Jamiyat
Hafta o‘rtalarida havo harorati biroz pasayadi
Hafta o‘rtalarida havo harorati kunduzi 30−35, kechasi 18−23 darajagacha pasayadi. Tog‘li hududlarda qisqa muddatli yomg‘ir yog‘ishi va momaqaldiroq kuzatilishi mumkin. Ish haftasining oxiriga kelib esa harorat yana ko‘tarilib, 33−38 darajaga yetishi kutilmoqda.
Ulug‘bek shaharchasining aholisi Toshkent viloyati tarkibiga o‘tishga qarshi chiqdi
Poytaxtdagi Mirzo Ulug‘bek tumaniga kiruvchi Ulug‘bek shaharchasining aholisi shaharchani Toshkent viloyatining Qibray tumaniga o‘tkazishga qarshi chiqdi. Ularning fikricha, bu shaharcha va u yerda joylashgan Yadro fizikasi institutining holatini yomonlashuviga olib keladi. Aholining ochiq xati 2700 ga yaqin imzo to‘plagan.
«OAV va blogerning „ovozini o‘chirishga“ urinish bilan hech qanday natijaga erishib bo‘lmaydi» — Komil Allamjonov
Ommaviy axborot vositalarini qo‘llab-quvvatlash jamg‘armasi vasiylik kengashi raisi Komil Allamjonov bir qator bloggerlar va jurnalistlarning Telegram-akkauntlarini buzishga bo‘lgan urinishlarni izohlab, matbuotning «ovozini o‘chirishga» urinish bilan hech narsaga erishib bo‘lmasligini aytdi. Shuningdek, u Facebook ga kirish bilan bog‘liq muammolarga qaramay, foydalanuvchilar baribir kirishda davom etishlarini ta’kidladi.
Andijon va Surxondaryoda 600 mln so‘m byudjet mablag‘larining talon-toroj qilinganligi aniqlandi
Bosh prokuratura ikki viloyatda byudjet mablag‘larining talon-toroj qilinganlik holatlari aniqlanganini e’lon qildi. Andijon viloyati uy-joy kommunal xizmat ko‘rsatish boshqarmasida ishlamayotgan ishchilarga ish haqi va nafaqalar to‘langan — 240 mln so‘mga yaqin mablag‘lar talon-toroj qilingan. Sariosiyo tumani Xalq ta’limi bo‘limi hisobchisi bir necha yil davomida 355,3 mln so‘mni talon-toroj qilganlikda ayblanmoqda.
O‘zbekistonda boshqacha yoz. Aleksey Tudakovning suratlardagi hikoyasi
“Gazeta.uz” iqtidorli havaskor fotograflardan o‘tgan oylar davomida suratga tushirilgan O‘zbekiston ko‘chalaridagi hayot manzaralarini bo‘lishishni so‘radi.
Bekobodda mahalla raisi muhtojlarga ajratilgan pullarni talon-toroj qildi
Bekobodda MFY raisi mahallasida yashamaydigan va muhtoj bo‘lmagan 26 fuqaroga 101,5 mln so‘m nafaqa tayinlab, 31,6 mln so‘mini to‘lab bergani aniqlandi.
Uyda tayyorlaymiz: mazali kechki ovqat
Kechki ovqat uchun «Go‘sht Say», «Qiymadan tayyorlangan qush uyasi», «Tovuqli toblatma» va yana boshqa mazali va qiziqarli taomlar Zira.uz tomonidan tuzilgan taomlar ro‘yxatida.
Senatorlar Rossiyadagi mehnat migrantlarini himoya qilish to‘g‘risida hukumatga so‘rov yubordi
Senat Rossiyada mehnat qilayotgan O‘zbekiston fuqarolari huquqlari himoyasini ta’minlash yuzasidan Vazirlar Mahkamasiga parlament so‘rovi yuborishga qaror qildi.
Senat «Ta’lim to‘g‘risida"gi qonunning yangi tahririni ma’qulladi
Senatorlar yangi tahrirdagi «Ta’lim to‘g‘risida"gi qonunni ma’qulladilar. Unda davlat organlari vakolatlariga aniqlik kiritilib, ta’lim shakllari, pedagoglar, ta’lim oluvchilar va ota-onalarning huquq va majburiyatlari belgilandi.
«Oliy ta’limda korrupsiya holatlari deyarli barcha bosqichlarda mavjud» — Tanzila Norboyeva
Senat rahbari Tanzila Norboyeva oliy ta’lim tizimidagi korrupsiya tufayli O‘zbekistonning birorta ham oliygohi dunyoning eng yaxshi universitetlari reytingiga kira olmaganini ma’lum qildi.
«Migrant bo‘lish oson emas. Bu ashaddiy sinov» — Abdulaziz Kamilov
Senatning oltinchi yalpi majlisida yarim yillik faoliyati bo‘yicha hisobot bergan tashqi ishlar vaziri, jumladan, pandemiyasi sababli xorijda qiyin ahvolga tushib qolgan fuqarolarga qo‘ldan kelgancha yordam ko‘rsatilayotganini ta’kidlar ekan, bu borada kamchiliklar ham borligini tan oldi. «Konsulxonaga hujum qilamiz, o‘t qo‘yamiz, konsulni osamiz, degan gaplar ham bo‘ldi», — dedi u.
COVID-19 bemorlari tibbiy xizmatlar sifati haqida shikoyat qilishlari mumkin
Toshkent hokimiyati sogboling.uz saytini ishga tushirdi. Sayt yordamida koronavirus bilan og‘rigan bemorlar tibbiy xizmatlar sifatini baholashlari, muammolar yuzaga kelgan taqdirda, shikoyat qilishlari mumkin.
Koronavirusga chalingan abituriyentlar test sinovlariga qo‘yilmaydi
Koronavirusga chalingan abituriyentlar OTMlarga kirish imtihonlariga kiritilmaydi. Turli sabablarga ko‘ra test sinovlarida qatnasha olmagan abituriyentlar uchun test sinovlari imtihonlardan 4 kun o‘tgandan keyin alohida o‘tkaziladi.
Test sinovlari 2 sentyabrdan boshlanadi
2020−2021 o‘quv yili uchun qabul test sinovlari 2 sentyabrdan boshlanib, 14 kun davomida o‘tkaziladi. Hozirda barcha binolar va stadionlarni jihozlash ishlari amalga oshirilmoqda.
“Bemor gripp bilan koronavirusni ham yuqtirib olsa, kasallik og‘ir kechadi” — dotsent
Vrachlar malakasini oshirish instituti dotsenti Dilfuza Hasanova gripp bilan og‘riyotgan bemor qat’iy karantin choralariga rioya qilsa, unga virus yuqtirmasligini ma’lum qildi. Agarda bemor gripp bilan koronavirusni ham yuqtirib olsa, uning immuniteti pasayib, bu pnevmoniyaga olib kelishi mumkinligidan ogohlantirdi.
Shifokor koronavirusli pnevmoniyani davolash va to‘g‘ri nafas olish haqida
Koronavirusli pnevmoniya oddiy pnevmoniyadan qanday farq qiladi, u qanday davolanadi, kompyuter tomografisining ahamiyati nimada, nafas olish bo‘yicha qanday mashqlar qilish mumkin? Anhor.uz nashrining koronavirus bemorlarini davolovchi ftiziatr Nadejda Shklovets bilan intervyusini taqdim etamiz.
Dam olish kunlari harorat biroz pasayadi
Shanba va yakshanba kunlari aksariyat viloyatlarda harorat biroz pasayib, kunduzi 33−38, kechasi 20−25 daraja atrofida bo‘lishi kutilmoqda. Yakshanba kuni tog‘li va tog‘oldi hududlarda qisqa muddatli yomg‘irlar kuzatilishi mumkin.
Prezident talabalar uchun arzon internet trafiklari joriy etish bo‘yicha topshiriq berdi
Prezident mutasaddilarga chekka hududlarni ham internet bilan ta’minlash hamda talabalar uchun arzonlashtirilgan internet trafiklarini ajratish bo‘yicha topshiriq berdi.
Oliy ta’limda yangi o‘quv yili masofaviy tarzda boshlanadi
Sentabrdan boshlab 2, 3 va 4-kurs talabalariga o‘qish onlayn tarzda boshlanadi. Oktabr oyida 1-kurslar ham qabul qilib olingach, pandemiyaning yumshashiga qarab an’anaviy tizimga yana qaytish ehtimoli bor.
«Karantin choralari bosqichma-bosqich bekor qilinadi» — Senat raisi
«Karantin choralari bosqichma-bosqich bekor qilinadi. Aholi o‘rtasida sog‘lom turmush tarzi to‘g‘risidagi keng targ‘ibot ishlarini kuchaytirishimiz, kasallikka chalinganlarni ishlab chiqilgan protokollar asosida davolash bilan birga normal hayotga qaytarishimiz, ya’ni iqtisodiyotimizni rivojlantirishimiz zarur», — deya ta’kidladi Senat raisi Tanzila Norbayeva.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting