SpaceX va Tesla asoschisi Ilon Mask tarixda sof kapitali 400 milliard dollardan oshgan birinchi odam bo‘ldi, deb yozmoqda Bloomberg.
Bu natijaga erishishda so‘nggi katalizator SpaceX aksiyalarining sotilishi bo‘ldi, qaror Bloomberg Billionaires Index`ga ko‘ra, Maskning sof kapitalini taxminan 50 milliard dollarga — 439,2 milliard dollargacha oshirdi.
Forbes hozircha Maskning boyligini 367,5 milliard dollar darajasida qayd etmoqda. U hamon jurnal milliarderlari reytingida birinchi o‘rinda qolmoqda.
Bloomberg`ning ta’kidlashicha, 2022-yil oxirida Maskning kapitali 200 milliard dollardan ko‘proqqa qisqargandi, biroq so‘nggi paytlarda u o‘sishni boshladi va, ayniqsa, Donald Trampning AQShdagi saylovlardagi g‘alabasidan keyin keskin o‘sdi.
Maskning yana bir kompaniyasi SpaceX hozirda 350 milliard dollarga baholanmoqda, bu uni dunyodagi eng qimmat xususiy startapga aylantiradi, deb ta’kidlaydi Bloomberg.
Donald Tramp saylovda g‘alaba qozonganidan so‘ng Ilon Mask va respublikachilar praymerizi uchun prezidentlikka nomzodini ko‘rsatgan millioner Vivek Ramasvami AQSh hukumatining yangi samaradorlik departamentiga rahbarlik qilishini e’lon qildi.
Prezidentlik kampaniyasi davrida Mask, Amerika ommaviy axborot vositalari yozganidek, Tramp atrofidagi “muhim shaxs”ga aylandi. U Trampga mablag‘ taraflama yordam berdi, u bilan ko‘p vaqt o‘tkazdi va ma’lumotlarga ko‘ra, uning kadrlar bo‘yicha qarorlariga ta’sir qila boshladi. NBC nashrining yozishicha, Mask saylovdan keyin bir hafta davomida vaqtini deyarli Trampning Floridadagi Mar-a-Lagodagi qarorgohida o‘tkazgan, bu esa siyosatchining atrofidagilarni g‘azablantira boshlagan.
