O‘lmasjon Mamadaminov boshqa ishga o‘tayotganligi munosabati bilan Boyovut tumani hokimi lavozimidan ozod etildi. Sirdaryo viloyati hokimining o‘rinbosari, xotin-qizlar qo‘mitasi raisi, senator Dilfuza Uralova Boyovut tumaniga hokim bo‘ldi.
«Maxsus iqtisodiy zonalar to‘g‘risida"gi yangi qonun uch oydan keyin 1996 yilda qabul qilingan erkin iqtisodiy zonalar haqidagi qonunning o‘rnini egallaydi. Iqtisodiy zonalar turlariga ko‘ra ajratiladi, u yerda amalga oshiriladi investitsiya loyihalariga talab qo‘yiladi.
Oliy Majlis Qonunchilik palatasi mahalla va oilani qo‘llab-quvvatlash vaziri lavozimiga nomzodini ma’qulladi.
Prezident inson sog‘ligiga va jamiyatga ziyon yetkazmaydigan faoliyat turlari litsenziyalashdan chiqarib tashlanishi lozimligini ta’kidladi. Avgustga qadar litsenziya berish bilan bog‘liq barcha jarayonlarni to‘liq avtomatlashgan yagona elektron tizimni ishga tushirish belgilandi.
Bosh vazir Abdulla Aripov Human xususiy bandlik agentligidan jabr ko‘rgan aholi bilan uchrashuvda O‘zbekistonning Yevroosiyo iqtisodiy ittifoqiga a’zo bo‘lishi masalasiga munosabat bildirdi.
Toshkent IIBB Chilonzor tumanida ko‘p qavatli uy liftida qiz bolaga hujum qilgan erkakni qidirmoqda.
O‘zbekiston prezidenti Shavkat Mirziyoyev 19−20 fevral kunlari Turkiyaga tashrif buyuradi.
Rossiyaning Chelyabinsk viloyatida VAZ va KIA Rio to‘qnashuvi natijasida O‘zbekiston fuqarosi halok bo‘ldi.
Yaqin kunlarda respublikaning katta qismida yomg‘ir va qor yog‘ishi kutilmoqda. Payshanba kunidan esa havo ilishni boshlaydi.
Transport vaziri Elyor G‘aniyev aviayoqilg‘i narxlari va yig‘imlarni pasaytirish yo‘li bilan O‘zbekiston aeroportlariga xorijiy aviakompaniyalarni jalb etish rejalashtirilayotganini ma’lum qildi. U nima uchun «Navoiy» logistika markazi rivojlana olmaganiga ham izoh berib o‘tdi.
1 aprelga qadar sayyor tekshirish doirasida xronometraj tadbirini o‘tkazish tartiblari ishlab chiqiladi, deya xabar berdi Davlat soliq qo‘mitasi. Amaldagi soliq qonunchiligiga ko‘ra, xronometraj tekshiruvini olib borish mumkin emas.
Soliq kodeksining eski tahririda nazarda tutilgan imtiyozlar 1 apreldan boshlab bekor qilinishi belgilandi. Ushbu amaliyot iqtisodiyotda raqobat muhitining shakllanishiga xalal berayotgan soliq imtiyozlarni nazarda tutadi. Shu bilan birga, soliqqa tortishdagi ayrim imtiyozlar saqlanib qoladi.
Mobil qurilmalarni IMEI bo‘yicha pulli ro‘yxatga olishni bekor qilish va jarayonni soddalashtirish to‘g‘risidagi petitsiya «Mening fikrim» portalida e’lon qilindi. Uch kun ichida murojaat 9000 dan ortiq ovoz to‘pladi.
UzAuto Motors mart oyidan boshlab eksport bozorlariga Chevrolet brendi ostida avtomobillarni sotishni boshlaydi.
Sirdaryo viloyatidagi uyda sodir bo‘lgan yong‘inda olti kishi, jumladan, uch bola vafot etdi.
2021 yildan boshlab davlatga g‘alla sotish rejasi to‘liq bekor qilinib, mahsulotni bozor narxlarida sotib olish yo‘lga qo‘yiladi. Joriy yilda davlat xaridlari hajmi kamaytirilishi munosabati bilan fermerlar qo‘lida ortiqcha 1 mln tonna g‘alla qoladi.
Qo‘qonda qasddan odam o‘ldirishga suiiqasd to‘g‘risidagi jinoyat ishi doirasida 55 kishi ushlandi. Qo‘lga olish vaqtida bir qancha ekzotik qurol turlari olib qo‘yildi.
Chet eldagi O‘zbekiston fuqarolar uchun konsullik ro‘yxatidan elektron tarzda o‘tish imkoni yaratildi.
Toshkent IIBB xodimlari tomonidan ikki kun davomida o‘tkazilgan tekshiruvlarda fuqarolardan 224 ta pichoq, shuningdek, to‘qmoqlar, metall sim va tayoqlar, pnevmatik to‘pponcha olib qo‘yildi.
Saudiya Arabistonining ACWA Power kompaniyasi Sirdaryo viloyatida 1,5 GVt quvvatga ega issiqlik elektr stansiyasini barpo etadi. Kompaniya qurilish uchun tanlangan maydonchada tuproqni o‘rganishni boshlab yubordi.
Qo‘shimcha imkoniyatlardan foydalanish uchun saytda ro‘yxatdan o‘ting