«otb» tegli maqolalar
OTB O‘zbekistonda DXSH loyihalari orqali maktabgacha ta’limni yaxshilashga yordam beradi
OTB O‘zbekistonning beshta hududida 500 ta bog‘chani rivojlantirish bo‘yicha davlat-xususiy sheriklik loyihalarini amalga oshirishda maslahat yordamini ko‘rsatadi. Xususan, bank Samarqand viloyatida 100 ta bolalar bog‘chasini rivojlantirish bo‘yicha shunday xizmatlar ko‘rsatib kelmoqda.
OTB O‘zbekistonning iqlimga moslashish islohotlari uchun 250 mln dollar ajratdi
Osiyo taraqqiyot banki O‘zbekistonga 250 million dollar kredit ajratdi. Mablag‘ transport va energetika kabi tarmoqlarda kam uglerodli iqtisodiyotga o‘tish, suv resurslari va qishloq xo‘jaligining iqlim o‘zgarishiga chidamliligini oshirishni qo‘llab-quvvatlaydi.
OTB O‘zbekiston va Tojikiston o‘rtasida elektr uzatish liniyasi qurilishi uchun 15 mln dollar grant ajratadi
Tojikiston mamlakat energetika tizimini Markaziy Osiyo yagona energetika tizimiga qayta ulash va O‘zbekistonga yangi elektr uzatish liniyasini qurish loyihasi uchun OTBdan 15 mln dollar oladi.
OTB O‘zbekistonda mikrokorxonalarni rivojlantirish uchun 300 mln dollar ajratadi
Osiyo taraqqiyot banki O‘zbekistonda mikrokorxonalarning moliya olish imkoniyatlarini kengaytirishni qo‘llab-quvvatlash uchun 300 mln dollar ajratadi. Dastur bank xizmatlari bilan qamrab olinmagan yoki yetarli darajada qamrab olinmagan mikrokorxonalarni rivojlantirishni nazarda tutadi.
OTB O‘zbekiston bilan yangi 5 yillik hamkorlik strategiyasini boshladi
OTBning O‘zbekiston bo‘yicha yangi strategiyasi mamlakatning yashil iqtisodiyotga o‘tishini qo‘llab-quvvatlashni nazarda tutadi. Bank energetika, davlat sektori va tabiiy resurslarni boshqarish, moliya, transport, qishloq xo‘jaligi va shaharsozlik sohalarida loyihalarni amalga oshirishga yordam beradi.
OTB O‘zbekistonga 400 mln dollar qarz ajratdi
Osiyo taraqqiyot banki O‘zbekistonga 400 mln dollar qarz ajratdi. Pullar mamlakat moliya bozorlarini mustahkamlash va barqaror bozorga yo‘naltirilgan energetika sektorini rivojlantirish bo‘yicha tashabbuslarni qo‘llab-quvvatlashga yo‘naltiriladi.
OTB perinatal xizmatni yaxshilash uchun O‘zbekistonga 100 mln dollar qarz ajratadi
O‘zbekistonda onalar o‘limi kamaygan bo‘lsa-da, hamon Yevropa va Markaziy Osiyodagi o‘rtacha ko‘rsatkichdan yuqori, deyiladi Osiyo taraqqiyot banki bayonotida. Bank homiladorlar va chaqaloqlar uchun ko‘rsatiladigan perinatal xizmatni yaxshilashga yordam berish uchun 100 mln dollar imtiyozli qarz ajratishni ma’qulladi.
OTB 2025−2027-yillarda O‘zbekistonda 3,5 mlrd dollarlik loyihalarni qo‘llab-quvvatlaydi
O‘zbekiston va OTB o‘rtasida 2025−2027-yillarga mo‘ljallangan dasturni amalga oshirish bo‘yicha hujjat imzolandi. Hamkorlik energetika, transport, suv ta’minoti, infratuzilma, qishloq xo‘jaligi sektori va tabiiy resurslarni boshqarish, moliya, davlat boshqaruvi, ta’lim va sog‘liqni saqlash sohalarini qamrab oladi.
Global uglerod chiqindilarining taxminan 20−30 foizi savdo va ta’minot zanjirlari bilan bog‘liq — OTB
Savdo Markaziy Osiyoda iqtisodiy o‘sishga sezilarli hissa qo‘shgan bo‘lsa-da, karbonat angidrid chiqindilarini ham oshirdi, deydi OTB. MO davlatlari dekarbonizatsiya va uglerod narxini belgilash bo‘yicha mintaqaviy siyosatni muvofiqlashtirishi kerak, — deb ta’kidladi bank ekspertlari.
OTB O‘zbekistonning iqtisodiy o‘sishi biroz pasayishini prognoz qildi
OTB prognoziga ko‘ra, O‘zbekistonda narxlar oshishining uy xo‘jaliklari daromadiga ta’siri tufayli 2024-yilda iqtisodiy o‘sish 5,5 foizgacha pasayishi mumkin, biroq 2025-yilda biroz tiklanadi. Islohotlar va ijtimoiy xarajatlarni oshirish budjet taqchilligini kamaytirishga qaratilgan harakatlarni cheklashi mumkin.
OTB O‘zbekistonda qishloq yo‘llarini yaxshilash uchun 240 mln dollarlik qarz ajratadi
Osiyo taraqqiyot banki O‘zbekistondagi 700 kilometrlik qishloq yo‘llarini yaxshilash maqsadida 240 mln dollar miqdorida qarz ajratadi. Loyiha orqali ko‘priklar va drenaj tizimlarini kuchaytirish, transport qatnovi sig‘imi, sifati va xavfsizligini hamda iqlimga chidamliligini oshirish ko‘zda tutilgan.
OTB O‘zbekistonga korxonalar va iqtisodiy o‘sishni rag‘batlantirish uchun 100 mln dollar qarz ajratdi
Osiyo taraqqiyot banki O‘zbekistonda kichik va o‘rta korxonalarni qo‘llab-quvvatlash va iqtisodiy o‘sishni rag‘batlantirish uchun 100 mln dollar qarz ajratdi. Mablag‘lar, jumladan, korxonalarning iqtisodiy zarbalarga chidamliligini oshirishga yo‘naltiriladi.
OTB O‘zbekistonda elektromobillarni ommalashtirish uchun 170 mln dollar yo‘naltiradi
Osiyo taraqqiyot banki O‘zbekistonda elektromobillarni ommalashtirish uchun 105 mln dollar qarz va 65 mln dollar grant yo‘naltiradi. Dasturda elektrobuslar parkini va yordamchi infratuzilmani joylashtirish, jamoat transporti tizimini yaxshilash ham ko‘zda tutilgan.
OTB O‘zbekiston uchun iqtisodiy o‘sish prognozini yaxshiladi, biroq aholi daromadlari pasayganini qayd etdi
Osiyo taraqqiyot banki O‘zbekistonda 2023-yilda iqtisodiy o‘sish prognozini 5 foizdan 5,5 foizga yaxshiladi. Bank ish haqi va pensiyalar oshishiga qaramay, aholining real daromadlari kamaygani sababli iste’molning sekinlashishiga ishora qilmoqda. Inflyatsiya kutilmalari esa MB prognozidan ancha yuqoriligicha qolmoqda.
OTB va FTA O‘zbekistonda elektr energiyasini taqsimlash tizimini raqamlashtirish uchun 275 mln dollar ajratdi
Osiyo taraqqiyot banki O‘zbekistondagi 26 ta elektr taqsimlash podstansiyasini raqamlashtirish uchun 200 million dollar, Fransiya taraqqiyot agentligi esa 70 million yevro ajratdi. Bu ekstremal ob-havo hodisalari paytida mintaqaviy elektr energiyasi uzilishlarining oldini olishga yordam berishi kutilmoqda.
OTB O‘zbekistonga inson kapitalini rivojlantirish uchun 93 mln dollar ajratadi
Osiyo taraqqiyot banki O‘zbekistonga inson kapitalini rivojlantirish uchun 93 mln dollar yo‘naltiradi. Mablag‘lar sanoat tarmoqlarining raqobatbardoshligini oshirish, aholini kasb-hunarga o‘qitish orqali inklyuziv o‘sishni rag‘batlantirishga qaratilgan.
OTB O‘zbekiston elektr uzatish tarmog‘ini takomillashtirish uchun 125 mln dollar qarz ajratadi
Osiyo taraqqiyot banki O‘zbekistonga 125 mln dollar miqdorida qarz ajratishni ma’qulladi. Mablag‘ mamlakatning elektr uzatish tarmog‘ini takomillashtirish, xususan, 7 ta viloyatda 359 kilometr uzunlikdagi 12 ta elektr uzatish liniyasini rekonstruksiya qilishga yo‘naltiriladi.
OTB O‘zbekistonda 2023 va 2024-yillardagi iqtisodiy o‘sish 5 foiz bo‘lishini prognoz qildi
Osiyo taraqqiyot banki 2023 va 2024-yillarda O‘zbekistonda iqtisodiy o‘sish 5 foizgacha pasayishini prognoz qilmoqda. Xatarlar Rossiyaga qarshi davom etayotgan sanksiyalar va ularning O‘zbekiston eksportining tashqi talabga ta’siri ko‘rinishida saqlanib qolmoqda, deyiladi hisobotda.
OTB O‘zbekistonga iqtisodiy boshqaruvni yaxshilash uchun $150 mln kredit ajratdi
Osiyo taraqqiyot banki O‘zbekistonga 150 mln dollar miqdoridagi yangi kredit ajratdi. Bu mablag‘ fiskal xavf va davlat qarzini boshqarishni kuchaytirish, shuningdek, aholini ijtimoiy himoya qilishni kengaytirish hamda korrupsiyaga qarshi kurashish, audit tizimlari samaradorligini oshirishga qaratilgan.
OTB O‘zbekistonning to‘rtta shahrini rivojlantirish uchun $59 mln kredit ajratdi
Osiyo taraqqiyot banki Xovosda ko‘p funksiyali jamoat markaziga ega istirohat bog‘i, Xivada raqamli muzeyga ega tashrif buyuruvchilar markazi, Jizzaxda suv tarmoqlarini rivojlantirish va to‘rtta shaharda qattiq maishiy chiqindilarni boshqarish tizimini yaxshilash uchun $59 mln dollarlik kredit ajratdi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- O‘zbekistonning har bir tuman va shahrida kamida bittadan inklyuziv maktab tashkil etiladi
- Video: Buxorodagi xonadonda gaz portladi
- Samarqandda avtobus Cobalt bilan to‘qnashib ag‘darildi, bir kishi vafot etdi
- Komil Allamjonovga suiqasd bo‘yicha ayblanuvchilar 23 yilgacha qamoq jazosiga hukm qilindi
Qo‘shimcha imkoniyatlardan foydalanish uchun saytda ro‘yxatdan o‘ting