«farg‘ona» tegli maqolalar
To‘rtta hududda qo‘shni davlatlardan olib kirilgan giyohvandlik vositalari savdosiga chek qo‘yildi
DXX O‘zbekistonning to‘rtta hududida Tojikiston va Qirg‘izistondan yashirincha olib kirilgan giyohvandlik vositalari savdosiga chek qo‘ydi. Tezkor tadbirlarda gumondorlar yonida jami 2,9 kg opiy, 3,9 kg gashish, 3 ming donadan ortiq «Regapen», 380 dona «Tropikamid», 400 dona «Selofen» borligi aniqlandi.
Farg‘onada ota o‘z qizini kaltaklab, o‘ldirib qo‘ygani aytilmoqda
Shanba kuni Uchko‘prik tumanida 16 yoshli qizini bir yigit bilan uchrashib yurganini ko‘rib qolgan ota uni urib, tan jarohatlari yetkazgani aytilmoqda. Buning oqibatida qiz vafot etgan. Gumondor hibsga olindi, unga nisbatan jinoyat ishi qo‘zg‘atildi.
Foto: Farg‘onadagi «Yangi O‘zbekiston» massivi qanday ko‘rinishda bo‘ladi?
Shavkat Mirziyoyev Farg‘onaga safari chog‘ida «Yangi O‘zbekiston» massivi qurilishini borib ko‘rdi. Bu yerda qariyb 300 ta ko‘p qavatli (7 dan 25 qavatgacha) uylar, hiyobon va ko‘l, maktab va bolalar bog‘chalari, sanoat zonasi va boshqa obyektlar qurilishi rejalashtirilgan. Qurilish vazirining birinchi o‘rinbosari Davronjon Odilov massivni qurilayotganlari orasida «eng yashil va ekologik massiv» deb atadi. Kommunikatsiya esa maxsus tunneldan o‘tkaziladi.
Adirdagi 1000 gektarlik plantatsiya. Prezident Farg‘onaga tashrifini Oltiariqdan boshladi
Shavkat Mirziyoyev Farg‘ona viloyatiga tashrifini Oltiariqda tashkil etilgan adirlikdagi ming gektarlik plantatsiyadan boshladi. Bu yerda 560 gektarda tokzor barpo etilgan, 300 gektarlik intensiv bog‘da esa olma, gilos, o‘rik ko‘chatlari ekilmoqda. «Bu bog‘ va tokzorlar aholiga xususiylashtirib beriladi», — dedi prezident.
So‘x-Rishton yo‘lida sel tufayli transport harakati to‘xtatildi
So‘x-Rishton avtomobil yo‘liga sel natijasida loy va toshlar oqib kelgani sababli transport vositalari harakati vaqtincha to‘xtatildi.
Shavkat Mirziyoyev Farg‘onaga boradi
Prezident Shavkat Mirziyoyev rasmiy tashrif bilan 12−13 may kunlari Farg‘onaga boradi. Tashrif davomida mahallalardagi bunyodkorlik ishlari ko‘zdan kechirish, yig‘ilish o‘tkazish hamda korxonalar faoliyati bilan tanishish rejalashtirilgan.
Qirg‘izistondagi OTMlarga kiritib, so‘ng o‘qishini O‘zbekistonga ko‘chirib bermoqchi bo‘lgan shaxslar ushlandi
Farg‘ona va Namangan viloyatlarida fuqarolarni Qirg‘izistondagi OTMlarga o‘qishga kiritib, so‘ng o‘qishini O‘zbekistonga ko‘chirib berishni va’da qilganlikda gumonlangan shaxslar ushlandi. Ushlanganlar fuqarolardan jami 5680 dollar va 26 mln so‘m olgan.
Qo‘qondagi xonadonda vafot etgan 5 kishi is gazidan zaharlangani taxmin qilinmoqda
Navro‘z kuni Qo‘qon shahridagi masjid imom-xatibi va uning to‘rt nafar oila a’zolari noma’lum etiologiyali zaharlanish natijasida vafot etgan. Mutaxassislar buni is gazidan zaharlanish, deya taxmin qilmoqda.
Moratoriyga qaramasdan Farg‘onada 3 tup chinor kesib ketildi
Moratoriy e’lon qilinganiga qaramay Qo‘qon shahrida fuqaro ruxsatsiz 3 tup chinor daraxtini kesib tashlagani aniqlandi. Davlat ekologiya qo‘mitasi buning oqibatida tabiatga 103 mln so‘mdan ko‘proq zarar yetkazilganini ma’lum qildi.
Shamsiddin Turdaliyev Oltiariq tumaniga hokim bo‘ldi
Farg‘ona viloyatining Rishton tumani prokurori Shamsiddin Turdaliyev Oltiariq tumani hokimi etib tayinlandi. U mazkur lavozimda fevral boshida Toshkent viloyati hokimiga birinchi o‘rinbosar bo‘lgan Xolmirza Niyozovning o‘rnini egalladi.
Surxondaryoda fuqaro Tojikistondan O‘zbekistonga 5,5 kg «opiy»ni olib o‘tgani aytilmoqda
DXX Surxondaryo, Qashqadaryo, Farg‘ona va Namangan viloyatlarida 6,4 kg giyohvandlik vositalari, shuningdek, 2160 flakonda «Tropikamid» dorisi aylanmasini to‘xtatib qoldi. Surxondaryodagi holatda fuqaro Tojikistondan O‘zbekistonga 5,5 kg «opiy» moddasini chegarani noqonuniy kesib, olib o‘tganida ushlangani aytilmoqda. Holatlar yuzasidan jinoyat ishlari qo‘zg‘atildi.
S7 Airlines aviakompaniyasi Yekaterinburgdan Farg‘onaga reyslarni yo‘lga qo‘ymoqda
Rossiyaning S7 Airlines aviakompaniyasi Yekaterinburg shahridan Farg‘onaga reyslarni yo‘lga qo‘ymoqda. Ta’kidlanishicha, parvozlar haftada bir marta — chorshanbadan payshanbaga o‘tar kechasi amalga oshiriladi. Parvoz vaqti 3 soatni tashkil etishi aytilmoqda.
Farg‘onada “Eko shahar” hamda “Yangi O‘zbekiston” bog‘i quriladi — Shavkat Mirziyoyev
O‘zLiDePdan prezidentlikka nomzod Shavkat Mirziyoyev Farg‘ona shahrida 300 gektar maydonda 40 ming aholiga mo‘ljallangan zamonaviy “Eko shahar” barpo etishni taklif qildi. Shaharchada 25 qavatgacha bo‘lgan uylar, ijtimoiy infratuzilma obyektlari, 70 gektar maydonda “Yangi O‘zbekiston” bog‘i bunyod qilinadi.
Farg‘onada ikki guruh ishtirokidagi janjal joyidan pichoq va qilichlar topildi
Farg‘onada yigirmaga yaqin yigitlar ishtirokidagi janjal organ xodimlari tomonidan to‘xtatildi. Voqea joyidan pichoqlar, qilichlar va giyohvandlik vositalari topilgan. 8 nafar shaxs protsessual tartibda ushlanib, 9 nafar shaxslar 15 sutka ma’muriy qamoq jazosiga tortildi.
Farg‘onada yirik quyosh elektr stansiyasi qurilishi rejalashtirilmoqda
Xitoyning Liaoning Lide kompaniyasi Farg‘ona viloyati hududida tahminiy qiymati $700 mln ga yetadigan, quvvati 1200 MVtgacha bo‘lgan yirik quyosh elektr stansiyasini barpo etishni rejalashtirmoqda.
Farg‘onada Malibu urib yuborgan velosipedchi vafot etdi
Farg‘ona viloyatida Malibu avtomashinasi yo‘lning qatnov qismiga chiqib ketgan velosipedchini urib yubordi. Jabrlanuvchi tan jarohati olib, shifoxonada vafot etdi.
Farg‘onada avariyada ikki oiladan olti kishi vafot etdi
Farg‘ona viloyatining Yozyovon tumanida YTH natijasida ikki oiladan olti kishi vafot etgan. Yana 4 kishi jonlantirish bo‘limiga yotqizildi.
Farg‘onada 9 yoshli qizaloq YTH oqibatida vafot etdi
Farg‘ona viloyatida Damas avtomashinasi yo‘lni kesib o‘tayotgan 9 yoshli piyodani urib yuborgan. Qizaloq tan jarohatidan shifoxonada vafot etgan.
Farg‘onada Nexia-2 va elektroskuter to‘qnashishi oqibatida voyaga yetmagan yo‘lovchi vafot etdi
Buvayda tumanida Nexia-2 va elektroskuter to‘qnashishi oqibatida voyaga yetmagan yo‘lovchi vafot etdi.
Rosselxoznadzor Farg‘ona viloyatidan Rossiyaga olib kirilayotgan o‘simlik mahsulotlariga bo‘lgan vaqtinchalik cheklovni olib tashladi
7 apreldan boshlab Farg‘ona viloyatidan Rossiya Federatsiyasi hududiga pomidor va qalampirdan tashqari barcha o‘simlik mahsulotlarini olib kirishga ruxsat berildi.
Eng ko‘p o‘qilgan xabarlar | So‘nggi yangiliklar
- O‘zbekistonda 17−23-fevral kunlari ob-havo qanday bo‘ladi? “Gazeta.uz” sharhi
- O‘zbekistonliklar muhandislik sohasi bo‘yicha Germaniyaga ishga taklif qilinmoqda
- Hafta davomida harorat +20 darajagacha ko‘tariladi
- Sirdaryoda o‘qituvchini kaltaklagan ayol ruhiy kasalliklar shifoxonasiga joylashtirildi (1)
- Kambag‘al oilalarga tadbirkorlik bilan shug‘ullanish uchun foizsiz ssudalar ajratiladi
Qo‘shimcha imkoniyatlardan foydalanish uchun saytda ro‘yxatdan o‘ting