18-sentabr tongida Toshkent shahri Olmazor tumanidagi mebel ishlab chiqarish korxonasida yong‘in sodir bo‘ldi. Poytaxt FVB hodisa tafsilotlarini ma’lum qildi.
Unga ko‘ra, soat 07:28 da Usta Shirin ko‘chasidagi yong‘in xabari kelib tushgan. Qutqaruv ekipajlari yong‘inni 07:58 da qurshab olgan, soat 08:56 da batamom o‘chirgan. Jarayon shahar FVB boshlig‘i Muxtor Muhitdinov nazoratida amalga oshirildi, deyiladi xabarda.
Yong‘inning shahar markazidan ko‘rinishi.
Hodisa oqibatida jarohat olgan va vafot etganlar yo‘qligi ma’lum qilindi. Yong‘in sababi va moddiy zarari aniqlanmoqda.
