Oliy Majlisi Qonunchilik palatasining 18-noyabr kuni bo‘lib o‘tgan yangi tarkibdagi birinchi majlisida avvalgi 12 ta qo‘mita o‘rniga yangilangan 10 ta qo‘mita tuzilib, 9 tasining rais saylandi.
Qo‘mitalar sonining qisqarishiga mehnat, sog‘liqni saqlash va ijtimoiy masalalar, shuningdek, xalqaro munosabatlar, mudofaa va xavfsizlik sohalarini birlashtirish orqali erishildi.
Avvalroq palata spikeri Nuriddin Ismoilov va uning o‘rinbosarlari Mavluda Xo‘jayeva va Rahimjon Hakimovlar saylangani haqida xabar berilgan edi.
Yangi komissiyalar ro‘yxati
Budjet va iqtisodiy masalalar qo‘mitasi — rais Sharofiddin Nazarov;
Demokratik institutlar va fuqarolik jamiyatini rivojlantirish qo‘mitasi — rais Gulrux Agzamova;
Innovatsion rivojlanish va axborot texnologiyalari masalalari qo‘mitasi — rais Ilhom Abdullayev;
Korrupsiyaga qarshi kurashish va sud-huquq masalalari qo‘mitasi — rais Jahongir Shirinov;
Tadbirkorlik, raqobatni rivojlantirish va sanoat masalalari qo‘mitasi — rais Bobur Bekmurodov;
Agrar va suv xo‘jaligi masalalari qo‘mitasi — rais Ravshan Mamutov;
Fan, ta’lim, madaniyat, sport va yoshlar masalalari qo‘mitasi — rais Nodir Jumayev;
Xalqaro ishlar, mudofaa va xavfsizlik qo‘mitasi — rais Ulug‘bek Shermatov;
Ekologiya va atrof-muhitni muhofaza qilish masalalari qo‘mitasi — rais Xayrullo G‘afforov;
Mehnat, sog‘liqni saqlash va ijtimoiy masalalar qo‘mitasi.
