O‘zbekiston hukumati 30-noyabrdagi qarori bilan Yo‘l harakati qoidalariga “Baland piyodalar o‘tish joyi” belgisini, “Baland piyodalar o‘tish joyi” sariq-oq belgisini, shuningdek, ko‘tarilgan o‘tish joyi va muallaq holatdagi “zebra”ga taqlid qiluvchi 3D belgini kiritdi.
Hujjatda qayd etilishicha, yo‘l infratuzilmasi sharoitlarining yetarli emasligi qatnov qismida piyodalar xavfsizligiga salbiy ta’sir ko‘rsatmoqda. Hujjatni ishlab chiquvchilar yangi belgi va chiziqning joriy etilishi piyodalar xavfsizligini oshiradi va ularning ustuvorligini ta’minlaydi, deb hisoblaydi.
YHQga qo‘shimchalar
Yangi 5.48 “Baland piyodalar o‘tish joyi” axborot-ko‘rsatkich belgisi;
Eslatib o‘tamiz, YHQda 1.31 “Sun’iy yo‘l notekisligi” ogohlantiruvchi belgisi mavjud bo‘lib, u asosan tezlikni kamaytirish uchun tashkil qilingan kichik do‘ngliklar oldidan o‘rnatiladi;
Gorizontal chiziq 1.29.1 “Sun’iy notekislik” (baland piyodalar o‘tish joyini bildiradi):
Gorizontal chiziq 1.29.2 “Sun’iy notekislik (avtomobil yo‘llarida 3D ko‘rinishidagi baland piyodalar o‘tish joyini bildiradi)”:
1.29.3 “Avtomobil yo‘llarida 3D ko‘rinishdagi piyodalar o‘tish joyi” gorizontal chizig‘i:
Shuni ta’kidlash kerakki, YHQda 1.29 “Sun’iy notekislik” belgisi ham mavjud.
Hujjatda yana nimalar yozilgan?
Qarorda qayd etilishicha, “Baland piyodalar o‘tish joylari” yo‘l belgisi hamda yo‘l yotiq chiziqlari shaharlar va boshqa aholi punktlarining ko‘chalarida, davlat va mahalliy ahamiyatga molik avtomobil yo‘llarining yoritilgan hamda yuqori tezlik soatiga 30 kilometrgacha cheklov joriy qilingan uchastkalarida, turar joy dahalaridagi ko‘rinish cheklangan chorrahalarda, bolalar maydonchalari hamda ta’lim tashkilotlari oldidagi yo‘l uchastkalarida, ommaviy dam olish joylari, stadionlar, vokzallar, savdo markazlari va boshqa odam ko‘p to‘lanadigan joylarda, ko‘chalarning 1.21. “Bolalar” yo‘l belgisi ta’siridagi qismlariga o‘rnatiladi.
Mutaxassislar qanday fikrda?
Shaharsozlik mutaxassisi Bobur Sirojev belgi va reja turlarini ko‘paytirishni ortiqcha deb hisoblaydi, bu esa yangi xarajatlar va harakat ishtirokchilarining axborot bilan ortiqcha yuklanishiga olib keladi.
Yo‘lda haydovchilarni ogohlantirish uchun yetarli bo‘lgan “Sun’iy notekislik” belgisi va tegishli chiziq mavjud edi.
Uning qo‘shimcha qilishicha, 3D “zebra” ko‘p yillardan beri davlat yo‘l belgilash standartlarida mavjud. Ehtimol, haydovchi ushbu belgini to‘g‘ri talqin qilishi uchun u YHQga qo‘shildi.
Urbanist Iskandar Soliyevning ta’kidlashicha, 3D belgilash haydovchilarni jismonan hech qachon tezlikni pasaytirmaydi. Bundan tashqari, bunday “zebra” yoki “baland” o‘tish joyidan bir marta o‘tib, haydovchilar bu joyda aslida hech qanday notekislik yo‘qligini bilishadi.
Mutaxassislar ham “Zebra”ni belgilashda turli ranglardan foydalanishning hojati yo‘qligini ta’kidlashgan. Bu nafaqat xarajatlarni oshiradi, balki kontrastlikni va shunga mos ravishda “zebra”ning sezilarliligini yomonlashtiradi.
Yo‘l harakati qoidalarida qora-oq va sariq-oq “zebralar” ham ko‘rsatilgan, ammo ular nimasi bilan farq qilishi ko‘rsatilmagan.
“Gazeta.uz” so‘nggi oylarda hududlarda baland piyodalar o‘tish joylarini faol ravishda yaratishni boshlagani haqida yozgan edi. Bunda chiziq va ishlatiladigan ranglar ko‘p hollarda bir-biridan farq qiladi.
Toshkent shahri. Foto: YHXX
Qashqadaryo viloyati. Foto: YHXX
Samarqand. Foto: YHXX
Misol uchun quyida Londondagi ko‘tarilgan piyodalar o‘tish joyi ko‘rsatilgan. Yonaltirilgan yorug‘lik, rang va bo‘yoqlardan minimal foydalanish (faqat oq rang), har bir yo‘nalishda bittadan yo‘l chizig‘i, yo‘l qismi chegaralarini aniq belgilangan (O‘zbekiston ko‘cha va yo‘llaridan farqli o‘laroq), xavfsizlik orolchasi mavjud.
Foto: Arkadiy Gershman.
