O‘zbekiston Markaziy banki tomonidan belgilanadigan rasmiy AQSh dollari kursi 2024-yilda 581,71 so‘mga — 27-dekabr kuni valyuta birjasidagi so‘nggi savdo kunida 12 338,77 so‘mdan 12 920,48 so‘mga ko‘tarildi.
Yil davomida milliy valyuta 4,71 foizga qadrsizlandi. Milliy valyutaning devalvatsiya sur’ati 2023-yilga nisbatan past (9,92 foiz), biroq 2022-yilga (3,58 foiz) nisbatan yuqori bo‘ldi.
Dekabr oyida dollar so‘mga nisbatan 55,43 so‘mga (+0,43 foiz), noyabrda deyarli 91 so‘mga (+0,71 foiz), oktabrda 59 so‘mga (+0,46 foiz) oshdi.
Iqtisodchi Mirkomil Xolboyev avvalroq O‘zbekiston milliy valyutasi devalvatsiyasi sabablarini tahlil qilgandi.
Iqtisodiyot va moliya vazirligi 2025-yilda AQSh dollarining so‘mga nisbatan yillik o‘rtacha kursi 13 250 so‘mni (2024-yilga mo‘ljallangan prognoz darajasidan 4,8 foizga ko‘p), 2026-yilda 13 725 so‘mni, 2027-yilda 14 150 so‘mni tashkil etishini kutmoqda.
2024-yilda dollarning o‘rtacha kursi 12 654 so‘m darajasida shakllangan bo‘lib, bu 12640 so‘m prognozdan biroz yuqori hisoblanadi.
