Haftaning ikkinchi yarmida issiqlik yanada kuchayadi
3−7 iyunda Eron hududlaridan issiq havo kirib kelishining kuchayishi hisobiga havo harorati +43 darajaga ko‘tarilishi kutilmoqda. Ba’zi joylarda shamol changli bo‘ron bo‘lishi mumkin
Botanika bog‘ida velosiped va samokatlarda harakatlanish taqiqlandi
Poytaxt Botanika bog‘i tashrif buyuruvchilar uchun «xavfsiz hudud» deb e’lon qilindi. Endi uning hududida velosiped, samokat va skuterda harakatlanish taqiqlanadi.
Termiz — Mozori Sharif — Kobul — Peshovar temir yo‘li qurilsa Eron, Pokiston portlariga yo‘l ochiladi — prezident
Prezident Shavkat Mirziyoyev jurnalistlar bilan uchrashuvda Termiz — Mozori Sharif — Kobul — Peshovar temir yo‘li qurilishining ilk bosqichlari uchun Jahon banki tomonidan 35 mln dollar mablag‘ ajratilishini ma’lum qildi.
«Men bu yerga haqiqiy mas’uliyatni o‘z zimmamga olish uchun keldim» — prezident
Shavkat Mirziyoyev Surxondaryoni «iqtisodiy berk» viloyat deb atab, u yerda tadbirkorlarga Toshkentda mavjud imkoniyatlar singari bir hil sharoit yaratish kerakligini ta’kidladi. Prezident viloyatdagi asosiy muammo sug‘orish va ichimlik suvi ta’minoti ekanligini qayd etdi. «Men haqiqiy mas’uliyatni o‘z zimmamga olish uchun keldim, bu qiyin. Odamlar gaplardan charchagan, ularga haqiqiy loyihalar, pul, infratuzilma berish kerak», — dedi u.
«Bu mamlakatda deyarli o‘zgarishlar bo‘lmaganligini anglatadi» — Agneshka Pikulitska
Xalqaro jurnalist Agneshka Pikulitska o‘z shaxsiy Twitter’ida TIV tomonidan uning akkreditatsiyasini uzaytirmaslik to‘g‘risidagi qaroriga munosabat bildirdi. U ushbu holatni «uning ovozini o‘chirishga urinish» va «mamlakatda deyarli o‘zgarishlar bo‘lmaganligini anglatadi» deb izohladi.
«Qizlarimiz bilmaydi, tushunmaydi, o‘qimaydi, deymiz. Chunki ularni o‘zimiz o‘qitmaymiz-da» — Shavkat Mirziyoyev
Shavkat Mirziyoyev anorchilik bo‘yicha ilmiy ishlar qilib kelayotgan bog‘bon ayol bilan suhbatdan so‘ng, mazkur yo‘nalishda tahsil olayotgan yosh olimalarni ilg‘or xorijiy mamlakatlarga o‘qishga yuborish bo‘yicha topshiriq berdi. «Qizlarimiz bilmaydi, tushunmaydi o‘qimaydi, deymiz. Chunki, ularni o‘zimiz o‘qitmaymiz-da. Ayollarimizning bilimi, malakasi kuchli. Yuzaga chiqarish kerak», — dedi prezident.
60 ta sektor rahbari 100 foiz ish vaqtini mahallada o‘tkazishi kerak — prezident
Shavkat Mirziyoyev Surxondaryo viloyati faollari bilan uchrashuvida viloyatda mahallabay ishlash tizimini takomillashtirish kerakligi haqida aytib o‘tdi.
IT Park o‘z majburiyatini bajarmagan 27 ta kompaniyaning rezident maqomini bekor qildi
IT Park direksiyasi o‘z majburiyatlarini bajarmagan 27 ta kompaniyaning maqomini bekor qildi. Rezidentlik maqomi bekor qilingan kompaniyalarning orasida — Oson Apteka, Hoop Club, Invan Soft, Filosofiya IT, Imenu, School-Service va boshqalar bor.
Surxondaryoning 4 ta tumanidagi tadbirkorlar 2024 yilgacha soliqlardan ozod etiladi
Shavkat Mirziyoyev Bandixon, Qiziriq, Muzrabot va Sherobod tumanlarida ochiladigan yangi tadbirkorlik subyektlarini yer, mol-mulk, kichik korxona aylanmasidan olinadigan soliqlar, yakka tartibdagi tadbirkorlarning qat’iy miqdordagi daromad solig‘idan 2024 yil 1 yanvarga qadar ozod etishni taklif qildi.
Surxondaryoda Toshkentga bog‘liq bo‘lgan birorta muammo qolgani yo‘q — Shavkat Mirziyoyev
Shavkat Mirziyoyev savol berish, muammo va takliflarni o‘rtaga tashlashni so‘rab, bunga qarshi bo‘lganlar xiyonatchi bo‘lishini ta’kidladi. Shuningdek, yig‘ilishda yoshlar masalalariga ham e’tibor qaratildi.
Surxondaryodada infratuzilmani yaxshilash uchun 1,9 trillion so‘m mablag‘ ajratilyapti — prezident
Prezident Shavkat Mirziyoyev Surxondaryo viloyatida infratuzilmani yaxshilash uchun 1 trillion 900 milliard so‘m mablag‘ ajratilayotganini ma’lum qildi.
«Toshkent ko‘mak berishi kerak, lekin viloyatlar o‘zini aravasini o‘zi tortishi kerak» — prezident
Shavkat Mirziyoyev Surxondaryo viloyatida 100 ming kishi ishsiz ekani va 80 ming nafari chet elga ekanliklarini aytib, «hokimlar bo‘yinbog‘ini yechib qo‘yib, haftada bir kun fuqarolar orasida yurishi kerakligini» ta’kidladi. «Toshkent ko‘mak berishi kerak, lekin viloyatlar o‘zini aravasini o‘zi tortishi kerak», — dedi davlat rahbari.
O‘zbekistonda 3-bosqichda to‘liq emlanganlar soni 1282 nafarga yetdi
O‘zbekistonda 3-bosqichda to‘liq emlanganlar soni 1282 nafarga yetdi. Shuningdek, so‘nggi kun ichida 346 nafar bemor kasallikdan sog‘ayib, O‘zbekistonda sog‘ayish ko‘rsatkichi 96 foizni tashkil etmoqda.
TIV xalqaro jurnalist Agneshka Pikulitskaning akkreditatsiyasini uzaytirmaslikka qaror qildi
TIV polshalik jurnalist Agneshka Pikulitska tomonidan «O‘zbekiston Respublikasi qonunchiligining buzilishi holatlari qayd etilganligi» sababli uning akkreditatsiyasini uzaytirmaslikka qaror qildi.
Toshkent yer usti metrosining Halqa yo‘lida harakat tezligi sekinlashadi
Toshkent metropolitenining Halqa yo‘lida poyezdlarning tezligi havo haroratining keskin ko‘tarilishi sabab vaqtinchalik sekinlashadi.
«Lyubaya biznes xorosha», «Plati-leti», «S 707» MCHJlarga nisbatan ochilgan jinoyat ishi yuzasidan tergov olib borilmoqda
«Lyubaya biznes xorosha», «Plati-leti», «S 707» va boshqa MCHJlar mansabdor shaxslariga nisbatan soxta tadbirkorlik, savdo yoki xizmat ko‘rsatish qoidalarini buzish hamda soliqlarni to‘lashdan bosh tortish kabi holatlar yuzasidan jinoyat ishi ochilib, tergov harakatlari olib borilmoqda.
O‘zbekiston futzal terma jamoasining Jahon chempionatidagi raqiblari ma’lum bo‘ldi
O‘zbekiston futzal terma jamoasi Jahon chempionatida “B” guruhida Rossiya, Misr va Gvatemala terma jamoalari bilan bahs olib boradi.
Shavkat Mirziyoyev Sheroboddagi zamonaviy issiqxonani borib ko‘rdi
Iyun oyining boshini O‘zbekiston prezidenti Surxondaryo viloyatiga tashrifdan boshladi. Davlat rahbari kun tartibidan o‘rin olgan obyektlar qatorida 29 gektarlik issiqxona va 5 mln dollarlik «Sherobod anor impeks» loyihasi bilan ham tanishdi. Korxona 6 ming tonna qadoqlash, 2 ming tonna anor sharbati ishlab chiqarish quvvatiga ega. Majmuada jami 300 ga yaqin ish o‘rni yaratilgan.
Milliy bog‘ o‘rnida Magic City ochildi
Poytaxtdagi Milliy bog‘ o‘rnida Magic City oilaviy ko‘ngilochar bog‘i ochildi. Birinchi bosqichda dunyoning mashhur poytaxtlari shoh ko‘chalariga o‘xshash ko‘chalar, musiqiy favvora va boshqalar ochildi. «Yangilanayotgan Toshkentga yangilanayotgan bog‘lar, yangi yoshlar yarashadi», — dedi shahar hokimi Jahongir Ortiqxo‘jayev.
Jahon yangiliklari dayjesti
Isroilda deyarli barcha karantin cheklovlarining bekor qilinishi, parranda grippi H10N3 shtammi bilan kasallanish holatining ilk bor qayd etilgani, Braziliyaning mamlakat chegalarini yopayotgani va boshqa yangiliklar — «Gazeta.uz»ning jahon yangiliklari dayjestida.
Qo‘shimcha imkoniyatlardan foydalanish uchun saytda ro‘yxatdan o‘ting