Jamiyat
8-may kuni O‘zbekistonda sodir bo‘lgan eng muhim xabarlar dayjesti
9-iyulda o‘tkaziladigan prezident saylovi, Rossiyaga jo‘nab ketgan Shavkat Mirziyoyev, Dauletmurat Tajimuratov bilan uchrashgan Ombudsman vakillari, nashida yuborgani uchun 3 yilga qamalgan 21 yoshli yigit, O‘zbekiston dunyoviy davlat bo‘lib qolishini aytgan prezident va boshqalar — “Gazeta.uz”ning kun dayjestida.
“Festivallar uchun yildan-yilga kamroq xarajat qilyapmiz” — Ozodbek Nazarbekov
6−8-may kunlari Sirdaryoda o‘tgan lll Xalqaro baxshichilik festivalida 30 ga yaqin davlatdan baxshilar qatnashdi. Madaniyat va turizm vaziri Ozodbek Nazarbekov OAVning festival uchun qancha mablag‘ ajratilgani bo‘yicha savoliga “Biz yildan-yilga kamroq xarajat qilyapmiz”, — deya javob qaytardi.
Foto: Prezident G‘alaba bog‘idagi “Matonat madhiyasi” yodgorlik majmuasiga gulchambar qo‘ydi
Shavkat Mirziyoyev G‘alaba bog‘iga tashrif buyurib, Qurolli Kuchlar tizimiga kiruvchi vazirlik va idoralar, davlat tashkilotlari vakillari ishtirokida “Matonat madhiyasi” yodgorlik majmuasiga gulchambar qo‘ydi.
Surxondaryoda “Tadbirkor ayol” xalqaro ishbilarmon ayollar assotsiatsiyasining forumi bo‘lib o‘tdi
5−6-may sanalarida Termiz shahrida “Hunarmandchilikda elektron tijorat — Markaziy Osiyo ayollari biznesidagi asosiy o‘zgarishlar drayveri” mavzusida mintaqalararo forum tashkil qilindi.
Telegram`dagi guruhga nashida yuborgan 21 yoshli yigit 3 yilga qamaldi
YouTube`dagi nashidani Telegram-guruhga yuborgan 21 yoshli yigit 3 yil muddatga ozodlikdan mahrum etildi. Din ishlari bo‘yicha qo‘mita nashidada aqidaparastlik g‘oyalari borligini ma’lum qilgan.
Shavkat Mirziyoyev Ikkinchi jahon urushi qatnashchilari holidan xabar oldi. Foto
O‘zbekiston prezidenti Toshkent shahridagi sanatoriyga borib, Ikkinchi jahon urushi qatnashchilari bilan suhbatlashdi. Urush qatnashchilariga bu yil 18 mln so‘mdan pul mukofoti beriladi.
“So‘z erkinligi bu — mas’uliyat ham degani” — prezident
Shavkat Mirziyoyev xalq ovozi va fikrini keng jamoatchilikka, davlat idoralari e’tiboriga olib chiqayotgan eng ta’sirchan kuch, bu — OAV va jurnalistlar ekanini ta’kidladi. Shuningdek u axborot makonida haqqoniylik va xolislik bosh mezon ekanini unutmaslik zarurligini aytdi.
Ish haqi, pensiya, nafaqa va stipendiyalar miqdori muntazam oshirib boriladi — prezident
Prezident ish haqi, pensiya, nafaqa va stipendiyalar miqdori muntazam oshirib borilishini bildirdi. Buning uchun budjetdan har yili qo‘shimcha 30−40 trln so‘m ajratish kerak bo‘ladi. Shuningdek, davlat rahbari har yili yuzlab yangi bog‘chalar, maktab va shifoxonalar qurish lozimligini ta’kidladi.
Hafta davomida harorat 38 darajagacha isiydi
O‘zbekistonda kunlar hafta davomida isib boradi, quruq ob-havo bo‘ladi. Harorat kechalari +13…+18, kunduzi janub va cho‘l hududlarda +36…+38 darajagacha yetadi. Chang-to‘zonlar kuzatilishi ehtimoli bor.
“Yangilangan Konstitutsiyamizning chinakam muallifi xalqimiz bo‘ldi” — Shavkat Mirziyoyev
Prezident referendum yakunlariga bag‘ishlangan uchrashuv o‘tkazib, referendum davomida umumxalq muhokamalarida faol va munosib ishtirok etgan millionlab yurtdoshlarni e’tirof etdi. “Yangilangan Konstitutsiyamizning chinakam muallifi xalqimiz bo‘ldi, deb aytishga barcha asoslarimiz bor”, — dedi Shavkat Mirziyoyev.
Adliya vazirligining tuhmat qilishda gumonlangan sobiq xodimi tergov hibsxonasidan ozod etildi
Adliya vazirligining sobiq xodimi tuhmat qilishda gumonlanib, hibsga olingandi. Uning ayoli tergov tugagan bo‘lsa-da, eri ozodlikka chiqmagani sababli bosh prokurorga murojaat qilgan. Sud ajrimiga ko‘ra, 3 oyga yaqin hibsda o‘tirgan fuqaro qo‘yib yuborildi.
Toshkentda firibgarlik va pora berishda gumonlangan prokuratura xodimlari qo‘lga olindi
Bosh prokuratura boshqarma katta prokurori va Uchtepa tumani prokuraturasi tergovchisiga nisbatan jinoyat ishi qo‘zg‘atilib, qo‘lga olinganini ma’lum qildi. Ular firibgarlik hamda pora berishda gumonlanmoqda.
Ombudsman vakillari tergov hibsxonasidagi Dauletmurat Tajimuratov bilan uchrashdi
Ombudsman va jamoatchilik guruhlari vakillari 1-sonli tergov hibsxonasi (“Toshturma”)da bo‘lib, Nukus voqealari yuzasidan jinoyat ishi bo‘yicha sudlanganlar, jumladan, Dauletmurat Tajimuratov bilan uchrashdi. Sudda u ombudsmanni tanqid qilgandi.
“Mening yo‘lim” loyihasi g‘oliblari e’lon qilindi
“Mening yo‘lim” loyihasining 2023-yilgi mavsumiga ovoz berish yakunlandi. Jami 517 ta loyiha g‘olib deb topildi, endi ularga 412 mlrd so‘mdan ortiq mablag‘ yo‘naltiriladi. Joylarda fuqarolar bayram qilishni boshlab yubordi.
Toshkent viloyatida zilzila sodir bo‘ldi
Dushanba tongida Toshkent viloyatining Bo‘stonliq tumanida 3,2 magnitudali zilzila qayd etildi.
Bayroq rangidagi tasma taqqan yigitga ma’muriy ish qo‘zg‘atish to‘g‘risidagi qaror bekor qilindi
Bosh prokuratura aralashuvi bilan bayroq rangidagi tasma taqqan qamashilik yigitga nisbatan ma’muriy huquqbuzarlik to‘g‘risida ish qo‘zg‘atish haqidagi qaror bekor qilindi. Shuningdek, mazkur qarorning noqonuniy ekani ma’lum qilindi.
O‘zbekistonda 174 nafar Ikkinchi jahon urushi va front orti qatnashchilari yashashi ma’lum qilindi
Mudofaa vazirligi O‘zbekistonda 174 nafar Ikkinchi jahon urushi va front orti qatnashchilari yashashini ma’lum qildi. Eng ko‘p urush va front orti qatnashchilari Toshkent shahri (55 nafar), Toshkent (26 nafar) va Farg‘ona (19 nafar) viloyatlarida umr kechirmoqda. Ularning eng yoshi — 78, eng ulug‘i — 112 yoshda.
9-may kuni Toshkentda mushakbozlik o‘tkaziladi
9-may oqshomida Toshkentdagi “Yangi O‘zbekiston” istirohat bog‘i hududida Xotira va qadrlash kuniga bag‘ishlangan bayramona mushakbozlik tashkil etiladi.
Bir xonaga jamlangan bir asrlik tarix — O‘zgidromet muzeyiga sayohat
Bundan 102 yil avval O‘zbekistonda gidrometerologiya xizmati tashkil etilgan edi. Xizmatning 75 yillik yubileyida — 1996-yilning 7-may kuni O‘zgidromet muzeyi ochilgan. “Gazeta.uz” 400 ga yaqin eksponati bilan O‘zgidrometning bir asrdan ko‘proq davom etgan faoliyatini ko‘rsatib beruvchi muzey bilan tanishtiradi.
Ombudsman qiynoqqa solingan tadbirkorlar bilan yakka tartibda xoli suhbatlar o‘tkazdi
Ombudsman va uning huzuridagi jamoatchilik guruhlari vakillari qiynoqqa solingan tadbirkorlar Dilshod To‘raxo‘jayev va Hasanboy Abdunabiyev saqlanayotgan “Toshturma”da bo‘ldi. O‘tkazilgan xoli suhbatlarda ular ruhiy va jismoniy qiynoqlarga solinganini tasdiqlab, bunga asosli dalillar borligini aytishgan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting