Samarqand shahrida 26−30-avgust kunlari “Sharq taronalari” XIII xalqaro musiqa festivali bo‘lib o‘tmoqda. “Gazeta.uz” fotomuxbiri Murod Yusuf mazkur festivaldan fotoreportaj tayyorladi.
1997-yildan buyon Registon maydonida o‘tkazib kelinayotgan an’anaviy musiqa tadbirida joriy yil dunyoning 80 ga yaqin mamlakatidan 300 nafardan ziyod vakil qatnashmoqda.
Festivalning ochilish marosimida Shavkat Mirziyoyev ham ishtirok etib, mazkur forum o‘z mazmun-mohiyati va ahamiyatiga ko‘ra “Jahon taronalari” festivaliga aylanganini ta’kidladi. U bunday festivallarni “O‘zbekistonning tinchlik-totuvlikka ezgu da’vati” deb atadi.
Tadbir dasturiga asosan, 27−29-avgust kunlari soat 19:00 da festivalga tashrif buyurgan ishtirokchilar o‘rtasida ko‘rik-tanlov o‘tkazilib, xalqaro hay’at tomonidan ularning chiqishlari baholanishi rejalashtirilgan. 27-avgust kuni 14 ta mamlakat: Bolgariya, Latviya, Sudan, Gretsiya, Hindiston, Qozog‘iston, Nigeriya, Eron, O‘zbekiston, Turkmaniston, Malayziya, Yaponiya, Mo‘g‘uliston va Ozarbayjon vakillari sahnada o‘z ijod namunalarini ijro etdi. Har bir chiqish hakamlar tomonidan baholab borildi.
Foto
