«andijon» tegli maqolalar
Prokuratura Andijonda voyaga yetmagan qizga jinsiy aloqa taklif qilgan shaxs ishini o‘rganmoqda
Andijonda er-xotin 13 yoshli qo‘shni qizga nisbatan shahvoniy shilqimlikda ayblanib, sud tomonidan 5 sutka qamoq va jarima jazosiga tortilgandi. Sud qarori yuzasidan apellyatsiya shikoyati esa qanoatlantirilmagan. Viloyat prokuraturasi mazkur sud hujjatlarini o‘rganishni boshladi.
Jamoatchilik noroziligiga sabab bo‘lgan Andijondagi Navoiy bog‘ida qurilish ishlari bo‘lmasligi ma’lum qilindi
2024-yilning kuzida Andijondagi Alisher Navoiy nomidagi istirohat bog‘i hududida ishbilarmonlik markazi, ko‘p qavatli turar joy majmualari qurilishi ma’lum bo‘lgandi. Bu esa jamoatchilik noroziligiga sabab bo‘ldi. Viloyat hokimligiga ko‘ra, bog‘ faqat rekonstruksiya qilinadi va zamonaviy ko‘rinishga keltiriladi.
Andijondagi xonadonda sodir bo‘lgan gaz chaqnashi oqibatida bir kishi vafot etdi
Andijonning Marhamat tumanidagi xonadonda gaz chaqnadi. Oqibatda bir oilaning to‘rt a’zosi turli darajada tan jarohati oldi, ulardan biri vafot etdi. Hozirda holat yuzasidan tekshiruv harakatlari olib borilmoqda.
“Maqsad — yangilik va go‘zallik bilan hayratlantirish”. Andijondagi 10 gektarlik atirgulzordan reportaj
Andijondagi Xo‘jamovlar oilasi bir necha yildan buyon atirgul yetishtirib, ko‘chatlarini chet elga eksport qilish bilan shug‘ullanadi. Hozirda oila 10 gektarga yaqin yer maydonida atirgulning 500 dan ziyod turini parvarish qilyapti. “Gazeta.uz” muxbiri mazkur atirgulzorda bo‘lib, uning egalari bilan suhbatlashdi.
Andijonda 5 kishi “O‘zbekiston” konyagidan zaharlanib vafot etdi
Andijon viloyatida “O‘zbekiston” konyagini iste’mol qilish oqibatida 22 kishi o‘tkir zaharlanish tashxisi bilan shifoxonaga yotqizilgan, ulardan 5 nafari vafot etgan. Viloyat prokuraturasi spirtli ichimlikda O‘zbekiston aksiz markasi bo‘lganini ma’lum qildi.
Yigirmaga yaqin bola uchta Damas`da Andijondan Qoraqalpog‘istonga olib ketilayotgani aniqlandi
Andijon viloyati Olimpiya va paralimpiya sport turlariga tayyorlash markazi tarbiyalanuvchilari Damas mashinalarida Qoraqalpog‘istonga olib ketilayotgani aniqlandi. Avtomobillar Buxoro hududida to‘xtatib qolingan.
Andijondan Suriyadagi terroristik tashkilotlarga pul jo‘natgan shaxs 10 yildan ko‘proqqa qamaldi
Andijon shahridagi oshxonada ishlagan fuqaro 2023-yilning avgust-dekabr oylarida Suriyadagi terroristik tashkilotlarga pul o‘tkazgan. U 10 yil 6 oy muddatga ozodlikdan mahrum qilindi.
Andijonda niqobli shaxslar yo‘l chetida to‘xtab turgan mashinaga tosh otib hujum qildi
Andijonda mashinasining davlat raqamini yechib olgan bir guruh niqobli shaxslar yo‘l chetida to‘xtab turgan mashinaga tosh otib, haydovchining pullarini o‘g‘irlamoqchi bo‘ldi. Jabrlanuvchi qochishga muvaffaq bo‘ldi va jinoyat oxiriga yetmadi. Holat yuzasidan bosqinchilik moddasi bilan jinoyat ishi qo‘zg‘atildi.
Andijonda 300 metrli osma ko‘prik qurilmoqda (foto)
Andijon viloyatining Xo‘jaobod tumani tog‘larida 45 metr balandlikda uzunligi 300 metr bo‘lgan osma ko‘prik qurilmoqda. U turistik maskanga tegishli bo‘lib, tez orada foydalanishga topshiriladi. Ko‘prik bitgach, undan bir vaqtning o‘zida 40 nafar sayohatchi foydalanishi mumkin.
Bobur haykalini ko‘chirish uchun ilmiy-ekspert kengashi xulosasini olish zarur — Madaniy meros agentligi
Madaniy meros agentligi tegishli tashkilotlar hududiy boshqarmasiga Andijondagi Bobur haykalini shaharning boshqa qismiga ko‘chirish yuzasidan murojaat qilganini bildirdi. Agentlikning ta’kidlashicha, ularga bu kabi masalalar bo‘yicha ilmiy-ekspert kengashi xulosasini olish zarurligi tushuntirilgan.
Andijondagi Bobur haykali o‘rnida biznes markazi qurilishi reja qilinmoqda. Munosabatlar
Andijondagi Bobur haykali joylashgan maydon o‘rnida biznes markazi qurilishi, haykal eski shahar hududiga ko‘chirilishi reja qilinmoqda. Hokimlik buni ko‘prik qurilishi sababli maydon yopiq ko‘rinishga kelib qolishi bilan izohladi. Loyiha ilmiy kengash vakillari hamda boburshunoslar bilan kelishilgan. Munosabatlar.
Andijon viloyatini 2025-yilda ijtimoiy-iqtisodiy rivojlantirish ko‘rsatkichlari belgilandi
Prezident 2025-yilda Andijon viloyatini ijtimoiy-iqtisodiy rivojlantirish, investitsion muhitni yaxshilashga doir yig‘ilish o‘tkazdi. Maqsadli vazifalarga ko‘ra, investitsiya hisobiga 305 ming aholi ish bilan ta’minlanib, 1 mlrd dollar eksport qilinadi. Qir-adirlar toifasi o‘zgartirilib, foydalanishga topshiriladi.
Andijonda transformatordagi nosozlik sabab 20 ta xonadon elektrdan vaqtincha uzilib qoldi
Andijon tumanida transformator punktidagi qisqa tutashuv sabab 20 ta xonadon elektr energiyasidan favqulodda uzildi. Tarmoqda tarqalgan videoda hisoblagichlarda yong‘in chiqqanini ko‘rish mumkin. HET yangi hisoblagichlar o‘rnatish ishlarini boshladi.
Andijon viloyatiga yangi prokuror tayinlandi
2020-yildan beri Bosh prokuraturaning boshqarma boshlig‘i lavozimida ishlagan Murodullo Abduhakimov Andijon viloyati prokurori lavozimida ish boshladi.
Andijonda Spark va Damas to‘qnashuvi oqibatida ikki kishi halok bo‘ldi
Andijonning Ulug‘nor tumanida Spark haydovchisi rulda uxlab qolishi oqibatida Damas bilan to‘qnashib, YTH sodir etdi. Mashinalar yonib ketdi, hodisa oqibatida 2 kishi halok bo‘ldi, yana 2 kishi kasalxonaga yotqizildi.
Andijon viloyati hokimiga yangi o‘rinbosar tayinlandi
Ilhom Sobirov Andijon viloyati hokimiga o‘rinbosar bo‘ldi. U bunga qadar “O‘zcharmsanoat” uyushmasida bo‘lim boshlig‘i vazifasida ishlagan.
Andijonda reklama banneri o‘rnatayotgan fuqaroni tok urdi
Shahrixon tumanida reklama banneri o‘rnatayotgan yollanma ishchini elektr toki urdi. Andijon viloyati FVBga ko‘ra, qutqaruvchilar fuqaroga amaliy yordam ko‘rsatdi. Hozirda uning ahvoli yaxshiligi aytilmoqda.
Andijonda darsga kech qolgan qizlarga jismoniy mashq qildirgan maktab xodimiga intizomiy chora qo‘llandi
Andijon shahridagi maktabda darsga kech qolgan qizlar jismoniy mashq qilishga majburlandi. O‘quvchilarni shu tarzda “jazolagan” maktabning mas’ul xodimiga intizomiy chora qo‘llandi.
Andijon shahri Obodonlashtirish boshqarmasiga rahbar bo‘lgan sobiq hokim bir hafta o‘tib ishdan bo‘shadi
Andijon shahrining sobiq hokimi Dilmurod Rahmatullayev 17-avgust kuni Obodonlashtirish boshqarmasiga rahbar bo‘lgandi. Bir hafta o‘tgach, u “sog‘lig‘i sababli” ushbu lavozimdan ketdi.
Andijonda o‘qituvchilarni majburiy mehnatga jalb qilgan maktab direktori jarimaga tortildi
Asakadagi 37-maktabda o‘qituvchilar og‘ir qurilish ishlariga jalb qilingani, ish jarayonida o‘qituvchilardan biri jarohatlangani xabar qilingandi. Ma’lum bo‘lishicha, o‘qituvchilar dars soatlari qisqarib ketishidan qo‘rqib, majburiy mehnatga rozi bo‘lgan. Maktab direktori 35 mln so‘m jarimaga tortildi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- O‘zbekistonning har bir tuman va shahrida kamida bittadan inklyuziv maktab tashkil etiladi
- Video: Buxorodagi xonadonda gaz portladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- O‘zbekistonda dollarning rasmiy kursi ilk bor 13 000 so‘mdan oshdi
Qo‘shimcha imkoniyatlardan foydalanish uchun saytda ro‘yxatdan o‘ting