O‘zbekistonda turli mamlakatlar va tarmoqlardan yetakchi mutaxassislar va ekspertlarni, davlat sektori, kompaniyalar va ularning mijozlari vakillarini tajriba almashish hamda zamonaviy texnologiyalar va innovatsiyalar yutuqlarini namoyish etish uchun yiqqan to‘rt kunlik ICTWEEK xalqaro sammiti bo‘lib o‘tdi.
Forumning boy dasturi doirasida Lenovo ma’ruzachilari yalpi sessiyada ishtirok etdi va xuddi shu nomdagi “Sun’iy intellekt davrida yuqori samarali hisoblashlar” mavzuli sessiyasida o‘zlarining yuqori samarali hisoblashlar portfellaridan yechimlar namunalarini taqdim etdi.
Lenovo Infrastructure Solutions Group (ISG) kompaniyasining Rossiya, Sharqiy Yevropa va Markaziy Osiyodagi vakolatxonasi rahbari Andrey Kutukov forumning yalpi sessiyasida so‘zga chiqib, kompaniya so‘nggi o‘n yil davomida sun’iy intellekt sohasidagi tadqiqotlar va ishlanmalar bilan shug‘ullanib, o‘z ekspertizasini tizimli ravishda oshirayotgani va milliardlab dollar sarmoya kiritayotganini gapirdi. Uning aytishicha, tarmoqlarda AT modernizatsiyasini tezlashtirishga mo‘ljallangan va kompaniya mijozlarining raqobatdosh ustunliklarini mustahkamlashga yordam beradigan ilg‘or kompleks infratuzilma portfeli yaratilgan. Lenovo nafaqat sun’iy intellekt uchun infratuzilma va yakuniy qurilmalarni ishlab chiqishga, balki hamkorlar ekotizimini va sun’iy intellekt yechimlarini rivojlantirishga doimiy ravishda sarmoya kiritmoqda.
“Biz Microsoft, Qualcomm, Nvidia va boshqa ko‘plab hamkorlar bilan birgalikda yangi avlod mahsulotlari va yechimlari portfellarini yaratish, sun’iy intellektni butun dunyo bo‘ylab ko‘proq mijozlarga taqdim etish uchun hamkorlik qilmoqdamiz”, — dedi u.
Bugungi kunda kompaniya cho‘ntak ilovalaridan tortib bulutli yechimlargacha bo‘lgan har qanday hisoblash masalalari uchun 70 dan ortiq yangi va takomillashtirilgan serverlarni taklif qilmoqda. AI Innovators hamkorlari ekotizimida kompaniya dunyoning istalgan nuqtasida kompaniya va tashkilotlar tomonidan joriy etish uchun 45 dan ortiq hamkorlardan 100 dan ortiq tayyor sun’iy intellekt yechimlarini taqdim etadi.
“Sun’iy intellekt davrida yuqori samarali hisoblashlar” sessiyasida Anton Utkin — Lenovo ISG kompaniyasining biznesni rivojlantirish bo‘yicha katta menejer kompaniya sun’iy intellektga tayyor bo‘lgan maxsus ishlab chiqilgan qurilmalar, infratuzilmalar, yechimlar va xizmatlar yordamida barcha sohalarda intellektual transformatsiya uchun sun’iy intellekt salohiyatini qanday ochib berayotgani haqida gapirdi.
Lenovo gibrid sun’iy intellekt konsepsiyasini qo‘llab-quvvatlaydi, unda ommaviy va xususiy katta til modellari birgalikda mavjud bo‘lib, sun’iy intellektni hamma uchun ochiq qiladi. Anton, shuningdek, sun’iy intellekt mohiyatan g‘oyalar va loyihalarni osonroq amalga oshirishga imkon beradigan texnologik usul ekanini ta’kidladi. U ilmiy izlanishlar, biznesni prognoz qilish, vizualizatsiya, xavflarni modellashtirish va korporativ mijozlar odatda duch keladigan boshqa ko‘plab jarayonlar va vazifalarni bir necha marta arzonlashtirishga va qisqartirishga yordam beradigan sun’iy intellektga asoslangan yechimlarga bir nechta misollar keltirdi.
Ekspertning nutqida, shuningdek, kompaniyalarning sun’iy intellektni joriy etish va undan foydalanish yo‘lidagi asosiy muammolari va to‘siqlariga to‘xtalib o‘tildi. Lenovo va IDC tadqiqotlariga ko‘ra, asosiy texnik qiyinchilik ko‘p miqdordagi ma’lumotlar va hisoblash quvvatlariga muhtoj bo‘lgan sun’iy intellekt modellari imkoniyatlarining cheklangani hisoblanadi. Ikkinchi o‘rinda — sun’iy intellektning suiiste’mol qilish ehtimoli va tizimlarning noto‘g‘ri ma’lumot berishga olib keladigan xatolari. Sun’iy intellektni joriy etishda biznes duch keladigan boshqa texnologik muammolar qatorida u ishonchli ma’lumotlar platformasini izlash va tashqi ishlab chiquvchilarga qaramlikni ham ta’kidladi.
Forumning ekspozitsiya qismida Lenovo o‘zining stendida yuqori unumdorlik va moslashuvchan hisoblashlar sohasida yetakchi bo‘lgan AMD bilan birgalikda turli mamlakatlarda muvaffaqiyatli qo‘llanayotgan sun’iy intellektning namoyish zonasini tashkil etdi. Shu yerda ko‘rgazmaga tashrif buyuruvchilar kompaniyaning eng yangi hisoblash yechimlari portfelidagi qurilmalarning ba’zi modellari, jumladan, ThinkEdge SE350 V2, ThinkSystem SR665 V3 serverlari, ThinkBook 14 G7 ARP, ThinkPad T14s, ThinkPad P16s va ThinkPad Z16 biznes noutbuklari bilan tanishdi.
Reklama huquqlari asosida.
