Erkin kurash bo‘yicha O‘zbekiston terma jamoasi vakili Razambek Jamalov Parijdagi Olimpiya o‘yinlari chempioni bo‘ldi.
9-avgust kuni sportchi (-74 kg) saralash bahslarida Belarus vakili Magomedxabib Kadimagomedovni (8:0), 1/8 finalda to‘rt karra Yevropa chempioni, ikki karra vitse-chempion slovakiyalik Taymuraz Salkazanovani (11:3, video), chorak finalda — rossiyalik Chermen Valiyev (6:5, video), yarim finalda — Jahon chempionati sovrindori, Tojikiston vakili rossiyalik Viktor Rassadin (8:2, video) mag‘lub etdi.
Finalda u Osiyo va jahon chempionatlarining ko‘p karra sovrindori yaponiyalik 29 yoshli Daichi Takatani bilan kurashdi. Jamalov o‘yin taqdirini muddatidan oldin hal qildi. Avvaliga u ikkita muvaffaqiyatli hujum uyushtirib, 4 ochkoni qo‘lga kiritdi, keyin esa raqibni mahkam ushlab, harakatsiz qoldirdi. Yaponiya tomoni qarorga e’tiroz bildirmoqchi bo‘ldi, biroq hay’at tizimi o‘yinda hech qanday qoidabuzarliklarni ko‘rmadi va g‘alabani O‘zbekiston vakiliga berdi.
Jangdan so‘ng Takatani raqibini tabrikladi va uni ko‘tardi. Jamolov ham bunga javoban qo‘lini ko‘tarib, uni Olimpiadada kumush medal olgani bilan tabrikladi.
Erkin kurashchi Razambek Jamalov 2024-yilda sport fuqaroligini o‘zgartirdi va O‘zbekiston nomidan xalqaro musobaqalarda qatnasha boshladi. 22 yoshli sportchi 74 kg vazn toifasida 2020 va 2022-yillarda Rossiya chempioni, shuningdek, JCH-2020 g‘olibi hisoblanadi. Shuningdek, u 23 yoshgacha bo‘lgan kurashchilar o‘rtasida 2019-yilgi jahon va Yevropa chempioni bo‘lgan.
Sport eksperti Alisher Nikimbayevning qayd etishicha, Razambek Tokio-2020 bronza medali sovrindori Bekzod Abdurahmonov o‘rniga terma jamoaga kiritilgan. Uning so‘zlariga ko‘ra, o‘z vaqtida bu qaror tanqid qilingan.
Bu O‘zbekistonning so‘nggi 20 yil ichida erkin kurash bo‘yicha olingan ilk Olimpiya oltinidir. Oxirgi marta Artur Taymazov va Aleksandr Dokturishvili O‘zbekiston terma jamoasiga 2004-yilda oltin medalni qo‘lga kiritgan edi.
6 oltin, 1 kumush va 3 bronza medali bilan terma jamoa Olimpiadaning medallar jadvalida 13-o‘ringa ko‘tarilib oldi.
