«jst» tegli maqolalar
JSTga a’zolikning yakuniy maqsadi iqtisodiyot boshqaruvini samaraliroq tizimga o‘tkazishdir — Saida Mirziyoyeva
Prezident yordamchisi Saida Mirziyoyeva JSTga a’zo bo‘lishdan yakuniy maqsad xalq farovonligini ta’minlash, munosib ish o‘rinlarini yaratish va iqtisodiyot boshqaruvini samaraliroq tizimga o‘tkazish ekanini ta’kidladi. U tashkilotga a’zo bo‘lish uchun harakat 2025-yilda ham katta sur’atda davom ettirilishini aytdi.
JST talablariga javob berish maqsadida eksportchilar xarajatlarini kompensatsiyalash to‘xtatilmoqda
O‘zbekistonda eksportchilarning transport xarajatlarini davlat budjetidan subsidiyalash amaliyoti bekor qilinmoqda. Ushbu chora JST talablariga javob berish uchun qabul qilindi. Bu maqsadlar uchun 2024-yilda 133,8 mlrd so‘m, 2023-yilda 509,9 mlrd so‘m mablag‘ ajratilgandi.
O‘zbekiston 2024-yilda: siyosat, iqtisodiyot va jamiyatdagi asosiy voqeliklar
2024-yilda O‘zbekistonda parlament saylovi bo‘ldi, energiya tariflari keskin oshdi, bolalarni zo‘ravonlikning barcha shakllaridan himoya qilish to‘g‘risida uzoq kutilgan qonun qabul qilindi, mamlakat Olimpiya va Paralimpiya o‘yinlarida g‘alabalarga erishdi… O‘tayotgan yil yakunlari — “Gazeta.uz” obzorida.
O‘zbekistonning JSTga a’zo bo‘lish jarayonlari yakuniy bosqichga o‘tmoqda — prezident
Prezident O‘zbekiston JSTga a’zo bo‘lish bo‘yicha “yakuniy bosqich”ga o‘tayotganini aytdi. Uning so‘zlariga ko‘ra, JST qoidalariga zid bo‘lgan imtiyozlar bekor qilinayotganiga qaramay, davlat tadbirkorlarni qo‘llab-quvvatlashda davom etadi va adolatli raqobat muhitida ishlash uchun barcha sharoitlarni yaratadi.
Sanitariya-epidemiologiya qo‘mitasiga qo‘shimcha vazifalar yuklandi
Hukumat qarori bilan Sanitariya-epidemiologiya qo‘mitasiga qo‘shimcha vazifalar yuklandi. Qo‘mita o‘z yo‘nalishi doirasida JSTga a’zo davlatlar bilan hamkorlik qiladi.
O‘zbekiston Pokiston va Tailand bilan JST bo‘yicha muzokaralarni yakunladi
O‘zbekiston Jahon savdo tashkilotiga a’zo bo‘lish bo‘yicha Pokiston va Tailand bilan ikki tomonlama muzokaralarni yakunladi. “Biz O‘zbekistonning JSTga a’zo bo‘lishini intiqlik bilan kutyapmiz va bu a’zolik unga ko‘proq savdo va investitsiyalar olib kelishiga ishonamiz”, — dedi Tailand vakili.
“Qo‘rqish noo‘rin” — Jahongir Ortiqxo‘jayev O‘zbekistonning JSTga a’zo bo‘lishi haqida
Tadbirkor Jahongir Ortiqxo‘jayev O‘zbekistondagi aksar korxonalar JST talablariga javob beradigan mahsulot ishlab chiqarish imkoniyatiga ega ekanini ta’kidladi. “Katta bir zarar yoki qo‘rqinchli hodisa yuz beradi deb o‘ylamayman”, dedi u.
O‘zbekiston JST bo‘yicha Filippin bilan ikki tomonlama muzokaralarni yakunladi
O‘zbekiston Filippin bilan Jahon savdo tashkilotiga a’zo bo‘lish bo‘yicha ikki tomonlama muzokaralarni yakunladi. Filippin so‘nggi ikki oy ichida Toshkent muzokaralarni yakunlagan to‘rtta davlatdan biriga aylandi, dedi prezidentning JST bo‘yicha maxsus vakili Azizbek Urunov.
Kimdir yo‘qotishi mumkin, lekin JST adolatli savdo tartib-tamoyillari degani — Jamshid Qo‘chqorov
Bosh vazir o‘rinbosari Jamshid Qo‘chqorov eksportyorlarga foyda va aylanmadan soliq bo‘yicha berilgan imtiyozlar 2025-yildan bekor qilinayotgani mamlakatning JSTga a’zo bo‘lishi bilan bog‘liqligini qayd etdi. “Har bir tadbirkor adolatli, ochiq raqobat sharoitida faoliyat yuritishni o‘rganishi lozim”, — dedi u.
Eksport subsidiyalarini bekor qilish bo‘yicha ishlar davom etmoqda — prezident
Shavkat Mirziyoyev COP29 konferensiyasi doirasida JST bosh direktori bilan uchrashdi. Ular O‘zbekistonning tashkilotga qo‘shilishidagi dolzarb jihatlar, xususan, a’zo mamlakatlar bilan muzokaralar, qonunchilikni moslashtirish, shuningdek, eksport subsidiyalarini bekor qilish masalalarini muhokama qildi.
“Ba’zi rivojlangan davlatlar rivojlanayotgan mamlakatlarga ham bir xil talab qo‘ymoqda” — JST bo‘yicha maxsus vakil
JSTga a’zolik masalasida “tashkilotga yaqinda a’zo bo‘lgan davlatlar bilan muzokaralar olib borish osonroq, chunki ular bu jarayon naqadar murakkab ekanini hali unutishmagan”, — dedi prezidentning JST masalalari bo‘yicha maxsus vakili Azizbek O‘runov. U, shuningdek, notarif to‘siqlar muammosiga ham to‘xtaldi.
“JSTga a’zo bo‘lish uchun qoidalarning 29 foizi uyg‘unlashtirildi, oldinda hali qancha ishimiz turibdi” — prezident
O‘zbekiston o‘z qonunchiligini JST kelishuvlari bilan 29 foizga uyg‘unlashtirdi (yil boshida ko‘rsatkich 25 foiz edi), dedi Shavkat Mirziyoyev. Prezident 269 laboratoriya va 2000 dan ortiq mahalliy standartlarning xalqaro standartlarga muvofiq tan olinishiga erishish bo‘yicha topshiriq berdi.
Texnik jihatdan tartibga solish sohasidagi qonunchilik JST talablariga moslashtiriladi
Prezidentga olib kirilgan texnik jihatdan tartibga solish sohasiga oid taqdimotga ko‘ra, xalqaro tan olinadigan laboratoriyalarni ko‘paytirish, 10 ta yangisini tashkil qilish, sohadagi qonunchilikni JST talablariga moslash rejalashtirilmoqda. Davlat rahbari kadrlar tayyorlash tizimini takomillashtirishni buyurdi.
“O‘zbekiston JSTga a’zo bo‘lganda 2−3 yillik o‘tish davri bo‘ladi” — Soliq qo‘mitasi raisi o‘rinbosari
Yirik korxonalar uchun imtiyozlarni bekor qilish oqibatlarini yumshatish uchun O‘zbekiston Jahon savdo tashkilotiga a’zo bo‘lganda 2−3 yil oralig‘ida o‘tish davri oladi, dedi Soliq qo‘mitasi rahbari o‘rinbosari Mubin Mirzayev. U, shuningdek, JSTga a’zo bo‘lishning afzalliklarini qayd etdi.
“Ertangi kunimiz — teng raqobat muhiti”. Prezident — JSTga a’zo bo‘lish zarurati haqida
O‘zbekistonning JSTga kirishi — chuqur o‘ylangan va uzoqni ko‘zlagan tanlov, qolaversa, islohotlarning ajralmas bir qismi, dedi prezident. “Iqtisodiyotimizga oldinlari proteksiya qaysidir ma’noda kerak edi. Yana shu yo‘lda davom etsak, imkoniyatlarimiz cheklanib qoladi”, — dedi u ishbilarmonlar bilan uchrashuvda.
“JST tor doiradagi manfaatdor guruhlarning savdo siyosatiga ta’sirini zaiflashtirish uchun tashkil etilgan” — Behzod Hoshimov
Iqtisodchi Behzod Hoshimov “Gazeta.uz"ga bergan intervyusida Jahon savdo tashkiloti O‘zbekistonga o‘zini o‘zidan himoya qilish uchun kerakligini ta’kidladi. Unga ko‘ra, tashkilotga a’zolik davlat eng katta ishlab chiqaruvchi bo‘lgan sharoitda hukumatning mahalliy korxonalar bosimiga qarshi himoya qobig‘i kabi ishlaydi.
JSTga qo‘shilish o‘zimizdan o‘zimizni himoya qilishimizga yordam beradi — Doniyor G‘aniyev
Deputat Doniyor G‘aniyev O‘zbekistonning Jahon savdo tashkilotiga a’zo bo‘lishi, birinchi navbatda, mamlakat o‘zini o‘z ichidagi turli lobbi guruhlaridan himoya qilishi uchun kerakligini aytdi. “Erkin savdodan yutadiganlar doim yutqazadiganlardan ko‘p bo‘ladi”, — deya qo‘shimcha qildi u.
Qo‘shma Shtatlar O‘zbekistonning JSTga a’zo bo‘lishini to‘liq qo‘llab-quvvatlaydi — AQSh savdo vakili Ketrin Tay
AQSh savdo vakili Ketrin Tay Toshkentda qator vazirlar bilan uchrashuvlar o‘tkazdi. Elchi AQSh O‘zbekistonning JSTga a’zo bo‘lishini qo‘llab-quvvatlash va GSP tizimi doirasida savdo imtiyozlarini berishni qayta tiklash niyatini tasdiqladi.
Hech bir davlat JSTga a’zolikni siyosiy irodasiz amalga oshira olmagan — JST bosh direktori
Jahon savdo tashkiloti bosh direktori Ngozi Okonjo-Ivealaga ko‘ra, hech bir mamlakat tashkilotga a’zolikni siyosiy irodasiz amalga oshira olmagan. “O‘zbekiston hukumatida kuchli siyosiy irodani ko‘ryapman”, — degan bosh direktor a’zolikka da’vogarlar orasida birinchi bo‘lib O‘zbekistonga kelganini qayd etdi.
Shavkat Mirziyoyev JST bosh direktori bilan uchrashdi
Shavkat Mirziyoyev va JST bosh direktori Ngozi Okonjo-Iveala uchrashuvida O‘zbekistonning tashkilotga qo‘shilish borasidagi amaliy ishlari muhokama qilindi. Tomonlar elektron savdo va raqamli xizmatlar eksportini oshirish, mamlakatda Savdo siyosati bo‘yicha kompetensiya markazi tashkil etish masalalariga to‘xtaldi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- O‘zbekistonning har bir tuman va shahrida kamida bittadan inklyuziv maktab tashkil etiladi
- Video: Buxorodagi xonadonda gaz portladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- O‘zbekistonda dollarning rasmiy kursi ilk bor 13 000 so‘mdan oshdi
Qo‘shimcha imkoniyatlardan foydalanish uchun saytda ro‘yxatdan o‘ting