Tojikiston hududlarida elektr ta’minotida uzilishlar boshlandi
Tojikiston hududlarida elektr energiyasida ommaviy uzilishlar kuzatilmoqda. Qator shaharlar aholisining so‘zlariga ko‘ra, elektr toki kunduzi ham, kechasi ham o‘chirilmoqda. Energetika xizmatlari buni qish oldidan ta’mirlash ishlari olib borilayotgani bilan izohladi.
Tog‘li Qorabog‘dan minglab qochqinlar Armanistonga yetib keldi
Bir kun avval evakuatsiya boshlanganidan buyon Tog‘li Qorabog‘dan Armanistonga 6500 dan ortiq qochqin yetib keldi. Tan olinmagan respublika rasmiylari hududni 120 mingdan ortiq etnik armanlar tark etmoqchi ekanini ma’lum qildi.
25-sentabr kuni O‘zbekistonda sodir bo‘lgan eng muhim voqealar dayjesti
Navbatdagi “Alifbo islohoti"ga jamoatchilik munosabati, CAU (Akfa) universiteti atrofidagi mojaro tafsilotlari, “Antistrumin” ishlab chiqaruvchi Samo zavodida tekshirish boshlangani, emlanmaganlar orasida tarqalayotgan ko‘kyo‘tal, Chilonzorda yana daraxtkushlik va boshqalar — “Gazeta.uz"ning kun dayjestida.
Qirg‘izistonda un eksportiga vaqtinchalik taqiq joriy etildi
Qirg‘iziston hukumati “oziq-ovqat xavfsizligini ta’minlash” maqsadida olti oyga un va bug‘doy eksportini taqiqladi. So‘nggi haftalarda mamlakatda mahalliy bozorning 50 foizini egallagan Qozog‘iston uni narxi keskin oshdi.
“O‘zbekiston temir yo‘llari” xolding kompaniyasiga aylantiriladi
“O‘zbekiston temir yo‘llari” xolding kompaniyasiga aylantiriladi. Prezident aholi chipta sotishdagi korrupsiya, vagonlardagi shart-sharoitlar va xizmat ko‘rsatishdan noroziligi hamda sohaga islohotlar zarurligini ma’lum qildi. Yuk tashuvchi temir yo‘l stansiyalarini shaharlardan tashqariga ko‘chirish taklif etilmoqda.
“Antistrumin” ishlab chiqaruvchi Samo zavodida tekshirish boshlandi
“Antistrumin” yod preparatini ishlab chiqaruvchi Samo kompaniyasi faoliyati tekshirilmoqda. Nojo‘ya ta’sirlar tufayli kasalxonaga yotqizilgan bolalarning ota-onalari ushbu preparatni qo‘llash sabab bo‘lgan deb taxmin qilishmoqda. Rasmiylar esa bolalarda O‘RVI bo‘lishi mumkin degan fikrda.
Toshkentdagi korxona 3,8 mlrd so‘mlik tabiiy gazdan noqonuniy foydalangani aniqlandi
Shayxontohur tumanida 1 ta MCHJ tabiiy gazdan noqonuniy foydalanib kelgani oqibatida 3 mlrd 838 mln so‘mlik zarar yetdi. Bu hajmdagi gaz 29 mingdan ortiq xonadonning bir oylik iste’molini tashkil etadi. Korxonaning, shuningdek, elektrdan 3 mlrd so‘mdan ziyod qarzi borligi ma’lum bo‘ldi.
Xanchjou-2022: Osiyo o‘yinlarining ilk kunida o‘zbekistonlik sportchilar 7 ta medal qo‘lga kiritdi
Xanchjou shahrida o‘tayotgan Osiyo o‘yinlarining dastlabki kunida o‘zbekistonlik sportchilar 1 ta oltin, 3 ta kumush va 3 ta bronza — jami 7 ta medal bilan taqdirlandi. Musobaqadagi ilk oltinni dzyudo bo‘yicha -52 kg vazn toifasida Diyora Keldiyorova qo‘lga kiritdi.
O‘zbekistonda ko‘kyo‘tal emlanmaganlar orasida tarqalmoqda va bu tabiiy hol — Nurmat Otabekov
Sanitariya-epidemiologik osoyishtalik va jamoat salomatligi qo‘mitasi raisi o‘rinbosari Nurmat Otabekovning aytishicha, ko‘kyo‘tal kasalligi mavsumiy bo‘lib, asosan emlanmaganlar orasida tarqaladi. “Shu bois ko‘kyo‘tal kam miqdorda bo‘lsa-da, aholi o‘rtasida qayd etib turilishi tabiiy hol”, — dedi u.
Navbatdagi “Alifbo islohoti”: Jamoatchilik bunga qanday munosabatda?
Lotin yozuviga asoslangan o‘zbek alifbosidagi 4 ta harfning yangi shakli loyihasini jamoatchilik turlicha qarshi oldi: buning “hammaga kerakli o‘zgarish” ekani aytilayotgan bir paytda “o‘zgartirish uchun mantiqiy sabab topa olmayotgan”lar va “to‘rt harfning o‘zgarishi islohot emas” deguvchilar bor. Munosabatlar.
O‘zbekistonda Vengriyaning yangi elchisi ish boshladi
Vengriyaning O‘zbekistondagi elchisi etib tayinlangan Yojef Roja tashqi ishlar vaziri Baxtiyor Saidovga ishonch yorliqlari nusxalarini topshirdi.
Qonunchilik palatasi va Senat vakolatlari yangi tahrirdagi Konstitutsiyaga muvofiqlashtirilmoqda
O‘zLiDeP fraksiyasida Qonunchilik palatasi va Senat vakolatlarini yangi tahrirdagi Konstitutsiyaga muvofiqlashtirishga oid qonun loyihasi ko‘rib chiqildi. Unga ko‘ra, parlament palatalariga o‘zini o‘zi tarqatib yuborish vakolatini berish, quyi palata spikeri o‘rinbosarlarini 7 tadan 2 tagacha qisqartirish kutilmoqda.
Chilonzor tumanida 30 ga yaqin qurigan ko‘p yillik daraxt kesib tashlandi
Toshkentning Chilonzor tumanida qurigan 29 tup daraxt kesib tashlandi. 2021-yil bahorida “obodonlashtirish” doirasida ushbu hududdagi 55 tup daraxt tagiga polietilen plyonka to‘shalib, keramzit sepilgandi. Oqibatda 33 ta daraxtda qurish belgilari aniqlangan.
Hafta davomida quruq va iliq ob-havo saqlanib turadi
O‘zbekistonda hafta davomida quruq va iliq ob-havo saqlanib turadi. Kechalari va ertalab harorat +12…+17 daraja atrofida bo‘ladi, kunduz kunlari +30 darajagacha isiydi. Ba’zi joylarda qisqa muddatli yomg‘ir yog‘ishi mumkin.
Qashqadaryo va Farg‘onada o‘qishga kiritib qo‘yish uchun fuqarolardan pul olgan shaxslar ushlandi
Qarshidagi jamoat salomatligi texnikumi va Farg‘onadagi TATU filialiga o‘qishga kiritib qo‘yishni va’da qilib, fuqarolardan pul olishda gumonlanganlar qo‘lga olindi.
Poytaxtning 3 ta tumanidagi ayrim joylarda elektr vaqtincha bo‘lmaydi
Chilonzor, Yakkasaroy va Mirzo Ulug‘bek tumanlaridagi ayrim hududlar 25-sentabr kuni elektr ta’minotidan vaqtincha uziladi.
Akfa universitetining sobiq rektori Abdujabbor Abduvohidovni obro‘siga dog‘ tushirish va tahdid qilishda aybladi
Akfa universitetining sobiq rektori Bexzod Jalilov OTM yangi rahbariyati qo‘ygan ayblovlarni rad etdi. U OTM kuzatuv kengashi raisi Abdujabbor Abduvohidovni obro‘siga dog‘ tushirish va tahdidlarda ayblab, oliygoh rivojiga e’tibor qaratishini maslahat berdi va prezidentdan xavfsizligini ta’minlashni so‘radi.
Shavkat Mirziyoyev Italiya sobiq prezidenti Jorjo Napolitano vafoti munosabati bilan ta’ziya yo‘lladi
Shavkat Mirziyoyev Italiyaning sobiq prezidenti, senator Jorjo Napolitano vafoti munosabati bilan mamlakat prezidenti va xalqiga ta’ziya yo‘lladi.
Oliy harbiy ta’lim muassasalarida kursantlar qasamyod qabul qildi (foto)
Yakshanba kuni Mudofaa vazirligiga qarashli oliy harbiy ta’lim muassasalarida birinchi bosqich kursantlarining qasamyod qabul qilish marosimlari bo‘lib o‘tdi. Foto.
Toshkentda poyezd ustida selfi tushmoqchi bo‘lgan yigitni 27 ming voltli tok urdi
Toshkentdagi “Hamza” temiryo‘l bekatida poyezd ustiga chiqib, selfi tushmoqchi bo‘lgan 18 yoshli yigitni 27 ming voltli tok urdi. Hozirda uning ahvoli og‘irligi aytilmoqda.
Qo‘shimcha imkoniyatlarga ega bulish uchun saytda ro‘yxatdan o‘ting