“Yuksalish” harakati hududiy qon quyish markazlari bilan birgalikda 19−25-fevral kunlari O‘zbekistonning 14 ta viloyatida “Biz donormiz!” aksiyasini o‘tkazadi.
“Donor qoni har kuni qiyin ahvolga tushgan insonlar: og‘ir jarohat olgan bemorlar, YTH jabrlanuvchilari, onkologik kasalliklar va boshqa ko‘plab tashxislar tufayli qon quyish zarur bo‘lganlar hayotini saqlab qoladi. Qon zaxiralari muntazam yangilanib turishi kerak, shunda har qanday vaziyatda yordamga muhtojlarga ko‘mak berilishi mumkin”, — deyiladi tashkilot murojaatida.
O‘tgan yili “Biz donormiz!” butun mamlakat bo‘ylab 700 litrdan ortiq qon to‘plash imkonini bergan.
Kimlar donor bo‘lishi mumkin?
Aksiyada 18 yoshga to‘lgan va tibbiy tomondan cheklovlari bo‘lmagan har qanday fuqaro ishtirok eta oladi. Qon topshirishdan oldin shifokorlar tomonidan majburiy tekshiruv o‘tkaziladi, bu esa donorlikning sog‘liq uchun xavfsizligini ta’minlashga yordam beradi.
Kimlarga qon topshirish mumkin emas?
Donorlikka bo‘yicha nisbiy (vaziyatga qarab vaqtinchalik taqiqlar) va mutlaq (donorni doimiy ravishda donorlikdan chetlashtirish) cheklovlar mavjud. Ular bilan Respublika qon quyish markazining saytida tanishish mumkin.
Qon topshirishga qanday tayyorganish kerak?
Qon topshirishdan bir necha kun oldin yog‘li, qovurilgan va achchiq taomlardan saqlanish tavsiya etiladi. Qon topshirishdan kamida 48 soat oldin spirtli ichimliklar ichmaslik kerak. Qon topshirish kuni yaxshi uxlash va yengil nonushta qilish muhim. Jarayondan ikki soat oldin va keyin chekish mumkin emas.
Toshkent shahridagi tadbir 25-fevral kuni soat 9:30 dan 13:00 gacha Furqat ko‘chasi 1/1 uyda joylashgan NNTlar uyida bo‘lib o‘tadi.
Qon topshirish joylari va sanalari
(xaritadagi joylashuv — giperhavolalar orqali)
№ | Viloyat | Sana | Vaqt | Joy |
1. | Andijon viloyati | 20-fevral | 10:00−13:00 | Manzil: |
2. | Farg‘ona viloyati | 19−20-fevral | 10:00−13:00 | Manzil: Farg‘ona shahri NNTlar uyida Farg‘ona viloyati qon quyish markazi |
3. | Buxoro viloyati | 19−20-fevral | 09:00−13:00 | Manzil: |
4. | Qoraqalpog‘iston | 20-fevral | 10:00−13:00 | Respublika qon quyish markazi (Qoraqalpog‘iston) |
5. | Sirdaryo viloyati | 20-fevral | 09:00−12:00 | Sirdaryo viloyati qon quyish markazi |
6. | Surxondaryo viloyati | 20-fevral | 09:00−13:00 | Surxondaryo viloyati qon quyish stansiyasi |
7. | Namangan viloyati | 20-fevral | 09:00−14:00 | Namangan viloyati qon quyish markazi |
8. | Samarqand viloyati | 20-fevral | 10:00−13:00 | Manzillar: 1. Samarqand viloyati qon quyish stansiyasi 3. Samarqand viloyati Urgut tumani “Sovgon” mahallasi 4. Samarqand viloyati Urgut tumani “Taroqli” mahallasi |
9. | Xorazm viloyati | 20-fevral | 09:00−13:00 | Xorazm viloyat qon quyish markazi |
10. | Navoiy viloyati | 20-fevral | 09:00−13:00 | Navoiy viloyati qon quyish stansiyasi |
11. | Toshkent viloyati | 20-fevral | 09:00−13:00 | Toshkent viloyati qon quyish stansiyasi |
12. | Jizzax viloyati
| 21-fevral | 09:00−13:00 | Jizzax viloyati qon quyish markazi |
13. | Qashqadaryo viloyati | 25-fevral | 09:00−16:00 | Qashqadaryo viloyati qon quyish markazi |
14. | Toshkent shahri | 25-fevral | 9:30−13:00 | NNTlar uyi |
“Gazeta.uz” donorlik, uning foydalari va ahamiyatiga oid bir qancha maqolalar tayyorlagan. Ular orqali qanday qilib donor bo‘lish haqida ham ma’lumot olish mumkin.
