3-avgust, Parij Olimpiadasining 8-kunida O‘zbekiston terma jamoasi 4 ta sport turi, xususan, dzyudo, boks, velosport va akademik eshkak eshish bahslariga kirishadi. Unda 5 nafar atlet va aralash jamoaviy dastur ishtirokchilari qatnashadi.
Dzyudo
Soat 11:00 dan so‘ng. Qur’aga ko‘ra, jamoa 1/8 finalda Kanadaga qarshi bahs olib boradi. Bellashuv uchun jamoalarning tarkibi quydigacha:
- -57 kg: Shukurjon Aminova — Krista Deguchi
- -73 kg: Murodjon Yo‘ldoshev — Artur Marjelidon
- -70 kg: Gulnoza Matniyazova — Katerin Boshnen-Pinar
- -90 kg: Davlat Bobonov — Fransua Gote-Drapo
- +70 kg: Irisxon Qurbonboyeva — Lora Isasi
- +90 kg: Alisher Yusupov — Shadi El Nahas.
Akademik eshkak eshish
Soat 12:55 da Anna Prakaten (B final). U yarim final bahsining 1-guruhida 4-bo‘lib marraga yetib kelgandi. Ushbu natija bilan Prakaten B finalida qatnashadigan bo‘lgan. Bu unga medallar uchun kurashish imkoniyatini bermaydi.
Velosport
So‘nggi pallada terma jamoa tarkibida o‘zgarish bo‘lib, Dmitriy Bocharov o‘rniga jismoniy holati bugungi kunda yuqoriroq bo‘lgan Nikita Svetkov ro‘yxatdan o‘tkazilgan. U soat 14:00 da guruh poygasi bahslarida qatnashadi.
Boks
Soat 18:30 da O‘zbekiston delegatsiyasi bayroqdori Abdumalik Xalokov (-57 kg) chorak final doirasida 26 yoshli ispaniyalik Xose Kuilesga bilan jang qiladi.
24 yoshli Xalokov 2023-yilda jahon chempioni, 2018-yilda Osiyo o‘yinlari, Osiyo chempionati va o‘smirlar o‘rtasidagi Olimpiya o‘yinlari chempioni hisoblanadi. U kattalar olimpiadasidagi debyutini -57 kg vazn toifasida 1/8 finalda shvetsiyalik 23 yoshli Nebil Ibrohimga qarshi o‘tkazdi va g‘olib bo‘ldi.
Soat 19:15 da Asadxo‘ja Mo‘ydinxo‘jayevning (71 kg) 2023-yilgi Yevropa o‘yinlari va yoshlar o‘rtasidagi Yevropa chempionati g‘olibi, 23 yoshli daniyalik Nikolay Terteryanga qarshi chorak final bahsini tomosha qilamiz.
Osiyo chempionati bronza medali sohibi va jahon chempioni, 23 yoshli bokschi Muydinxo‘jayev 1/8 finalda Afrika saralash turniri g‘olibi, 24 yoshli Omar Elavadyni mag‘lub etgandi — 5:0.
Soat 00:35 da Navbahor Hamidova (66 kg) Xitoy Taipeyi vakili Chin Niyen Chen bilan chorak final bahsini o‘tkazadi.
Hamidova bundan avval AQShlik Morelle Makkenega qarshi ringga ko‘tarilib, ajoyib g‘alabaga erishgandi.
