardan pastroqqa zarba berganini bildirib, unga bir ball jarima soldi. Yozuvlarda zarba jigarga to‘g‘ri kelib tushganini ko‘rish mumkin, buni sharhlovchilar ham qayd etdi.
Umuman olganda, G‘iyosov ustunlik qildi va raqibiga bosim o‘tkazdi, biroq hakamlar qarori turlicha bo‘ldi: 95−94 — Parra foydasiga, 95−94 va 96−93 — G‘iyosov foydasiga. Yakunda o‘zbekistonlik sportchi g‘alaba qozondi.
Buxoro viloyatida tug‘ilgan bokschi yarim o‘rta vazn toifasida WBA reytingida birinchi o‘rinni egallab turibdi, ushbu tashkilotning amaldagi chempioni — litvalik Eymantas Stanyonis (15−0, 9 KO), superchempion — amerikalik Terens Krouford (40−0, 31 KO).
