Jamiyat
Jizzaxda avariyada vafot etgan marhumning qarindoshlari ekspertiza o‘tkazishga qarshilik qilishdi
Jizzax viloyati Do‘stlik tumanida Lada «Jiguli» bilan to‘qnashdi. Oqibatda bir haydovchi va ikki yo‘lovchi vafot etdi. Marhumlardan birining qarindoshlari ekspertiza o‘tkazilishidan norozi bo‘lib, IIO xodimlariga qarshilik ko‘rsatgani aytilmoqda.
«Navoiy-Qoplonbek» o‘tkazish punkti 1 noyabrdan emas, 1 dekabrdan yopiladi
O‘zbekiston-Qozog‘iston chegarasidagi «Navoiy (Zangiota)-Qoplonbek» avtomobil o‘tkazish punktlari 1 noyabrdan emas, 1 dekabrdan yopiladi. Rekonstruksiya ishlari ikki davlat o‘tkazish punktlarida bir vaqtning o‘zida boshlanadi va yakunlanadi.
Tad Industries Dubaydagi Future Innovation Summit`da ishtirok etdi
Tad Industries kompaniyasi FaceIDS dasturining imkoniyatlarini namoyish etdi va Smart and Secure City yo‘nalishi bo‘yicha Best Solution of the Year 2022 mukofoti bilan taqdirlandi.
Xorazmning deyarli barcha maktablarida bepul tushlik tarqatilmoqda, Qoraqalpog‘istonda esa bu amaliyot hali boshlanmagan
Qoraqalpog‘iston va Xorazmdagi maktablarda boshlang‘ich sinf o‘quvchilariga bepul tushlik tarqatish bo‘yicha vazifa ijrosini ta’minlashda kamchiliklar aniqlangan. Xususan, hukumat qarorni kech qabul qilgani, mablag‘ning kamligi va maktablarda zarur infratuzilma yo‘qligi asosiy muammolar sifatida ko‘rsatilgan.
Rossiyaning Ukraina bilan chegaradosh hududlaridagi OTM talabalariga o‘qishni ko‘chirishga ruxsat berildi
Davlat komissiyasining tegishli bayoni bilan Rossiyaning Kursk, Bryansk, Belgorod, Voronej, Rostov va Krasnodar hududlaridagi OTMlarda o‘qiydigan O‘zbekistonliklarga o‘qishni istisno tariqasida ko‘chirish imkoni berildi. Arizalar 1 noyabrdan boshlab my.dtm.uz sayti orqali qabul qilinadi.
Qoraqalpog‘istondagi tartibsizliklarda qatnashganlikda gumonlangan yana 35 kishi ozodlikka chiqarildi
Qoraqalpog‘istondagi iyul voqealarida ishtirok etganlikda gumon qilinib, ozodlikka chiqarilganlar soni 107 nafarga yetdi. Noyabrning ilk kunida parlament komissiyasi tashabbusi bilan yana 35 kishi jamoat kafilligi asosida uyiga qaytarildi.
IIV muddati o‘tgan biometrik pasportlarni ID-kartalarga almashtirishga chaqirdi
Ichki ishlar vazirligi fuqarolarni muddati o‘tgan biometrik pasportlarini zudlik bilan shaxsini tasdiqlovchi ID-kartalarga almashtirishga chaqirdi.
Buxoroda bino qulashi oqibatida bir kishi jarohatlandi
«Kogon Quruvchi montaj» MCHJga qarashli binoning yuk konstruksiyalari (regil plitalari) quladi. Oqibatda quruvchi bo‘lib ishlayotgan fuqaro jarohat olib, shifoxonaga yotqizildi.
Bo‘stonliqda uch kishi bir yigitni kaltaklab, unga ko‘kdori sepdi
Tarmoqlarda 3 kishi bir yigitni kaltaklab, unga ko‘kdori (zelyonka) sepgani aks etgan video tarqaldi. Poytaxt IIBB voqea Bo‘stonliqda sodir bo‘lgani va yigit giyohvand moddalar savdosi bilan shug‘ullanganini ma’lum qildi. Jinoyat ishi qo‘zg‘atilib, gumonlanuvchilarga nisbatan qamoqqa olish ehtiyot chorasi qo‘llandi.
Noyabr odatdagidan biroz quruqroq va sovuqroq bo‘ladi
Sinoptiklar noyabr odatdagidan biroz quruqroq va sovuqroq bo‘lishini prognoz qilmoqda. Oy davomida iliq va sovuq to‘lqinlar bir-biri bilan o‘rin almashadi. Harorat kechalari +2…+8 daraja, kunduz kunlari +5…+18 darajagacha o‘zgarib turadi. Sovuq davrlarda yomg‘ir qorga aylanishi mumkin.
Tong vaqti Andijon va Farg‘ona viloyatida zilzila bo‘ldi
Qirg‘izistonda sodir bo‘lgan zilzila Andijon (Marhamat va Buloqboshi tumanlarida — 2 ball) va Farg‘ona (Quvasoy va Xo‘jaobod tumanlarida — 2 ball) viloyatida ham sezildi.
Qator shaharlarda «Xalqaro Ziyorat turizmi haftaligi» bo‘lib o‘tadi
1−3 noyabr kunlari Toshkent, Samarqand, Buxoro va Xiva shaharlarida «Xalqaro Ziyorat turizmi haftaligi» bo‘lib o‘tadi. Haftalik doirasida islom iqtisodiyoti, halol turizm, islom san’ati va boshqa mavzularda ko‘plab konferensiya, festival, ko‘rgazma va yarmarkalar o‘tkazish rejalashtirilgan.
O‘zbekiston ko‘magida Mozori-Sharif aeroporti qayta tiklandi (foto)
O‘zbekiston Afg‘onistondagi Mozori-Sharif aeroportini tiklash bo‘yicha texnik yordam loyihasini yakunladi. Ishlar aeronavigatsiya va meteorologiya jihozlarini ta’mirlash, uchish-qo‘nish yo‘lagini rekonstruksiya qilish hamda aeroportning elektr ta’minotini tiklashdan iborat edi. Foto.
Oktabr oyining so‘nggi kunida O‘zbekistonda sodir bo‘lgan eng muhim xabarlar dayjesti
Prezidentning ish grafigi, issiqxonalarning gazdan uzilishini “davlat xavfsizligiga tahdid” deya atagan Sardor Umurzakov, internetdan foydalanishi mumkin bo‘lgan mahkumlar, minglab o‘qituvchilarga forma xarid qilish uchun buyurtma bergan Toshkent shahar hokimligi va boshqalar — “Gazeta.uz"ning kun dayjestida.
Chegaralarda noxush hodisalarning oldini olish uchun xavfsizlik kuchlarining 120 ta mobil guruhi tuzildi
Huquq-tartibot idoralari xodimlaridan O‘zbekistonning chegaradosh viloyatlarida tezkor-kriminogen va ijtimoiy-siyosiy vaziyatni barqaror saqlash, jinoyat va huquqbuzarliklarning oldini olish maqsadida 120 ta mobil guruh tashkil etilgan.
«Bu — kelajakka xiyonat». Deputat hokimlar 198 ta maktab yerlarini sotib yuborgani haqida
O‘zbekistonda 200 ga yaqin maktab yerlarining bir qismi noqonuniy «sotib yuborilgan». Deputat Rasul Kusherbayev sinflar yetishmayotgan bir paytda buni «kelajakka xiyonat» deb atadi. Uning fikricha, maktab yerlarini hokimlar talon-toroj qilgan, ammo «noqonuniy topshiriqni bajargan qo‘rqoq xodimlar» jazolanadi.
O‘zbekistonda jihozlar ishlab chiqaruvchilar va sotuvchilar uchun yangi moliyaviy imkoniyatlar paydo bo‘ldi
O‘zbekiston 38 mamlakatdagi investorlar, moliyaviy tashkilotlar va texnologiya hamda materiallar yetkazib beruvchilarni jamlagan xalqaro Green Technology Selector (GTS) platformasiga qo‘shildi.
Toshkentdagi kuz — «Gazeta.uz» muxbirlari nigohida
Yomg‘ir, sarg‘ish-qizil tusli barglar, chimlar ustida qaynoq qahva ichib, kitob o‘qiyotganlar yoki oilasi bilan sayr qilib yurganlar — har yili kuz faslida Toshkent o‘zgacha go‘zallikka burkanadi. «Gazeta.uz» muxbirlari poytaxtdagi oltin kuz faslini fotokameralari obyektiviga muhrlashdi.
O‘zbekistonga koronavirusga qarshi Johnson & Johnson vaksinasining birinchi partiyasi keltirildi
O‘zbekistonga COVAX dasturi doirasida qoronavirusga qarshi Johnson & Johnson vaksinalarining 419 950 dozadan iborat birinchi partiyasi olib kelindi.
Samarqandda Lada bilan to‘qnashgan yuk mashinasi yonib ketdi
Samarqand viloyati Jomboy tumanida Lada bilan to‘qnashgan yuk mashinasi yonib ketdi. Yong‘in o‘t o‘chiruvchilar tomonidan bartaraf etildi. Hodisa oqibatida yengil avtomobil haydovchisi shifoxonaga olib ketildi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting