Toshkent davlat iqtisodiyot universiteti Talaba Yugur ommaviy yugurish ishtirokchilari — talabalar va o‘qituvchilarni sertifikatlar, vaucherlar va suvenirlar bilan mukofotlagan ilk ta’lim muassasalaridan biriga aylandi. Universitet bu estafetani ommaviy sport yugurishlarga qo‘shilgan O‘zbekistonning boshqa oliygohlariga topshiradi.
Minglab fuqarolarning mehrini qozongan Yangi Nafas ommabop milliy harakati joriy yilda Talaba Yugur sinov loyihasini yo‘lga qo‘yish uchun zamin yaratdi. Loyiha talabalar faolligini rivojlantirish va yoshlar orasida sog‘lom turmush tarzini shakllantirishga qaratilgan. Tashabbusning rasmiy hamkorlari sifatida O‘zbekiston Respublikasi Oliy ta’lim, fan va innovatsiyalar vazirligi, Sport vazirligi hamda “O‘zbekneftgaz” AJ va O‘zbekiston Yengil atletika federatsiyasi belgilandi. Musobaqalarning rasmiy operatori — Markaziy Osiyo yugurish va yurish akademiyasi.
9-oktabrdan 23-noyabrgacha O‘zbekistonning turli hududlarida bo‘lib o‘tgan 14 ta Talaba Yugur tadbiri qariyb 20 ming talaba va o‘qituvchilarni birlashtirdi. Loyiha bayrog‘i ostida mamlakatning 160 ta oliy ta’lim muassasasi ishtirok etib, yosh avlod orasida yugurish madaniyatini rivojlantirish sari ilk qadamni qo‘ydi. O‘zbekiston Respublikasi Davlat bayrog‘i kunini nishonlashga bag‘ishlangan oxirgi ikkita yugurish “Yangi O‘zbekiston” bog‘ida o‘tkazildi. Ularda Toshkent shahri va Toshkent viloyatidagi yetakchi universitetlar ishtirok etdi. Ushbu tadbirlar yoshlarni havaskorlik sporti va yengil atletikaga jalb qilish bo‘yicha keng ko‘lamli tashabbusga yorqin yakun yasadi.
Oliy ta’lim, fan va innovatsiyalar vazirligi rahbariyatining qayd etishicha, Talaba Yugur loyihasi davlat va xususiy ta’lim muassasalari orasida katta qiziqishga sabab bo‘ldi. 2025-yilda boshlanadigan keyingi mavsumda ishtirokchilar sonining yanada ortishi kutilmoqda.
Vazirlikning taklifiga muvofiq yugurish g‘oliblari stipendiyasiga pulli ustama bilan mukofotlanadi: birinchi o‘rin — yarim yilga, ikkinchi o‘rin — to‘rt oyga, uchinchi o‘rin — ikki oyga. Bundan tashqari, oliy ta’lim muassasasining har bir kursidan yugurishdagi eng yaxshi talabalar uchun ham sovrinlar nazarda tutilgan.
“Yangi Nafas loyihasi jamiyat uchun jismoniy faollik naqadar ahamiyatli ekanligini ko‘rsatib, vazirliklar va idoralar sa’y-harakatlarining birlashishiga xizmat qildi. Talaba Yugur loyihasi — bugungi kunda muhim g‘oyalarni amalga oshirishda harakatga keltiruvchi kuch hisoblanuvchi talabalar va pedagoglarga qaratilgan manzilli tashabbusdir. Umid qilamizki, yaqin yillarda Talaba Yugur yangi bosqichga chiqadi va oliygohlar yoki hududlar o‘rtasidagi musobaqalar uchun asosga aylanadi. Bu yoshlarga yengil atletika go‘zalligini kashf qilishda yordam beradi”, — deya Bahodir Sidiqov, “O‘zbekneftgaz” boshqaruvi raisi — O‘zbekiston yengil atletika federatsiyasi raisi.
Talaba Yugur yugurish tadbirlarini bir yilda ikki marta — bahorda va kuzda o‘tkazish rejalashtirilgan. Ishtirokchilarni ro‘yxatga olish Yugur.uz onlayn platformasida shaxsiy kabinet orqali amalga oshiriladi. Bu shaffoflikni hamda barcha hududlar uchun kirish imkonini ta’minlaydi. Talabalar uchun hamyonbop narxlar bo‘yicha start to‘plamlarining keng tanlovi nazarda tutilgan.
Bahorgi Talaba Yugur yugurish tadbiriga qo‘shilish hamda yugurish va faol turmush tarzi muxlislarini birlashtiruvchi keng ko‘lamli sport harakatining bir qismiga aylanish mumkin.
Reklama huquqlari asosida.
