Siyosat
Yevropa Ittifoqining O‘zbekistondagi yangi elchisi Toyvo Klaar ish boshladi
Yevropa Ittifoqining O‘zbekistondagi elchisi etib tayinlangan Toyvo Klaar o‘z vazifasini bajarishga kirishdi. Uni mamlakat tashqi ishlar vaziri Baxtiyor Saidov qutladi. So‘nggi yetti yilda u Yevropa Ittifoqining Janubiy Kavkaz va Gruziyadagi inqiroz bo‘yicha maxsus vakili bo‘lib ishlagan.
Iqtisodiyot
Kambag‘allikni faqat pul tarqatish bilan hal qilib bo‘lmaydi — prezident
Kambag‘al oilalarning ishga layoqatli a’zolarida bilim va ko‘nikma kam, bola parvarishi tufayli esa ayollarning 43 foizi ishga bora olmaydi. Prezident kambag‘allikni faqat pul tarqatish bilan hal qilib bo‘lmasligini aytdi va muammo sababi har xil ekan, yechimlari ham alohida bo‘lishi kerakligini ta’kidladi.
Izzat Shukurov Yandex Uzbekistan rahbari etib tayinlandi
Izzat Shukurov Yandex Uzbekistan rahbari bo‘ldi. U bungacha Payze`ning Markaziy Osiyo mintaqasiga rahbarlik qilgan va Newmax Technologies kompaniyasi direktori bo‘lgan.
“Xottabich” muzqaymoqlarida ortiqcha shakar va bakteriyalar aniqlandi — Raqobat qo‘mitasi
Raqobat qo‘mitasi qadoqlarida shakar yo‘qligi ko‘rsatilgan “Xottabich” muzqaymoqlarini sinovdan o‘tkazdi. Mahsulotning ba’zi turlarida ortiqcha saxaroza va ichak tayoqchasi bakteriyalari topildi.
Kambag‘allikni qisqartirish umummilliy harakatga aylanadi — Shavkat Mirziyoyev
Prezident O‘zbekistonda kambag‘allikni qisqartirish umummilliy harakatga aylanishi va bu borada “juda katta” “Kambag‘allikdan farovonlik sari” dasturi tayyorlanayotganini aytdi. Jamshid Qo‘chqorovning tizimi oilalarni kambag‘allikdan olib chiqishga mas’ul etib belgilandi.
Jamiyat
“„Oltin“ yelkadagi tog‘ni ag‘daradi. Menda shu tog‘ qolib ketdi”. Parij Paralimpiadasi sovrindori Guljanoy Naimova hikoyasi
Uning taekvondochi bo‘lishiga oilasi qarshi edi. Akalari: “Senga to‘g‘ri kelmaydi”, deb uni avaylamoqchi bo‘lgan. Chunki u chap qo‘l pleksiti bilan dunyoga kelgan. Ammo u o‘z bilganidan qolmadi va yakunda ikki karra Paralimpiya sovrindoriga aylandi. “Iroda” loyihasida — parataekvondochi Guljanoy Naimova hikoyasi.
Firibgarlikda ayblanib qidiruvda bo‘lgan erkak Turkiyadan O‘zbekistonga deportatsiya qilindi
Firibgarlikda ayblanib qidiruvda bo‘lgan 32 yoshli erkak Turkiyadan O‘zbekistonga deportatsiya qilindi. U 2 yil davomida fuqarolarning umumiy hisobda 60 ming dollar miqdoridagi pulini o‘zlashtirganlikda gumonlanmoqda. Undan jabr ko‘rgan fuqarolardan konsullik yoki IIVga murojaat qilish so‘raldi.
Haydovchisi 363 marta qoida buzgan va 240 mln so‘m qarz bo‘lgan Spark auksionda sotiladi
Toshkent shahrida Spark haydovchisi 363 marta yo‘l harakati qoidalarini buzgan va uning jarima summasi 240 mln so‘mdan oshib ketgan. MIB avtomobilni sotishga urinish chog‘ida xatlovga oldi. U qarz qoplanishi uchun auksion savdolariga chiqariladi.
O‘zbekistondagi maktab va universitetlarda ishlash uchun AQShdan yana 20 nafar o‘qituvchi keldi
Amerikalik 20 nafar o‘qituvchi O‘zbekistonga 10 ta hududdagi maktab va universitetda ingliz tilidan dars berish uchun keldi. Mamlakatda 2019-yildan buyon 98 nafar amerikalik ingliz tili o‘qituvchisi 21 ta davlat maktabi va 30 dan ortiq universitetda ishlamoqda.
Prezident davlat tibbiy sug‘urtasini joriy etish to‘g‘risidagi qarorni imzoladi
Shavkat Mirziyoyevning davlat tibbiy sug‘urtasi mexanizmlarini joriy etish to‘g‘risidagi qarori qabul qilindi. Tizim 1-oktabrdan boshlab Toshkent shahri va Sirdaryo viloyatida, 2025-yil 1-yanvardan Qoraqalpog‘iston Respublikasida joriy etish rejalashtirilayotgandi.
“O‘qimagan millat kuchli bo‘lmaydi”. Qozoqboy Yo‘ldoshevning shaxsiy kutubxonasidan reportaj
“Gazeta.uz” kitobxonlikni targ‘ib qiluvchi “Kutubxona” loyihasini davom ettiradi. Bu galgi mehmon — adabiyotshunos olim, pedagogika fanlari doktori, professor Qozoqboy Yo‘ldoshev. “Millatning hozirgi ahvoliga kutubxonalar kerak emas, degan o‘y bor. Lekin… o‘qimagan millat kuchli bo‘lmaydi”, deydi u.
Termiz shahri va tumanidagi gaz “zapravka"larga gaz yetkazib berish vaqtincha to‘xtatildi
Termiz shahri va Termiz tumanida joylashgan avtomobillarga gaz to‘ldirish kompressor shoxobchalariga gaz yetkazib berish vaqtincha to‘xtatildi. Bunga gaz quvurida o‘rnatilgan gaz bosimini nazorat qiluvchi qurilmadagi nosozlik sabab ekani ma’lum qilindi.
“Boysundagi konni jilovlash ishlari yaqin kunlarda amalga oshiriladi” — FVV vakili
FVV vakili Samandar Hikmatullayev Boysundagi vodorod sulfid chiqqan “Mustaqillikning 25 yilligi” gaz konini jilovlash ishlari yaqin kunlarda amalga oshirilishini bildirdi. U gazdan ommaviy zaharlanish holatlari yo‘qligi, ammo odamlar orasida yengil zaharlanish holatlari uchrayotganini tan oldi.
2024-yilning 7 oyida salkam 765 mingta yangi ish o‘rni hisobotlarga qo‘shib yozilgan
Bosh prokuratura yanvar-iyul oylarida 764 723 ta yangi ish o‘rni hisobotlarga qo‘shib yozilganini ma’lum qildi. Shuningdek, ish haqi va nafaqa pullari bo‘yicha 4,2 mlrd so‘m talon-toroj qilingani aniqlanib, 52 ta jinoyat ishi qo‘zg‘atildi.
Shahrisabz aeroporti 20 yildan so‘ng qayta ish boshladi
2003-yilda yopilgan Shahrisabz mahalliy aeroporti fuqaro aviatsiyasi parvozlari uchun o‘z faoliyatini tikladi. Toshkentdan L410 rusumli samolyotdagi ilk parvoz 1 soat 30 daqiqada yetib bordi. Aerodrom hozirda to‘rt turdagi samolyot va barcha turdagi vertolyotlarni sig‘dira oladi.
O‘zbekistondagi 14 ming rahbarning har biriga 5 tadan sharoiti eng og‘ir oila biriktiriladi
Rahbarlar kambag‘al oilalar xonadoniga kirib, sharoitni o‘z ko‘zi bilan ko‘rsagina natija bo‘ladi, dedi prezident. Endi viloyatdagi 2 ming va tumandagi 12 ming rahbarning har biriga 5 tadan sharoiti eng og‘ir oila biriktirilishi ma’lum qilindi.
Quyosh paneli o‘rnatishga majburlashni mutlaqo yoqlamaymiz — Energovazirlik
Energovazirlik tadbirkorlar quyosh panellari o‘rnatishga majburlanayotgani, bu ishni qilmaganlar esa elektrdan uzish bilan qo‘rqitilayotgani haqidagi xabarlarga javoban “quyosh paneli o‘rnatishga majburlash yo‘q"ligini aytdi. O‘zLiDeP esa holatlar tasdiqlansa, vazirlik va idoralarga deputatlik so‘rovlari yubormoqchi.
Toshkent masjidlaridagi 18 nafar imom va noib ishdan olindi
Yil boshidan beri Toshkent shahri masjidlaridagi faoliyatida xato va kamchiliklarga yo‘l qo‘ygan, mehnat majburiyatlarini yetarli darajada bajarmagan 8 nafar imom-xatib va 10 nafar imom noibi vazifasidan ozod etildi. Yana 4 nafar imom va noibga hayfsan qo‘llandi.
OTMlarga kirishda “budjet” ballining 80 foizini to‘plagan kambag‘al oila farzandlariga qo‘shimcha grant ajratiladi
Endi kambag‘al oilalarda kamida 1 nafar oliy ma’lumotli kishi bo‘lishi uchun sharoit yaratiladi. Buning uchun, xususan, OTMlarga kirishda grant ballining 80 foizini to‘plagan kambag‘al oila farzandlariga qo‘shimcha grant ajratiladi. O‘zlashtirish ko‘rsatkichi 80 foizdan balandlar esa foizsiz ta’lim krediti oladi.
Kambag‘allikni qisqartirish masalalari bilan shug‘ullanuvchi komissiya tuziladi
O‘zbekistonda bosh vazir o‘rinbosari boshchiligida kambag‘allikni qisqartirish masalalari bilan shug‘ullanuvchi komissiya tuziladi. U tumanlardagi rahbarlar faoliyatiga baho beradi va har oy prezidentga axborot kiritadi. Komissiyaning viloyat va tuman bo‘limlariga hokimlar boshchilik qiladi.
Boysun gaz konidagi avariyaga nima sabab bo‘lgan bo‘lishi mumkin?
Surxondaryodagi “M-25” gaz koni qudug‘idagi avariya oldidan xizmatlardan ko‘rsatmalar bo‘lgan va burg‘ilash eritmasida gaz topilgan, deb xabar berdi vaziyatdan xabardor bo‘lgan “Gazeta.uz” manbasi. Neft-gaz sohasidagi yana bir manbaning aytishicha, hodisada faqat ishchilarni aybdor qilish kerak emas.
Madaniyat
Navbatdagi Toshkent xalqaro kinofestivali sentabr oxirida bo‘lib o‘tadi
Sentabr oyida “Ipak yo‘li durdonasi” XVI Toshkent xalqaro kinofestivali bo‘lib o‘tadi. Dasturdan Raj Kapur yubileyiga bag‘ishlangan tadbir, Alen Delon filmlarining retrospektivi hamda xorijiy rejissyor va aktyorlarning mahorat darslari o‘rin olgan.
Sport
Sadir Japarov qirg‘izistonlik bokschiga sekundantlik qilgan o‘zbekistonlik murabbiyga avtomobil sovg‘a qildi
Sadir Japarov Parijdagi Olimpiya o‘yinlarida qirg‘izistonlik bokschiga sekundantlik qilgan o‘zbekistonlik murabbiy Akmal Hasanovga Tracker avtomobilini sovg‘a qildi. Avvalroq u “Chingiz Aytmatov” medali bilan taqdirlangandi.
Jahon
Avstraliyada bolalarning ijtimoiy tarmoqlarga kirishini taqiqlash rejalashtirilmoqda
Avstraliya hukumati bolalarning ijtimoiy tarmoqlarga kirishini taqiqlovchi qonun tayyorlayotganini ma’lum qildi. Minimal yosh chegarasi hali aniqlanmagan, ammo bu 14−16 yosh bo‘lishi mumkin.
Kamala Harris va Donald Tramp debatda nimalar dedi? Asosiy ma’lumotlar
AQSh prezidentligiga nomzod Donald Tramp debatda Kamala Harrisni Baydenning iqtisodiy dasturini ko‘chirganlikda aybladi, shuningdek, uni “marksist” deya atadi. Harris esa Tramp haqida “sharmanda” so‘zini qo‘llab, dunyo yetakchilari uning ustidan kulayotganini aytdi. Nomzodlar Ukrainadagi urushga ham to‘xtaldi.
Bizni o‘qiyotganingiz uchun rahmat!