Sammit spikerlari orasida:
- Murad Buildings (O‘zbekiston) bosh direktori Oybek Nurmuhamedov;
- Altera (Germaniya) developerlik kompaniyasi egasi Eduard Shtumpf;
- YE’S apart-otellar tarmog‘ini rivojlantirish bo‘yicha direktor Anton Agapov, hamkor;
- Commonwealth Partnership Uzbekistan [CWPU] bosh direktori Denis Sokolov;
- S&P Architektura Krajobrazu landshaft byurosi bosh direktori Miroslav Shtukalar bor.
Butun dunyoga mashhur me’mor va Yevropa arxitektura mukofoti sovrindori Sergey Choban Bokuda bo‘lib o‘tadigan “Harakat” xalqaro ko‘chmas mulk sammitining bosh layneri bo‘ladi. Uning loyihalari bo‘yicha Germaniyadagi “Kubiks” kinoteatri va “DomAkvare” majmuasi, Moskva sitidagi “Federatsiya” minorasi va Rossiyadagi “Zotov” konstruktivizmni o‘rganish markazi, shuningdek, Dubaydagi EXPO-2020 da Rossiya paviloni amalga oshirilgan.
Mutaxassislar turli mamlakatlardagi rivojlanish xususiyatlari haqida gapirib beradi: Germaniyada mahsulot tendensiyalari va bozor transformatsiyalari, Turkiyada pudrat tashkilotlari bilan ishlashga e’tibor qaratgan holda rivojlanish siklini amalga oshirish, Polshada jamoat maskanlarini yaratish va obodonlashtirish loyihalari va boshqalar. Sammit dasturidan sharhlar ham o‘rin olgan: masalan, Saudiya Arabistoni va BAA bozorlarini taqqoslash, shuningdek, Intrud va hindistonlik hamkorning Hindistondan ishchilarni yollash bo‘yicha qo‘shma ma’ruzasi.
“Bokudagi „Harakat“ xalqaro sammiti ikki kunlik kuchli netvorking va boy biznes dasturi shaklida bo‘lib o‘tadi, bu orqali ishtirokchilar o‘z loyihalari portfelini qanday diversifikatsiya qilish va yangi bozorlarga chiqish uchun birinchi qadamlarni rejalashtirish, turli mamlakatlardagi yirik developerlik kompaniyalarining birinchi shaxslari bilan tanishish, sheriklar topish, Kaspiy dengizi qirg‘og‘idagi Pasha Real Estate Group va Sea Breeze’ning mashhur loyihalariga shaxsan tashrif buyurishlari mumkin bo‘ladi. Albatta, bu Bokuni — jahonga mashhur me’morlar — Zaxa Hadid, Chapman Teylor, Norman Foster loyihalashtirgan shaharni ko‘rish uchun mukammal bahona”, — dedi “Harakat” forumi asoschichi Ilya Piskulin. Sammit tashkilotchilari Ozarbayjonning yirik developer kompaniyalari — Pasha Real Estate Group va Sea Breeze.
Boku investitsion jozibadorligi tufayli ham “Harakat” xalqaro sammiti o‘tkaziladigan joyga aylandi. Xorijiy investorlar Ozarbayjondagi ko‘chmas mulk segmentiga tobora ko‘proq e’tibor qaratmoqda. Bokudagi tadbir “Harakat”ning uchinchi xalqaro sammiti bo‘ladi. Birinchisi 2023-yilda Olmaotada, ikkinchisi 2024-yilning bahorida Dubayda bo‘lib o‘tgan.
Avvalroq Sputnik Ozarbayjon agentligi Boku va Toshkent 520 million dollarlik qator qo‘shma loyihalarni boshlagani haqida xabar bergan edi. Ozarbayjonda ikkita to‘qimachilik klasteri tashkil etiladi, to‘qimachilik fabrikasi quriladi va ikki mamlakat o‘rtasida do‘stlik bog‘i ochiladi. O‘zbekistonda, o‘z navbatida, besh yulduzli mehmonxona va premium-klassdagi qarorgoh, gips ishlab chiqarish zavodi, shuningdek, Toshkent shahrida Agalarov Development turar joy majmualari qurilishi boshlanadi. Bundan tashqari, 2024-yil may oyida Report nashri O‘zbekiston Investitsiyalar, sanoat va savdo vazirligiga tayanib, mamlakat hukumati Ozarbayjonning Pasha Development kompaniyasi bilan hamkorlik qilishga kelishib olgani haqida xabar bergan edi. Toshkent xalqaro investitsiya forumi doirasida umumiy qiymati 26,6 mlrd dollar bo‘lgan bitimlar imzolandi.
Reklama huquqlari asosida.
