«Mitinglar to‘g‘risidagi qonun loyihasi tez kunlarda qaytadan jamoatchilik muhokamasiga qo‘yiladi» — IIV
2019 yilda ishlab chiqilgan, biroq qabul qilinmagan Mitinglar to‘g‘risidagi qonun loyihasi qaytadan jamoatchilikka taqdim etiladi, deya ma’lum qildi IIV matbuot kotibi Shohrux G‘iyosov. U mitinglar Konstitutsiya, MJtK, JK va VMning 205-conli qaroriga tayanib, tartibga solinayotganini aytdi. Aslidachi?
BMT O‘zbekiston prezidenti taklif etgan rezolyutsiyani qo‘llab-quvvatladi
BMT Bosh assambleyasi Shavkat Mirziyoyev taklif etgan «Barqaror rivojlanish maqsadlariga erishishni jadallashtirishda parlamentlarning rolini kuchaytirish to‘g‘risida»gi rezolyutsiyani qo‘llab-quvvatladi. Dunyoning barcha qit’alaridagi 80 ta davlat hujjatning hammualliflari bo‘ldi.
AQSh O‘zbekistonda diniy erkinlik borasidagi islohotlar davom etishiga umid qilmoqda
O‘zbekiston tashqi ishlar vaziri Vladimir Norov AQShning Xalqaro diniy erkinlik bo‘yicha elchisi Rashad Husayn bilan uchrashdi. Elchining ta’kidlashicha, mamlakatda dindorlarning o‘z e’tiqodlarini ifoda etishlari uchun yanada kengroq sharoitlar yaratish radikal qarshi kurashga yordam beradi.
Toshkentda Damas bilan to‘qnashgan «GAZel» ag‘darildi
Olmazor tumanida Damas va «GAZel» ishtirokida YTH sodir bo‘ldi. To‘qnashuv oqibatida «GAZel» ag‘darilib ketdi. Uning salonida yo‘lovchi bo‘lmagan. Damas haydovchisi jarohatlandi.
Toshkentda xolasining o‘g‘lini o‘ldirgan erkak 11 yilga ozodlikdan mahrum etildi
Chilonzor tumanida ikki qarindosh erkaklar o‘rtasida janjal chiqib, biri ikkinchisini pichoqlab, o‘ldirib qo‘ydi. Sud ayblanuvchiga nisbatan 11 yilga ozodlikdan mahrum etish jazosini tayinladi.
O‘zbekistonda dam olish kunlari iliq ob-havo kuzatiladi
«O‘zgidromet» prognozlariga ko‘ra, dam olish kunlari ob-havo quyoshli va iliq bo‘lishi kutilmoqda. Kunduzi havo harorati +5…+12 darajani, kechalari −3…+2 darajani tashkil etadi. Respublika bo‘ylab ayrim joylarga tuman tushishi mumkin.
Ruslan Nurudinov ikkinchi marta jahon chempioni bo‘ldi
Kolumbiyadagi jahon chempionatida og‘ir atletikachi Ruslan Nurudinov -109 kg vazn toifasida umumiy hisobda 397 kg tosh ko‘tarib, 3 yo‘nalishda (dast ko‘tarish 177 kg, siltab ko‘tarish 220 kg va umumiy hisob) oltin medallarni qo‘lga kiritdi. U 2013 yilda ham umumiy 425 kg tosh ko‘tarib mutlaq ustunlikka erishgandi.
Farg‘onada Turkiya investitsiyasi hisobiga «Aqlli yo‘l» tizimi joriy etiladi
Farg‘onada Turkiyaning 10 mln dollar investitsiyasi hisobiga «Aqlli yo‘l» tizimi joriy etiladi. Viloyat hokimligining qayd etishicha, tizim yo‘l-transport hodisalarining, jarohat olish va o‘lim holatlarini 90 foizgacha kamaytirish imkonini beradi. U inson omilisiz, quyosh energiyasi yordamida ishlashi aytilmoqda.
Banklarda dollarning sotish kursi 11 285 so‘mgacha tushdi
Tijorat banklari 16 dekabr kuni aholidan 1 AQSh dollarini 11 220 — 11 270 so‘mdan sotib olmoqda, sotish kursi esa 11 285 so‘m.
O‘zbekistonda uchta quyosh fotoelektr stansiyasini qurish bo‘yicha tender g‘oliblari aniqlandi
O‘zbekistonda uchta quyosh fotoelektr stansiyasini qurish bo‘yicha tender g‘oliblari aniqlandi. Xususan, Buxoroda Masdar kompaniyasi, Namanganda GD Power — Powerchina konsorsiumi va Xorazmda Voltalia kompaniyasi umumiy quvvati 500 MVt bo‘lgan stansiyalarni qurib, elektr energiyasini yetkazib bera boshlaydi.
Toshkentga yangi avtobuslar, jumladan 2018 yilda xaridi taqiqlangan Isuzu`lar olib kelindi
Prezident topshirig‘idan so‘ng Toshkentga 20 ta MAN va 100 ta Isuzu avtobuslari keltirilib, haydovchilar qabuli haqida e’lon berildi. IIV avtoparkidan yana 30 ta Isuzu topshirildi. Biroq Isuzu`lar nogironligi bo‘lgan shaxslar uchun moslashtirilmagani sababli 2018 yildan ularni sotib olish taqiqlangandi.
Qozog‘istonda elektr energiyasi iste’moli ortgani sababli cheklovlar joriy etilmoqda
Qozog‘istonda elektr energiyasi iste’moli rekord darajada oshgani sababli yirik sanoat korxonalari uchun cheklovlar joriy etilmoqda. Elektr taqchilligi Rossiyadan import qilish hisobiga qoplanyapti.
15 dekabr kuni O‘zbekistonda sodir bo‘lgan eng muhim xabarlar dayjesti
Elektr va tabiiy gaz bo‘yicha o‘g‘riliklar haqida gapirgan prezident, 15% darajasida qolgan asosiy stavka, avtobus haydovchilarning oyligi 2 barobarga oshishi, yana ortayotgan kovid statistikasi, viloyatlarga qo‘shimcha poyezd qatnovlari, yuk mashinalaridan to‘y korteji va boshqalar — «Gazeta.uz»ning kun dayjestida.
1-yanvardan pensiya hisoblashda inobatga olinadigan o‘rtacha ish haqi miqdori oshiriladi
Prezident farmoniga ko‘ra, yanvar oyidan boshlab fuqarolarning pensiya tayinlashda hisobga olingan o‘rtacha oylik ish haqi 3,2 mln so‘mdan yuqori bo‘lsa, ularga amaldagiga nisbatan qariyb 390 ming so‘m ko‘proq pul to‘lanadi. Pensiyasi oshadigan fuqarolarga dekabr oyida SMS xabar yuboriladi.
ASUS Zenbook 17 Fold OLED: moslashuvchan displeyga ega noutbuk nimasi bilan o‘ziga tortadi?
ASUS egasi xohlagan ketma-ketlikda — noutbukdan planshetga, planshetdan monoblokka, monoblokdan elektron kitobga va yana oldingi holatiga aylana oladigan Zenbook 17 Fold OLED haqida gapirib berdi.
«O‘zbekistonda energiya ta’minoti „qo‘l boshqaruvi“ orqali ishlamasligi kerak» — prezident
Prezident O‘zbekistonda energiya ta’minoti «qo‘l boshqaruvi» orqali emas, tizim asosida ishlashi kerakligini ma’lum qildi. Shavkat Mirziyoyev, shuningdek, AI-80 benzinini aksiz solig‘idan ozod qilish imtiyozi joylarda «o‘yinga aylanib ketmasligi» kerakligini qat’iy ko‘rsatib o‘tdi.
O‘zbekistonda «bir jinslilar o‘rtasidagi g‘ayritabiiy aloqalarni» targ‘ib qilishni taqiqlash rejalashtirilmoqda
O‘zbekistonda OAV, saytlar va blogerlarga «bir jinslilar o‘rtasidagi g‘ayritabiiy aloqalarni targ‘ib qilish»ni taqiqlash rejalashtirilmoqda. Ushbu ibora sohadagi 8 ta qonunni birlashtirish taklif etilayotgan Axborot kodeksi loyihasidan o‘rin olgan.
Shavkat Mirziyoyev Achilbay Ramatovga va elektr energiya sohasidagi qator rahbarlarga hayfsan berdi
Prezident so‘nggi yillarda yo‘l qo‘yilgan xato va kamchiliklar uchun bosh vazir birinchi o‘rinbosari Achilbay Ramatovga va elektr energiya sohasidagi korxona rahbarlariga hayfsan berdi. Shuningdek, o‘z vazifasini bajara olmagan tuman hokimi o‘rinbosarlari, mahalla raislari va sektor rahbarlari tanqid qilindi.
«Ular qishga tayyorgarlikni barbod qildi». Shavkat Mirziyoyev qator rahbarlarni tanqid qildi
Prezident videoselektor yig‘ilishida elektr va tabiiy gaz tarmoqlariga noqonuniy ulanishlar, o‘g‘irliklar davom etayotganini tanqid qildi. Xususan, Namanganda 110 tonna, Qoraqalpog‘istonda 22 tonna aholiga berilishi kerak bo‘lgan ko‘mir sotib yuborilgan.
Markaziy bank asosiy stavkani o‘zgartirmadi, biroq inflyatsion xatarlar haqida ogohlantirdi
Markaziy bank ichki va tashqi iqtisodiy omillar hisobiga narxlarga bo‘lgan bosim yuqori qolayotganini qayd etdi. Shuningdek, logistika va tashish narxlarining qimmatlashuvi tovarlar va xizmatlar narxiga salbiy ta’sir ko‘rsatishi mumkin. Yalpi taklifdagi ayrim uzilishlar inflyatsiyani oshirishi ehtimoldan holi emas.
Qo‘shimcha imkoniyatlarga ega bulish uchun saytda ro‘yxatdan o‘ting