Iqtisodiyot
O‘zbekistonda elektromobillar uchun utilizatsiya yig‘imi: ekologik chorami yoki savdoga to‘siq?
1-maydan import elektromobillar uchun utilizatsiya yig‘imi miqdori sezilarli oshadi. Investitsiyalar vazirligi vakili Inomjon Abdurahmonov buni akkumulyatorlarni qayta ishlash infratuzilmasini yaratish va mahalliy avtosanoatni qo‘llab-quvvatlash zarurati bilan izohladi. “Gazeta.uz” uning dalillarini o‘rgandi.
“Aloqabank” biznes loyihalarni qo‘llab-quvvatlovchi “yoshlar banki"ga aylantiriladi
“Aloqabank” 200 mln dollar hisobiga yoshlarning biznes loyihalarini qo‘llab-quvvatlovchi “yoshlar banki"ga aylantiriladi. Bank ayrim yosh tadbirkorlarga 7 yil muddatga 5 mlrd so‘mgacha imtiyozli kredit ajratadi. Milliy bankka oliygoh bitiruvchilari bandligini ta’minlash uchun 100 mln dollar resurs beriladi.
Parrandachilik bilan shug‘ullanuvchi tadbirkorlar va bolalar oromgohlariga soliq imtiyozlari beriladi
Parrandachilik mahsulotlari ishlab chiqaruvchilari 2030-yilgacha ekin maydonlaridan tashqari yer solig‘idan ozod etiladi. Shuningdek, bolalar sog‘lomlashtirish oromgohlari 2027-yilgacha mol-mulk va foyda solig‘idan imtiyozlarga ega bo‘ladi.
O‘zbekistonda biznes optimizmni yo‘qotmoqda: tadbirkorlar energetika muammolaridan shikoyat qilmoqda
MB so‘rovi ko‘rsatdiki, tadbirkorlar ishbilarmonlik muhitini nisbatan pessimistik baholamoqda. To‘rtinchi chorakda o‘rta va yuqori quvvatdagi kompaniyalar ulushi 50% gacha kamaydi — bu 1,5 yildagi minimum. Asosiy sabab — gaz va elektr ta’minotidagi uzilishlar. Yaxshilanish kutilmasi 62% dan 56% gacha tushdi.
Jamiyat
Prezident yoshlarni qo‘llab-quvvatlashning yangi choralarini ma’lum qildi
Yoshlar sanoat zonalarida bino oladigan yosh tadbirkorlarga uskunalar sotib olish uchun 500 ming dollargacha imtiyozli kredit ajratiladi. Mamlakat hududlarida ijodiy sanoat parklari paydo bo‘ladi. “Bir million dasturchi” loyihasiga qo‘shimcha 300 ming yosh jalb etiladi.
O‘zbekistonda metan zapravkalarga gaz yetkazib berish vaqtincha cheklandi
9-fevraldan 12-fevralgacha O‘zbekistonda gazga bo‘lgan talabning oshishi va ob-havoning sovishi tufayli metan zapravkalariga gaz yetkazib berish vaqtincha qisqartirildi, deya xabar berdi “O‘zenergoinspeksiya.” Bu Buxorodagi magistral gaz quvuridagi avariyaga ham to‘g‘ri keldi. Cheklovlar fonida taksi narxi oshdi.
Toshkent va Namanganning ayrim tumanlarida qor ko‘chish xavfi e’lon qilindi
15−18-fevral kunlari Toshkent viloyatining uchta va Namangan viloyatining bitta tumanida qor ko‘chish xavfi e’lon qilindi.
“Naqd puldagi to‘lovlarning bazada qayd etilishiga kafolat bermaymiz” — “O‘zsuvta'minot”
2024-yil 1-dekabrdan ichimlik va oqova suv xizmatlari uchun to‘lovlarni faqat elektron shaklda amalga oshirish tartibi joriy etildi. “O‘zsuvta'minot"ga ko‘ra, nazoratchilarning uyma-uy yurib, to‘lovlarni yig‘ish va qarzdorlik qog‘ozlarini tarqatish jarayonlari to‘liq to‘xtatilgan.
Endi davlat tashkilotlariga ishga kirishda pasport, mehnat va pensiya daftarchasi talab qilinmaydi
Davlat tashkilotlari endilikda fuqarodan ishga kirishda pasport, mehnat va pensiya daftarchasi talab qilmaydi. Qabul qiluvchi ularni axborot tizimlaridagi idoralararo integratsiyalashuv platformalari orqali o‘zi oladi. Hujjat bilan homiladorligi yoki farzandi borligi sabab xodimni ishdan bo‘shatish taqiqlanmoqda.
Yakshanba kuni hududlarda yomg‘ir yog‘ishi mumkin
Yakshanba kuni Qoraqalpog‘iston Respublikasi va Xorazm viloyatidan boshqa hududlarda yomg‘ir yog‘adi. Harorat +3…+6 darajagacha pasayadi. Ba’zi joylarga tuman tushishi mumkin.
AQSh osiyolik 120 ga yaqin migrantni, jumladan, o‘zbekistonliklarni Panamaga deportatsiyaladi
AQSh Osiyo davlatlari, jumladan, O‘zbekistondan kelgan 119 migrantni Panamaga deportatsiyaladi. Chegarani noqonuniy kesib o‘tgach hibsga olingan ushbu muhojirlar vatanlariga yuboriladi. AQSh elchixonasi xodimining “Gazeta.uz"ga bildirishicha, Tramp hokimiyatga kelgach, davlatlar bu sa’y-harakatlarni kuchaytirgan.
Sirdaryodagi maktabda o‘quvchining onasi o‘qituvchini kaltakladi
Sirdaryo tumanidagi maktablardan birida o‘quvchining onasi pedagogni haqoratlab, unga nisbatan kuch ishlatdi. Keyinroq ayol uzr so‘rab chiqdi, unga nisbatan tegishli chora ko‘rildi.
Farg‘onada o‘g‘rilikka tushib, xonadon bekasini pichoqlab o‘ldirgan yigit 17 yilga qamaldi
Farg‘ona shahrida onlayn qimor sabab qarzga botgan yigit qo‘shni mahalladagi xonadonga o‘g‘rilikka tushib, ayolni pichoqlab o‘ldirdi. Sud uni 17 yilga ozodlikdan mahrum qildi.
2024-yilda “Yoshlar daftari” orqali 345 mlrd so‘mlik yordam ko‘rsatildi
O‘zbekistonda 2024-yilda “Yoshlar daftari” orqali 180 ming nafar yoshlarga 345 milliard so‘mlik yordam ko‘rsatildi. Ishsiz yoshlar 2 karra kamayib, ishsizlikdan xoli mahallalar soni 1 ming 889 taga yetdi.
O‘zbekistonda yoshlar ishsizligiga qarshi kurash yangi bosqichga ko‘tariladi — prezident
Prezident yoshlar o‘rtasidagi yuqori ishsizlikning salbiy oqibatlari haqida ogohlantirdi. Bu muammoni hal qilish uchun ishsizlikka qarshi kurash yangi bosqichga ko‘tariladi. Mahalla bankirlari yangi kredit mahsulotlari hisobiga 250 ming kishini daromadli qilishi reja qilinmoqda.
“Barcha tizimdagi rahbarlar yoshlarning ovozini eshitishga majbur” — Shavkat Mirziyoyev
“Endi barcha tizimdagi rahbarlar yoshlarning baralla ovozini eshitishga majbur. Yoshlar buyuk kelajagimizning asosiy bo‘g‘ini ekanligini tushunmagan rahbar bizning safimizda bo‘lishga haqqi yo‘q”, — dedi O‘zbekiston prezidenti yoshlar bilan uchrashuvda.
Yutong Toshkentga yana 200 ta elektrobus yetkazib berish bo‘yicha tenderda g‘olib chiqdi
Yutong avtobus kompaniyasi Toshkentga 200 ta yangi elektrobus yetkazib berish bo‘yicha tenderda g‘olib chiqdi. Transport vazirligi kompaniya vakillari bilan yana 1000 ta avtobus sotib olish masalasini muhokama qildi.
Kam ta’minlangan oilada hech bo‘lmaganda bitta farzand oliy ma’lumotli bo‘lishi zarur — prezident
Kam ta’minlangan oila farzandlariga ta’lim uchun foizsiz kredit beriladi va ta’lim xarajatlarining bir qismi qoplanadi. Ijtimoiy himoyaga muhtoj oilalardagi iqtidorli talabalarni xorijga yuborish loyihasi ham yo‘lga qo‘yiladi. Bularning barchasini ta’lim orqali qashshoqlikni kamaytirish maqsadi birlashtiradi.
Toshkentda yil oxirigacha 452 ta eskirgan lift almashtiriladi
Yil davomida Toshkent shahrida ko‘p qavatli uylardagi 452 ta eskirgan lift almashtiriladi — bu foydalanish muddati allaqachon tugagan liftlarning 22 foizidan biroz ko‘proq. Xavfsizlik darajasi past va xizmat muddati allaqachon 25 yildan oshgan qurilmalarga ustuvorlik beriladi.
Sport
2020-yildan beri yoshi kichraytirilgan 8 nafar futbolchi aniqlandi — PFL
O‘zbekiston Professional futbol ligasi Adliya vazirligi bilan hamkorlikda 2020-yildan beri yoshi kichraytirilgan jami 8 nafar futbolchini aniqlagan. Liga raqamlashtirish sohasidagi islohotlar tufayli bunday muammolarni yaqin yillarda butkul yo‘q qilishga ishonch bildirdi.
Jahon
Rossiya droni Chernobil AESdagi sarkofagga tushdi — Ukraina hukumati
Rossiyaning jangovar droni Chernobil atom stansiyasining vayron bo‘lgan to‘rtinchi energiya bloki ustidagi izolyatsiya inshootiga kelib urildi va yong‘in chiqishiga sabab bo‘ldi, deya xabar berdi Ukraina hukumati. MAGATE portlashni tasdiqladi va radiatsiya darajasi normal holatda qolayotganini ma’lum qildi.
HAMAS garovga olingan isroilliklarni ozod qilishda davom etadi
HAMAS garovga olingan yana 3 nafar isroillikni reja bo‘yicha ozod qilishini ma’lum qildi, bu esa o‘t ochishni to‘xtatish bo‘yicha nizoni hal qilishga yo‘l ochadi. Avvalroq Tramp va Netanyahu agar guruh 15-fevralgacha garovga olinganlarni qaytarmasa, G‘azoda janglar qayta boshlanishini bildirgandi.
AQSh shtatlari Tramp Ilon Maskni DOGE rahbarligiga noqonuniy tayinlaganini da’vo qilmoqda
Bir necha shtatlar bosh prokurorlari Hukumat samaradorligi departamenti (DOGE) rahbari Ilon Maskning federal xarajatlarni qisqartirish bo‘yicha harakatlarini to‘xtatishni so‘rab, sudga murojaat qildi. Da’voda, shuningdek, Tramp Maskka AQSh Kongressining ruxsatisiz “cheklanmagan vakolatlar"ni bergani aytiladi.
“Amerika uchun ko‘proq biznes”. Tramp xorijlik amaldorlarga pora berishni taqiqlovchi qonunni qo‘llashni to‘xtatdi
Donald Tramp Xorijda korrupsiyaga qarshi kurashish to‘g‘risidagi qonunning amal qilishini to‘xtatish bo‘yicha topshiriq berdi. Hujjat amerikaliklar o‘z biznesi yo‘lida xorijlik davlat xizmatchilariga pora berishni taqiqlashni nazarda tutadi. “Bu Amerika uchun ancha ko‘proq biznesni anglatadi”, — dedi Tramp.
Bizni o‘qiyotganingiz uchun rahmat!
