Siyosat
Sirdaryo viloyati hokimiga yangi o‘rinbosar tayinlandi
Alisher Xidirov Sirdaryo viloyati hokimiga o‘rinbosar etib tayinlandi. U bunga qadar “O‘ztemiryo‘lyo‘lovchi” kompaniyasida ishlagan.
Shavkat Mirziyoyev Malayziyaga yetib bordi
O‘zbekiston prezidenti Malayziya bosh vaziri taklifiga binoan rasmiy tashrif bilan Kuala Lumpurga yetib bordi. 5-fevral kuni ikki mamlakat biznes forumi bo‘ladi, yetakchilar ishtirokida oliy darajadagi muzokaralar o‘tkaziladi.
Iqtisodiyot
669 ming so‘m: O‘zbekistonda kambag‘allik chegarasi yangilandi
O‘zbekistonda 2025-yil uchun hisoblangan minimal iste’mol xarajatlari qiymati bir oyda kishi boshiga 669 ming so‘mni tashkil etdi (+3 foiz). Oxirgi marta bu miqdor energiya tariflari oshishi fonida 4,3 foizga (648 ming so‘mgacha) oshirilgandi. Mamlakatda bu ko‘rsatkich kambag‘allik chegarasini aniqlashda ishlatiladi.
O‘zbekistonda xalqaro kuryerlik jo‘natmalari uchun yig‘im joriy etilmoqda. U qaysi tovarlarga tatbiq etiladi?
Xalqaro kuryerlik jo‘natmalarining 1 kilosi uchun BHMning 2 foizi miqdorida bojxona yig‘imi joriy etiladi. U barcha xorijiy marketpleyslardan tovarlarni yetkazib berishda va jismoniy shaxslar o‘rtasida jo‘natmalarni yuborishda amal qiladi. Bojxona qo‘mitasi “Gazeta.uz"ga yangi tartib to‘g‘risida ma’lumot berdi.
Qishloq xo‘jaligida yer islohotlarini amalga oshirish loyiha ofisi tashkil etiladi
Prezident farmoniga muvofiq qishloq xo‘jaligida yer islohotlarini amalga oshirish loyiha ofisi tashkil etilishi belgilanmoqda. Qishloq xo‘jaligiga mo‘ljallangan yer uchastkalarini ajratishda ijaraga oluvchilarning mustaqilligi va yuqori qo‘shilgan qiymatga ega ekinlar yetishtirishga asoslangan yangi tizim yaratiladi.
Toshkent-Andijon va Toshkent-Samarqand pulli avtomobil yo‘llari qurilishi 2025-yilda boshlanadi — vazir
Toshkent-Andijon va Toshkent-Samarqand pulli avtomobil yo‘llari qurilishi 2025-yilda boshlanadi, dedi transport vaziri Ilhom Mahkamov. Uning so‘zlariga ko‘ra, 30 dan ortiq kompaniya birinchi loyihaga qiziqish bildirgan.
O‘zbekiston 2025-yilda Transafg‘on temiryo‘li qurilishini boshlashni rejalashtirmoqda
O‘zbekiston — Afg‘oniston — Pokiston Transafg‘on temir yo‘li qurilishi 2025-yilda boshlanishi rejalashtirilmoqda, dedi transport vaziri Ilhom Mahkamov. Prezidentga loyiha donorlari bilan olib borilayotgan ishlar, yo‘l uchastkasini kengaytirish rejalari haqida ma’lumot berildi.
Jamiyat
“Uch marta yengdim, to‘rtinchisida ham taslim bo‘lmayman”. Saraton bilan kurashayotgan Dildora Mavlonova hikoyasi
Unga til saratoni, keyinroq o‘pka va ko‘krak bezi saratoni, ko‘p o‘tmay oqqon tashxisi qo‘yilgan. U kasalliklar bilan birga oilaviy va moddiy qiyinchiliklar bilan ham sinalgan. “Iroda” loyihasining bu galgi qahramoni — taqdir zarbalarini yengish uchun farzandlaridan kuch olgan Dildora Mavlonova.
O‘zbekistonda fevral oyida ob-havo qanday bo‘ladi?
Prognozlarga ko‘ra, O‘zbekistonda 2025-yilning fevral oyi yog‘ingarchilik bo‘yicha quruqroq, harorat rejimi bo‘yicha esa mamlakatning katta qismida me’yor atrofida o‘tadi. Iqlimshunos Erkin Abdulahatov “Gazeta.uz” uchun yilning ikkinchi oyi ob-havosi bo‘yicha videoli va matnli sharh tayyorladi.
Avtobusda maktab o‘quvchisining qo‘lidan ushlab olgan erkak 8 sutkaga qamaldi. Bolaning otasi sud qaroridan norozi
Toshkentda 37 yoshli erkak avtobusda o‘tirgan 12 yoshli o‘quvchiga diqqat bilan qarab, keyin uning qo‘lidan ushladi. Erkakning ta’kidlashicha, u buni tasodifan, bolani qarindoshi deb o‘ylab qilgan. Bolaning otasi sud erkakni shilqimlik uchun emas, mayda bezorilik uchun jazolaganidan norozi.
Qashqadaryoda ikki yigit YTH oqibatida vafot etdi
Qarshi shahrida drift qilishga uringan 19 yoshli Nexia haydovchisi yo‘l chetidagi daraxtga urildi. Zarba kuchliligi oqibatida mashinada bo‘lgan uning ikki do‘sti vafot etdi.
Toshkentdagi Riviera majmuasida farrosh ayol lift shaxtasida halok bo‘ldi
Toshkent shahridagi Riviera savdo majmuasida farrosh ayol lift shaxtasini tozalayotgan vaqtda uskuna harakatlanishni boshlagan. Oqibatda xodim lift toshlari qisib qolishi oqibatida halok bo‘lgan. Ekspertiza tayinlandi, tekshiruv boshlandi.
Toshkentda sobiq hokim yordamchisi 20 kishi nomiga kredit rasmiylashtirib, pulni ishlatib yuborgani aniqlandi
Toshkent shahrida hokim yordamchisi 20 nafar fuqaroning elektron kalitini qo‘lga kiritib, ularning nomiga 427 mln so‘m kredit olgan va o‘z ehtiyojlariga sarflab yuborgan. Shuningdek, qarindoshlari va tanishlariga qalbaki tavsiyanomalar orqali kredit ajratgan. Unga nisbatan jinoyat ishi qo‘zg‘atildi.
Toshkent viloyatida 4 tup shumtolni kesib tashlaganlar tabiatga 412 mln so‘m zarar yetkazdi
Yangiyo‘l tumanida ikki fuqaro 4 tup shumtol daraxtini noqonuniy ravishda kesib tashladi. Ular bu orqali tabiatga 412 mln so‘m zarar yetkazgani aniqlandi. Holat yuzasidan to‘plangan hujjatlar prokuraturaga yuborildi.
Oziq-ovqat mahsulotlarining iste’mol normalari har 3 yilda qayta ko‘rib chiqiladi
O‘zbekistonda oziq-ovqat mahsulotlarining iste’mol normalari har 3 yilda qayta ko‘rib chiqilishi belgilanmoqda. Qishloq xo‘jaligi vazirligi oziq-ovqat xavfsizligi sohasidagi vakolatli davlat organi hisoblanadi.
Endi tomorqalarda ishlarni tashkil qilish bilan hokim yordamchilari shug‘ullanadi
O‘zbekistonda yaratilayotgan ish o‘rinlarining haqqoniyligini tekshirish tizimi kuchaytiriladi, dedi bosh vazir o‘rinbosari. Har bitta mahalla bankiriga to‘rtta mahalla biriktiriladi. Hokim yordamchilari ishini “jonlantirish va yangi turtki berish” maqsadida tomorqalarda ishlarni tashkil etish vazifasi yuklatiladi.
Pillachilik sohasida band bo‘lganlar haqidagi ma’lumotlar elektron platformaga kiritiladi
Hukumat qarori bilan pillachilik sohasida ayollarni bosqichma-bosqich ish bilan ta’minlash chora-tadbirlari bo‘yicha tartib tasdiqlandi. Hujjat bilan sohada band bo‘lgan fuqarolar haqidagi ma’lumotlar elektron platformaga kiritilishi belgilandi.
Sotuvchi iste’molchiga tovarni yetkazib berishda kechiktirilgan muddati uchun penya to‘lashi belgilanmoqda
O‘zbekistonda sotuvchi iste’molchiga shartnomada ko‘rsatilgan muddatlarda tovarni topshirmagan taqdirda penya to‘lashi tartibi belgilanmoqda. Tegishli qonun deputatlar tomonidan ikkinchi o‘qishda qabul qilindi.
Toshkent metrosiga yana yangi 3 ta poyezd olib kelindi
Toshkent metropoliteni yana 3 ta poyezd sotib oldi. Poyezdlar 7−10 kun davomida texnik sinovdan o‘tkazilib, yo‘nalishlarga chiqariladi.
Bosh prokuratura Toshkent hokimligining hokim yordamchisi to‘g‘risidagi raddiyasiga javob berib, jamoatchilikni chalg‘itmaslikka chaqirdi
Toshkentda hokim yordamchisi o‘zgalarning nomiga kredit olgani ma’lum bo‘ldi. Hokimlik uni 2024-yil noyabrda ishdan bo‘shaganini ta’kidlab, OAVni ma’suliyatli bo‘lishga chaqirdi. Prokuratura esa u jinoyatni hokim yordamchisi bo‘lganida sodir etganini qayd etib, hokimlikni jamoatchilikni chalg‘itmaslikka chaqirdi.
O‘zbekistonda uchta firibgarlik koll-markazi fosh etildi
O‘zbekistonda Rossiya fuqarolariga nisbatan firibgarlik ishi bo‘yicha 32 kishi ushlandi. Jinoiy guruh koll-markazlar ko‘rinishida rossiyaliklarga sifatsiz BADlar uchun kompensatsiya va’da qilgan. “To‘lovni olish” uchun jabrlanuvchilar firibgarlarning hisobraqamiga “soliq” ko‘rinishidagi mablag‘ni o‘tkazib bergan.
Madaniyat
Evrilish san’ati. Toshkentda Diyor Raziqov ko‘rgazmasi ochildi
O‘zmilliybank Tasviriy san’at galereyasida rassom Diyor Raziqovning “Mexanizm” nomli keng ko‘lamli shaxsiy ko‘rgazmasi ochildi. “Gazeta.uz” sharhlovchisi Dmitriy Povarov masterning retrospektiv ko‘rgazmasiga tashrif buyuruvchilarni jalb qiladigan ijodiy “tishli g‘ildirak"lar haqida fikr yuritdi.
Sport
Shaxmatchi Nodirbek Abdusattorov Tata Steel Chess superturnirida uchinchi o‘rinni egalladi
O‘zbekistonlik shaxmatchi Nodirbek Abdusattorov dunyodagi eng qadimiy va kuchli turnirlardan biri — Veyk-an-Zeyedagi Tata Steel Chess’da uchinchi o‘rinni egalladi. O‘tgan yillardagi kabi, u g‘alaba qozonishga yaqin edi, lekin finishda uch marta qoqildi.
Jahon
Xitoy AQShga nisbatan javob bojlarini e’lon qildi
Xitoy AQShning ko‘mir, neft, suyultirilgan gaz, qishloq xo‘jaligi texnikasi kabi mahsulotlariga nisbatan javob bojlarini (10−15 foiz) e’lon qildi. Shuningdek, JSTga AQSh ustidan shikoyat kiritdi. Mamlakatda Google`ga nisbatan monopoliyaga qarshi qonunchilikni buzish bo‘yicha tergov ham boshlandi.
Kanada ham AQSh bilan o‘zaro bojlar joriy etishni kechiktirdi
Kanada bosh vaziri Jastin Tryudo Tramp bilan bojlar joriy etilishini kechiktirishga kelishib oldi. Bunda Kanada chegarani mustahkamlashda 10 mingga yaqin odamni safarbar qiladi, fentanil moddasi oqimini to‘xtatish uchun resurslarni ko‘paytiradi. Bir kun avval Meksika ham bojlarni kechiktirishga kelishib olgandi.
Alisher Usmonovning Germaniyadagi villasi sotuvga qo‘yildi
Germaniyada Alisher Usmonov yashagan villa qarzdorligi uchun sotuvga qo‘yildi. 25 mln yevroga baholangan obyekt mamlakatdagi eng qimmat ko‘chmas mulk sifatida e’tirof etildi. Arbitraj boshqaruvchisi villaning ofshor kompaniyaga tegishli ekanini ta’kidladi.
AQSh yordam evaziga Ukrainadan noyob metallarni olmoqchi
Donald Trampning aytishicha, AQSh o‘z yordami evaziga Ukrainadan nodir yer metallarini olishni xohlaydi. Agar xavfsizlik kafolatlari taqdim etilsa, Kiyev Vashington bilan ishlashga tayyor, deb yozmoqda NYT.
Qozog‘istonda AES qurish bo‘yicha short-listga to‘rtta davlat kompaniyalari kiritildi
Qozog‘istondagi birinchi AES uchun texnologiya yetkazib beruvchilar short-listiga to‘rt mamlakat, jumladan, Rossiyaning “Rosatom” va Xitoyning CNNC kompaniyalari kiritildi. Avvalroq prezident Qosim-Jomart Toqayev hukumatga AES qurilishini jadallashtirish va yadro klasterini yaratishni boshlashni buyurgandi.
Bizni o‘qiyotganingiz uchun rahmat!
