Oliy Majlis Qonunchilik palatasi va mahalliy kengashlar deputatlari saylovida ishtirok etganlar soni 47,62 foizni tashkil etdi, deb xabar berdi Markaziy saylov komissiyasi.
Soat 8:00 dan boshlab 19,944 milliondan ortiq saylovchilardan 9,498 millioni ovoz berdi.
“Saylov bo‘lib o‘tgan deb topildi”, — dedi MSK raisi o‘rinbosari Bahrom Kuchkarov brifingda.
Saylov kodeksiga ko‘ra, saylovda kamida 33 foiz saylovchi ishtirok etgan bo‘lsa, saylov bo‘lib o‘tgan hisoblanadi.
Hududlar bo‘yicha davomad quyidagicha:
- Qoraqalpog‘iston Respublikasida 42,87 foiz;
- Andijon viloyatida 48,12 foiz;
- Buxoro viloyatida 44,01 foiz;
- Jizzax viloyatida 53,41 foiz;
- Navoiy viloyatida 46,83 foiz;
- Namangan viloyatida 48,67 foiz;
- Samarqand viloyatida 50,55 foiz;
- Sirdaryo viloyatida 50,23 foiz;
- Surxondaryo viloyatida 46,59 foiz;
- Toshkent viloyatida 45,52 foiz;
- Farg‘ona viloyatida 51,24 foiz;
- Xorazm viloyatida 48,88 foiz;
- Qashqadaryo viloyatida 49,12 foiz.
- Toshkent shahrida 41,09 foiz.
Xorijdagi saylov uchastkalarida ovoz berish ma’lumotlari dushanba kuni e’lon qilinadi.
