Jamiyat
«Vazirlik koronavirus bilan bog‘liq statistik raqamlarni yashirishdan manfaatdor emas» — SSV
SSV koronavirus bilan bog‘liq statistik raqamlarni yashirishdan manfaatdor emasligini ma’lum qildi. Koronavirusga gumon qilingan, lekin infeksiya tasdiqlanmagan va pnevmaniyaga chalingan bemorlar statistikada hisobga olinmaydi. Avvalroq Aksilkorrupsiya agentligi rasmiy statistikadan 8 baravar yuqori bo‘lgan muqobilini keltirgan, biroq keyinroq o‘z bayonotini rad qilgan edi.
Chilonzor tumanida YTH oqibatida bir kishi hayotdan ko‘z yumdi
Toshkent shahrining Chilonzor tumanida Lacetti rusumli avtomobilning daraxtga borib urilishi oqibatida haydovchi vafot etdi.
Foto: Gulistonda portlash yuz bergan majmuadan lavhalar
Gulistondagi COVID-19 bemorlarga tibbiy yordam ko‘rsatish markazida yuz bergan kislorod baloni portlashi oqibatlari fotolavhalarda.
«Superkontrakt» miqdorlari tasdiqlandi
Bakalavriat ta’lim yo‘nalishlari bo‘yicha tabaqalashtirilgan to‘lov-kontraktning minimal miqdorlari (superkontrakt) tasdiqlandi.
Uzbekistan Airways qo‘l yuklari tashuviga cheklov o‘rnatdi
Uzbekistan Airways reyslarida qo‘l yuklari tashuviga cheklovlar joriy etildi. Mazkur qaror ijtimoiy masofani saqlash va o‘rindiqqa joylashish vaqtini qisqartirish maqsadida qabul qilindi.
Gulistondagi portlash yuzasidan jinoiy ish qo‘zg‘atildi
Bosh prokuratura Gulistondagi COVID-19 markazida gaz balloni portlashi bo‘yicha jinoiy ish qo‘zg‘adi. Tergovni Sirdaryo IIB huzuridagi Tergov bo‘limi olib boradi.
Oltinko‘l tumani hokimi vafot etdi
Andijon viloyati Oltinko‘l tumani hokimi Nazirjon O‘rinboyev vafot etdi. Daryo nashrining manbasiga ko‘ra, hokim pnevmoniya kasalligi asoratlari va o‘tkir yurak qon-tomir yetishmovchiligidan olamdan o‘tgan.
Namangan viloyati hokimi o‘rinbosari vafot etdi
Namangan viloyati hokimi o‘rinbosari Bahromjon Nurmatov vafot etdi. «Gazeta.uz» manbasining xabar berishicha, hokim o‘rinbosari COVID-19 dan davolanayotgan bo‘lgan. U 2017 yildan buyon Namangan viloyati hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari lavozimida ishlab kelayotgan edi.
Uyboshi va ko‘chaboshilarga tovon puli to‘lash taklif etilmoqda
Mahalla va oilani qo‘llab-quvvatlash vazirligi mahalla faoliyatida faol qatnashayotgan uyboshi va ko‘chaboshilarni moddiy rag‘batlantirishni taklif qilmoqda. Ularga BHMning 50 foizi miqdorida har oyda kompensatsiya pul to‘lovlari to‘lab berilishi mumkin.
Magistraturaga kirish imtihonlari natijalari 17:00 da e’lon qilinadi
Magistraturaga kirish imtihonlari natijalari tegishli OTMlar rasmiy veb-saytlarida 7 oktyabr soat 17:00 da e’lon qilinadi.
Toshkent viloyati yuqumli kasalliklar shifoxonasi bosh shifokori uy qamog‘iga o‘tkazildi
8 sentyabr kuni hibsga olingan Toshkent viloyati yuqumli kasalliklar shifoxonasi bosh shifokori Guljahon Yo‘ldosheva uy qamog‘iga o‘tkazildi. Avvalroq Saida Mirziyoyeva jazo chorasini o‘zgartirishni so‘ragan edi. Xuddi shunday so‘rov Sog‘liqni saqlash vazirligi tomonidan ham bildirildi — biroq bosh shifokor qamoqdan chiqarilishi haqidagi xabarlardan so‘ng.
Ta’lim ildiziga bolta urayotgan imtiyozlar
Konstitutsiya va testologiya fani talablariga muvofiq kelmaydigan mantiqsiz imtiyozlar tizimi yosh avlodning adolatga ishonchini yo‘qqa chiqaradi hamda universitetlarga haqiqatan munosib nomzodlarni qabul qilishga to‘sqinlik qiladi, deya yozadi Komil Jalilov.
COVID-19 bemorlari davolanayotgan majmuada kislorodli ballon portladi
Koronavirus bilan kasallangan bemorlar davolanadigan Gulistondagi «Alpomish» sport majmuasida kislorodli ballon portladi. Bino qisman zarar ko‘rgan. Bir kishi jarohatlangan.
«Kino davlatning bo‘ynida o‘tirmasligi kerak» — Rashid Malikov
Kinorejissyor va «O‘zbekkino» badiiy kengashining a’zosi Rashid Malikov «Gazeta.uz»ga bergan intervyusida kino sohasida davlat-xususiy sherikligining roli, kinematografiyaning asosiy muammolari va kutilayotgan islohotlar, o‘zbek kinematografiyasining eng kassabop filmlari, san’at va biznes haqidagi fikrlari bilan o‘rtoqlashdi.
O‘qituvchi va tibbiyot xodimlari grippga qarshi emlanadi
«Dori-darmon» Rossiyaning grippga qarshi vaksina ishlab chiqaruvchilari bilan o‘qituvchi va tibbiyot xodimlari uchun 1 million dozadan ortiq grippga qarshi vaksinani harid qilish bo‘yicha shartnoma imzoladi. Hozirda 250 ming doza vaksina hududlarga yetkazib berildi.
Har bir aholi punkti tezkor internetga ulanish imkoniyatiga ega bo‘ladi
2022 yil yakuniga qadar har bir aholi punkti 10 Mbit/s dan kam bo‘lmagan ma’lumotlarni uzatish tezligidagi Internet tarmog‘iga ulanish imkoniyati bilan ta’minlanadi.
Harbiy tavsiyanomaga ega abituriyentlar ro‘yxati qayta ko‘rib chiqilmoqda
Davlat test markazi harbiy tavsiyanomalarga ega abituriyentlar ro‘yxati qaytadan ko‘rib chiqilishini ma’lum qildi. Avvalroq test natijalaridan norozi bo‘lgan yoshlar markaz binosi oldiga yig‘ilgan edi.
Majburiy to‘lovlarni onlayn rejimda to‘lash imkoniyati yaratiladi
2021 yil 1 avgustdan davlat bojlari, yig‘imlar, jarimalar va boshqa majburiy to‘lovlarni onlayn rejimda to‘lash imkoniyati yaratiladi.
Shofirkon tumani hokimi xalqdan uzr so‘radi
Hokim Shukrulla Hakimov Shofirkon tumani ko‘rsatkichlari «qoniqarsiz» deb baholangani sababli xalqdan uzr so‘radi va yil oxirigacha vaziyatni to‘g‘irlab, kelasi yil tumanni «yaxshi» deb baholanuvchi darajaga olib chiqishga va’da berdi. Daryo nashri uning nutqi vaqtida ayrim tinglovchilarning mudrayotganiga e’tibor qaratdi.
Parkent tumani hokimining Captiva sotib olish to‘g‘risidagi qarori bekor qilindi
Korrupsiyaga qarshi kurashish agentligi Parkent tumani hokimligi Captiva avtomashinasini hokimning o‘g‘li muassislar ro‘yxatida bo‘lgan kompaniyadan sotib olib, davlat xaridlari to‘g‘risidagi qonun talablarini buzganini ma’lum qildi. Avtomobil sotib olish to‘g‘risidagi qaror bekor qilindi. Toshkent viloyati prokuraturasi tergovga qadar tekshiruv o‘tkazmoqda.
Qo‘shimcha imkoniyatlardan foydalanish uchun saytda ro‘yxatdan o‘ting