«paralimpiada-2024» tegli maqolalar
“Kelgusi Paralimpiya o‘yinlarida kuchli o‘ntalikka kirish bosh maqsadimiz bo‘ladi” — prezident
Prezident Parij paralimpiadasi sovrindorlari bilan uchrashuvda 2028-yilgi o‘yinlarga hozirdanoq tayyorgarlik ko‘rish kerakligini aytdi. “Kelgusi Paralimpiya o‘yinlarida kuchli o‘ntalikka kirish bosh maqsadimiz bo‘ladi”, — dedi u.
Prezident paralimpiyachilar va murabbiylardan bir guruhini mukofotladi
Shavkat Mirziyoyev Parijdagi yozgi Paralimpiya o‘yinlarida natijalarga erishgan sportchi hamda murabbiylardan bir guruhini orden va faxriy unvonlar bilan mukofotladi. Ro‘yxat.
“Kimlargadir 13-raqam yoqmas, lekin O‘zbekistonga juda ham yoqyapti”. Bosh vazir Olimpiada va Paralimpiya o‘yinlaridagi muvaffaqiyatlar haqida
Bosh vazir Abdulla Aripov Parijda tarixiy natijaga erishgan Paralimpiya o‘yinlari sovrindorlarini tabriklab, ularning muvaffaqiyatida davlat rahbarining hissasini ta’kidladi. “Olimpiadada 13-o‘rin, Paralimpiadada 13-o‘rin! Balki kimlargadir 13-raqam yoqmas, lekin O‘zbekistonga juda ham yoqyapti”, — dedi u.
Foto: Toshkentda tantanali kutib olingan paralimpiyachilar
Parijdan qaytgan paralimpiyachilar Toshkent aeroportida tantanali kutib olindi va ularga sovg‘alar topshirildi. Jarayon qanday o‘tgani — “Gazeta.uz” fotomuxbiri Murod Yusuf obyektivida.
Paralimpiya o‘yinlari sovrindorlariga mukofotlar topshirildi
Parijdagi Paralimpiya o‘yinlarida qatnashgan O‘zbekiston delegatsiyasi Toshkentga yetib keldi. Musobaqa sovrindorlariga pul, mashina va uy ko‘rinishidagi “Prezident sovg‘alari” topshirildi.
Paralimpiada: 11-kunda 3 nafar o‘zbekistonlik qatnashadi
Parijdagi Paralimpiya o‘yinlarining so‘nggi kunida O‘zbekiston delegatsiyasining 3 nafar a’zosi sportning 2 ta turi bo‘yicha ishtirok etadi. Taqvim.
Prezident Paralimpiya chempionlari bilan telefon orqali suhbatlashdi
Prezident Parijdagi Paralimpiya o‘yinlarida oltin va bronza medal olgan sportchilar Nurxon Qurbonova hamda Tolibboy Yo‘ldoshev bilan telefon orqali muloqot qildi.
Dovurxon Karomatov Paralimpiya o‘yinlarining bronza medalini qo‘lga kiritdi
Paradzyudochi Dovurxon Karomatov -90 kg vazn toifasida gruziyalik raqibini yengib, bronza medalini oldi. U Tokio-2021 Paralimpiya o‘yinlarida kumush medalni qo‘lga kiritgandi.
15 yoshli Shahina Yigitaliyeva — Paralimpiya o‘yinlari kumush medali sohibi
O‘zbekiston delegatsiyasining eng yosh vakili, 15 yoshli Shahina Yigitaliyeva Paralimpiya o‘yinlarining kumush medalini qo‘lga kiritdi. U nayza uloqtirish bahslarida 43,12 metr natija bilan ikkinchi bo‘ldi.
Dzyudochi Uchqun Quronboyev Paralimpiya o‘yinlari bronza medalini qo‘lga kiritdi
O‘zbekiston vakili Uchqun Quronboyev paradzyudo bo‘yicha Paralimpiya o‘yinlarida bronza medalni qo‘lga kiritdi. U uchinchi o‘rin uchun bahsda janubiya koreyalik raqibini mag‘lub etdi. Bu — Quronboyev uchun Paralimpiadalardagi ikkinchi medal.
Dzyudochi Kumush Xodjayeva Paralimpiada kumush medalni qo‘lga kiritdi
O‘zbekistonlik paradzyudochi Kumush Xodjayeva Paralimpiya o‘yinlari finalida yaponiyalik raqibiga imkoniyatni boy berdi va kumush medalni qo‘lga kiritdi. Delegatsiya hisobidagi medallar soni 21 taga yetdi.
Prezident Paralimpiya chempionlarini telefon orqali tabrikladi
Shavkat Mirziyoyev ikkinchi bor Paralimpiya o‘yinlari chempioni bo‘lgan dzyudochi Sherzod Namozov va uch karra “oltin” sohibi bo‘lgan Xusniddin Norbekovni telefon orqali tabrikladi.
Paralimpiada: Tolibboy Yo‘ldashev oltin, Temur Giyazov bronza medalini qo‘lga kiritdi
Parij-2024 yozgi Paralimpiya o‘yinlarida Tolibboy Yo‘ldashev disk uloqtirish bo‘yicha oltin, Temur Giyazov esa balandlikka sakrash bo‘yicha bronza medaliga ega bo‘ldi. Yo‘ldashev avvalroq yadro uloqtirish bo‘yicha bronza medaliga ham ega chiqqandi.
Paralimpiada: 9-kunda 22 nafar o‘zbekistonlik ishtirok etadi
Paralimpiya o‘yinlarining navbatdagi kunida O‘zbekiston delegatsiyasining 22 nafar a’zosi sportning 5 ta turi bo‘yicha ishtirok etadi. Xususan, avvalgi bahslarda oltin medal olgan Qudratullaxon Ma’rufxo‘jayev disk uloqtirish va Yorqinbek Odilov yadro uloqtirish bahslarida qatnashadi.
Xusniddin Norbekov — uch karra Paralimpiya o‘yinlari g‘olibi
Para yengil atletikachi Xusniddin Norbekov yadro uloqtirish bahslarida turnir rekordini o‘rnatib, Paralimpiada oltin medalini qo‘lga kiritdi. Shu tariqa u uchta Paralimpiya o‘yinlari g‘olibi bo‘lgan ilk o‘zbekistonlik sportchi bo‘ldi.
Paralimpiada 2024: Server Ibragimov o‘q otish bo‘yicha kumush medal oldi
Paralimpiyachi Server Ibragimov 50 metrga to‘pponchadan otish bahslarida kumush medali sohibiga aylandi. U Rio-2016 yozgi Paralimpiya o‘yinlarida bronza medalni qo‘lga kiritgandi.
Paralimpiya o‘yinlari: 7-kunda O‘zbekistondan 10 nafar sportchi qatnashadi
Parijda o‘tayotgan Paralimpiya o‘yinlarining yettinchi kunida O‘zbekiston delegatsiyasining 10 nafar a’zosi sportning 4 ta turi bo‘yicha ishtirok etadi. Xususan, yadro uloqtirish bo‘yicha kumush medal olgan Kubaro Hakimova disk uloqtirish bahslarida qatnashadi. Taqvim.
Shavkat Mirziyoyev ikki karra Paralimpiya chempioni bo‘lgan Bobur Omonov bilan telefonda muloqot qildi
Shavkat Mirziyoyev Parijdagi Paralimpiya o‘yinlarida yadro uloqtirish bo‘yicha oltin medalni qo‘lga kiritib, ikki karra chempion bo‘lgan Bobur Omonov bilan telefonda suhbatlashdi. Prezident bu natija O‘zbekiston paralimpiya harakati tarixida muhim voqea bo‘lganini qayd etdi.
Paralimpiada: 6-kunda 6 nafar o‘zbekistonlik ishtirok etadi
Parijda o‘tayotgan Paralimpiya o‘yinlarining oltinchi kunida O‘zbekiston delegatsiyasining 6 nafar a’zosi sportning 2 ta turi bo‘yicha ishtirok etadi. Taqvim.
Taekvondochi Guljanoy Naimova Paralimpiya o‘yinlarida kumush medalni qo‘lga kiritdi. U final jangini yakunlay olmadi
Guljanoy Naimova Paralimpiya o‘yinlarida taekvondo bo‘yicha kumush medalni qo‘lga kiritdi. Buyuk Britaniya vakiliga qarshi kechgan finalda u yuzidan zarba qabul qilib oldi va jangni davom ettira olmadi. Uni zambilda olib chiqib ketishdi. Jangdan keyin u o‘zini yaxshi his qilayotganini aytdi.
Eng ko‘p o‘qilgan xabarlar | So‘nggi yangiliklar
- Foto, video: Vodorod sulfid sizib chiqqan M-25 konidagi quduqda so‘ndirish jarayoni yakunlandi
- Futzal JCH: Qozog‘iston Ispaniya bilan durang o‘ynadi, Afg‘oniston esa Angolani mag‘lub etdi
- O‘zbekistonda chorva hayvonlarini identifikatsiya qilish rejalashtirilmoqda
- Shaxmat Olimpiadasida O‘zbekiston erkaklar jamoasi vaziyatni o‘nglamoqda, ayol shaxmatchilar esa ilk bor mag‘lubiyatga uchradi
- Qashqadaryoda “KamAZ” tirkamasi chiqib ketib, 3 ta transportga urildi, bir kishi jarohatlandi
Qo‘shimcha imkoniyatlarga ega bulish uchun saytda ro‘yxatdan o‘ting