Shanba kuni ertalab bir qator aviakompaniyalarning samolyotlari Yaqin Sharqda vaziyat keskinlashishi va havo hududining bir qismi yopilishi munosabati bilan yo‘nalishlarni o‘zgartirishga majbur bo‘ldi.
Kechasi Isroil Mudofaa Armiyasi (SAXAL) oktabr oyi boshi va aprel oylaridagi hujumlardan so‘ng Eronga “javob zarbasi” berdi. SAXAL vakili Daniel Xagari zarbalar Eronning raketa va havo hujumidan mudofaa tizimlari ishlab chiqaruvchi obyektlariga qaratilganini aytdi. The Times of Israel nashrining yozishicha, hujum maqsadlariga muvaffaqiyatli erishilgan.
Uzbekistan Airports ma’lumotlariga ko‘ra, Jazeera Airways aviakompaniyasining Toshkent — Quvayt yo‘nalishi bo‘yicha soat 4:50 da uchgan J9−1650 reysi Toshkent aeroportiga qaytib keldi — samolyot soat 7:06 da qo‘ndi.
Fly Dubai aviakompaniyasining Toshkent — Dubay yo‘nalishi bo‘yicha FZ-1942 reysi soat 4:58 da Toshkent vaqti bilan soat 6:58 da Ashxoboddagi zaxira aerodromga qo‘ndi.
Centrum Air aviakompaniyasining Jidda — Toshkent yo‘nalishi bo‘yicha S6−702 reysi xuddi shu sababga ko‘ra Ar-Riyoddagi zaxira aerodromiga qo‘ndi.
Madina — Farg‘ona yo‘nalishi bo‘yicha S6−3336 Centrum Air reysi Toshkent vaqti bilan soat 8:17 da Al-Maktum (Dubay) zaxira aerodromiga qo‘ndi.
Fly Dubai aviakompaniyasining Dushanbe — Dubay yo‘nalishi bo‘yicha FZ-778 reysi ekipaji Toshkentga muqobil aerodromga borishga qaror qildi. Samolyot 8:32 da qo‘ndi. Ekipajning dam olishi munosabati bilan Toshkentdan uchish soat 21:00 ga rejalashtirilgan. Yo‘lovchilar mehmonxonaga joylashtiriladi.
Ma’lum qilinishicha, Eron havo hududi bo‘ylab bir qator reyslar O‘zbekiston shaharlaridan kechikib uchgan.
