«o‘zbekiston» tegli maqolalar
Abdulla Aripov Rossiya bosh vaziri bilan uchrashdi
O‘zbekiston bosh vaziri Abdulla Aripov Moskvada Rossiya hukumati rahbari Mixail Mishustin bilan uchrashdi. Rossiya bosh vaziri O‘zbekistonning YeOIIda to‘laqonli ishtirok etishi iqtisodiyot o‘sishi uchun qo‘shimcha imkoniyatlar yaratishini ta’kidladi. Uchrashuvda, yangi o‘quv yilidan O‘zbekistonda Rossiya oliygohlarining yana uchta filiali ochilishi, Rossiyadan yana 200 nafar o‘qituvchilar O‘zbekistonga yuborilishi ma’lum qilindi.
O‘zbekistonda qozonxonalar modernizatsiyasiga «KER-Holding» jalb qilinadi
O‘zbekistonda qozonxonalarni modernizatsiya qilish jarayoniga Tataristonning «KER-Holding» kompaniyasi jalb qilinadi. Uy-joy kommunal xizmat ko‘rsatish vaziri Sherzod Xidoyatovning so‘zlariga ko‘ra, 1970 yillarda qurilgan mamlakatdagi ko‘plab qozonxonalar allaqachon eskirgan. Birinchi loyiha doirasida Toshkentdagi «Vodnik» qozonxonasi 42 mln dollarga modernizatsiya qilinadi.
Tojikistonda quriladigan ikkita GESning qiymati 550 mln dollarga baholanmoqda — Alisher Sultonov
Energetika vaziri Alisher Sultonovning xabar berishicha, Tojikiston va O‘zbekiston prezidentlari qurilishi haqida kelishib olgan ikkita gidroelektrostansiyaning qiymati 550 mln dollardan oshishi kutilmoqda. Vazirning so‘zlariga ko‘ra, GESlar O‘zbekiston ehtiyoji uchun 1,4 milliard kVt/soat ekologik toza elektr energiyasini ishlab chiqaradi.
O‘zbekiston va Qatar o‘zaro aviaqatnovlarni yo‘lga qo‘yish bo‘yicha kelishuvga erishdi
O‘zbekiston va Qatar «Doha-Toshkent-Doha» yo‘nalishida to‘g‘ridan-to‘g‘ri avia qatnovlarni yo‘lga qo‘yishni nazarda tutuvchi bitimni imzoladi.
O‘zbekiston va Tojikiston birgalikda avtomobil ishlab chiqarishni ko‘zlamoqda
Birinchi O‘zbekiston — Tojikiston investitsiyaviy forumi Boxtarda bo‘lib o‘tdi. Unda 50 mln dollarlik ustav kapitaliga ega O‘zbekiston — Tojikiston jamg‘armasi tashkil etilgani ma’lum qilindi. Forum yakunida avtomobil va maishiy texnika ishlab chiqarish bo‘yicha bitimlar ham imzolandi.
O‘zbekiston va Tojikiston o‘rtasida avtobus qatnovi tiklanishi ko‘rib chiqilmoqda
O‘zbekiston va Tojikiston huqumat vakillari Toshkent, Samarqand, Termiz, Dushanbe, Xo‘jand, Penjikent va boshqa shaharlar o‘rtasida avtobus qatnovini tiklash istiqbollarini ko‘rib chiqdilar.
O‘zbekiston 103 mln dollarlik mahsulotlarni ofshor hududlarga pul o‘tkazish orqali import qilgan
To‘rt oy ichida offshor hududlarga pul o‘tkazish orqali O‘zbekiston korxonalari 103 mln dollarlik mahsulotni import qildilar. Mablag‘ning asosiy qismi Toshkentga to‘g‘ri keladi — 33 mln dollar. Kompaniyalar Gonkong, Kipr, Marshall va Bagama orollariga to‘lovlarni amalga oshirib, dori-darmonlarni, maxsus jihozlarni, uskunalarni, neft mahsulotlari va boshqa tovarlarni olib kirishgan.
O‘zbekiston va Jahon banki yangi hamkorlik dasturini tayyorlashadi
Prezident Shavkat Mirziyoyev va Jahon banki delegatsiyasi yangi besh yillik hamkorlik dasturini tayyorlashga kelishib oldilar. Hamkorlik kun tartibiga qashshoqlikni kamaytirishni qo‘llab-quvvatlash, jadallashtirilgan sanoatlashtirish va korrupsiyaga qarshi kurash kabi yo‘nalishlar kiradi.
Qozog‘iston va O‘zbekiston yagona sayyohlik vizasini ishga tushirishga tayyor
Qozog‘iston va O‘zbekiston hukumati yagona sayyohlik vizasini ishga tushirishga tayyor, dedi turizm va sport vaziri Aziz Abduhakimov. Loyihani amalga oshirish uchun chet elliklar ariza yuborishi mumkin bo‘lgan portal ishga tushiriladi. Hozirda «Osiyo Shengeniga» Qirg‘iziston, Mo‘g‘uliston va bir qator Kavkazorti mamlakatlari qo‘shilishi mumkinligi ma’lum qilindi.
O‘zbekiston Afg‘onistonda Ramazon Hayiti munosabati bilan uch kunlik sulh e’lon qilinganini olqishlaydi
O‘zbekiston muqaddas Ramazon Hayiti — Iyd al-Fitr bayrami munosabati bilan Afg‘onistonda uch kunlik sulh e’lon qilinganini olqishlaydi. Muborak kunlarda o‘t ochishning to‘xtalishi Afg‘onistonda siyosiy tinchlik jarayonini ilgari surish bo‘yicha zarur shart-sharoitlarni yaratishiga umid bildirildi.
O‘zbekiston AQSH uchun muhim mamlakat sanaladi — Deniyel Rozenblyum
AQSH O‘zbekistondagi elchisi Deniyel Rozenblyum AQSH uchun O‘zbekiston qanday strategik ahamiyatga egaligi to‘g‘risida fikr bildirdi. “O‘zbekiston AQSH uchun muhim mamlakat sanaladi”, — deydi u. AQSH elchisi bu fikrini asoslash uchun uchta sababni keltirib o‘tdi.
Shavkat Mirziyoyev va Vladimir Putin G‘alabaning 76 yilligi munosabati bilan bir-birlarini qutladi
Shavkat Mirziyoyev Rossiya Federatsiyasi prezidenti Vladimir Putin bilan telefon orqali muloqot qildi. Davlat rahbarlari MDH, Shanxay hamkorlik tashkiloti va Yevroosiyo iqtisodiy ittifoqi doirasidagi sheriklikning dolzarb masalalari yuzasidan fikr almashdilar.
O‘zbekiston Turkiyaga gumanitar yordam yubordi
Turkiyada COVID-19 infeksiyasining tarqalishi oldini olish uchun O‘zbekistondan bir martalik respirator Ecos N 95 tibbiy niqoblari insonparvarlik yordami sifatida yuborildi.
Vizasiz sayohat qilish reytingida O‘zbekistonning o‘rni bir pog‘onaga yaxshilandi
Vizasiz sayohat qilish reytingida O‘zbekiston 85-o‘rinni egalladi. Unga ko‘ra, O‘zbekiston fuqarolari 57 ta davlat hududiga vizasiz sayohat qilishlari mumkin. Birinchi o‘rinda Yaponiya bo‘lib, ushbu mamlakat pasporti fuqarolarga 193 ta davlatga vizasiz sayohat qilish imkonini bermoqda.
Shavkat Mirziyoyev Imron Xon bilan onlayn uchrashuv o‘tkazdi
O‘zbekiston prezidenti Pokiston bosh vaziri Imron Xon bilan videoanjuman shaklida uchrashuv o‘tkazib, ikki davlat o‘rtasida aviaqatnovlarni qayta tiklash, imtiyozli savdo to‘g‘risidagi bitimni imzolash, viza rejimini soddalashtirish, transport-tranzit va boshqa masalalarni muhokama qildi. Pokistonning Serene Air kompaniyasi O‘zbekistonga charter reyslarini boshlashni rejalashtirmoqda.
Rossiya 1 apreldan O‘zbekiston bilan aviaqatnovlarni qayta tiklaydi
Rossiya 1 apreldan boshlab O‘zbekiston bilan haftasiga bir marotaba Moskva-Toshkent yo‘nalishida aviaqatnovlarni qayta tiklaydi. Bu bo‘yicha Rossiya tezkor shtabining yig‘ilishi o‘tkazildi.
«Termiz» poligonida o‘zbek-turk harbiylari o‘quv mashg‘ulotlari o‘tkazilmoqda
«Termiz» poligonida O‘zbekiston va Turkiya Respublikalari Qurolli Kuchlarining maxsus bo‘linmalari maxsus-taktik o‘quv mashg‘ulotlarini boshladi.
O‘zbekistonda inson o‘zini baxtli his qilishi uchun yiliga 21 ming dollar kerak bo‘ladi
O‘tkazilgan tadqiqotlarga ko‘ra, o‘zbekistonliklar o‘zlarini baxtli his qilishlari uchun yiliga 21 960 dollardan ko‘proq mablag‘ topishlari kerak. Baxt uchun eng kam pul «talab qilinadigan» mamlakatlar deb Surinam (6 799 dollar), Argentina (8 788 dollar), Angola (8 921 dollar) va Qirg‘iziston (8 997 dollar) topildi.
San-Marino O‘zbekiston bilan diplomatik aloqalar o‘rnatgan 136-davlatga aylandi
3 fevral kuni O‘zbekiston va San-Marino mamlakatlari o‘rtasida diplomatik aloqalari o‘rnatildi va ikki mamlakat o‘rtasida savdo-iqtisodiy munosabatlarni rivojlantirish rejalari muhokama qilindi.
The Guardian: 7 nigeriyalik O‘zbekistonga futbol o‘ynash uchun aldov yo‘li bilan olib kelingan
The Guardian nashri ma’lumotiga ko‘ra, nigeriyalik 7 nafar yosh yigit o‘zini futbol agenti deb tanishtirgan shaxs tomonidan O‘zbekistonga aldov yo‘li bilan olib kelingan. Ularga professional futbolda faoliyat boshlashlari uchun yordam berish va’da qilingan.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- Xonanda Shirin Abdullayeva 19 yoshida vafot etdi (1)
- O‘zbekistonning har bir tuman va shahrida kamida bittadan inklyuziv maktab tashkil etiladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- Video: Buxorodagi xonadonda gaz portladi
Qo‘shimcha imkoniyatlardan foydalanish uchun saytda ro‘yxatdan o‘ting