«shavkat mirziyoyev» tegli maqolalar
Shavkat Mirziyoyev Turkiy kengash doirasida Alisher Navoiy xalqaro mukofotini ta’sis qilishni taklif etdi
Prezident Shavkat Mirziyoyev Turkiy kengashning norasmiy sammitida qatnashib, bir qancha takliflarni ilgari surdi. Kengashning yaqin va o‘rta istiqboldagi iqtisodiy hamkorlik strategiyasini ishlab chiqish, Investitsiya jamg‘armasi va Taraqqiyot bankini tashkil etish, «Tabarruk ziyorat» loyihasini amalga oshirish, qolaversa, Alisher Navoiy nomidagi xalqaro mukofotni ta’sis qilish shular jumlasidan.
O‘zbekiston 2024 yilga kelib, urug‘lik kartoshka bo‘yicha import o‘rnini to‘liq qoplamoqchi
O‘zbekiston O‘zbekiston-Vengriya Kartoshkachilik ilmiy markazi yordamida 50 dan ortiq navlarni mahalliylashtirish va kartoshkachilik genofondini yaxshilash orqali 2024 yilga kelib, urug‘lik kartoshka bo‘yicha import o‘rnini to‘liq qoplashni maqsad qilgan. Prezident Shavkat Mirziyoyev va Vengriya bosh vaziri Viktor Orban mazkur markazga tashrif buyurdi.
Vengriyaning OTP banki “Ipoteka-bank”ni xususiylashtirishda ishtirok etadi — prezident
Vengriyaning yirik banklaridan biri O‘zbekiston bankini xususiylashtirish jarayonida qatnashadi. “OTP banki O‘zbekistonning “Ipoteka bank”ining davlat ulushini xususiylashtirishda ishtirok etishini boshlaganini qizg‘in qutlaymiz”, — dedi Shavkat Mirziyoyev, Vengriya bosh vaziri Viktor Orbanga murojaat qila turib.
«Endi bu tarmoq qo‘shilgan qiymat beradigan vaqt keldi» — prezident kimyo sanoati haqida
Dushanba kuni prezident Shavkat Mirziyoyev kimyo sanoati tarmog‘ida amalga oshirilayotgan loyihalar bilan tanishdi. Hozirda «O‘zkimyosanoat» tomonidan 1,355 mlrd dollarlik 21 ta loyiha amalga oshirilmoqda. Bundan tashqari, 2,6 mlrd dollardan ziyod 18 ta loyihaning texnik-iqtisodiy asoslari ishlab chiqilmoqda.
Shavkat Mirziyoyev shu hafta ikkita xalqaro tadbirda ishtirok etadi
Martning so‘nggi kunlarida Vengriya bosh vaziri Viktor Orban rasmiy tashrif bilan O‘zbekistonda bo‘ladi. Oliy maqomdagi uchrashuvlar chog‘ida iqtisodiyot, energetika, ta’lim va kadrlar tayyorlash, madaniyat, hududlararo hamkorlik, bandlik va mehnat munosabatlari sohalarida 10 dan ortiq kelishuvlar imzolanishi kutilmoqda. Qolaversa, prezident Shavkat Mirziyoyev 31 mart kuni Turkiy tilli davlatlar hamkorlik kengashining (Turkiy kengash) videoanjuman shaklida o‘tadigan norasmiy sammitida qatnashadi.
Prezident — energiya ta’minoti haqida: «Men o‘ylaymanki, korrupsiya qilish uchun bu sohani isloh qilishmagan»
Shavkat Mirziyoyev ta’kidlashicha, elektr energiya va gaz sohasi «korrupsiya qilish uchun isloh qilinmagan». U 2021 yilda 5377 mahallada (60%) 15 ming km elektr uzatish tarmoqlari va 4000 ta transformatorlarni ta’mirlash bo‘yicha ko‘rsatma berdi. Energetika vaziri o‘tgan 25 yillik davrga qaraganda so‘nggi 4 yilda 2,5 baravarga ko‘proq elektr tarmoqlari qurilganini ma’lum qildi.
«Byudjet mablag‘lari talon-taroj qilinsa, prokurorlar ham javobgar bo‘ladi» — prezident
Shavkat Mirziyoyev byudjet mablag‘larining manzilli va samarali sarflanishini prokuratura tizimi nazorat qilib borishini ma’lum qildi. 2020 yilda «manzilli dastur"larga yo‘naltirilgan byudjet mablag‘larining 8 foizi talon-taroj qilingan. «Nimaga biz peshona terimiz bilan topayotganimizni ular talon-taroj qilayapti?», — dedi prezident.
Xorazm viloyatida 812 ta investitsiya loyihasi amalga oshiriladi
Prezident Xorazm viloyatida amalga oshirilishi reja qilingan 1,3 mlrd dollarlik 812 ta investitsiya loyihasi taqdimoti bilan tanishdi. Ularning 273 tasi sanoat, 277 tasi xizmat ko‘rsatish, 262 tasi qishloq xo‘jaligiga oid. Ularni hayotga tadbiq etish natijasida 23 mingdan ortiq ish o‘rni yaratilishi kutilmoqda.
«Keng ko‘lamli islohotlarimizni bundan keyin ham jadal davom ettiramiz» — Shavkat Mirziyoyev
«Xalqimizning fidokorona mehnati, qat’iy siyosiy irodamiz bilan keng ko‘lamli islohotlarimizni bundan keyin ham jadal davom ettiramiz», — dedi prezident o‘zining bayram tabrigida. Shavkat Mirziyoyev xalq sayillarida ham ishtirok etdi.
Chorvoqdan suv yetkazib berish cheklanadi — prezident
Shavkat Mirziyoyev Toshkent viloyatidagi ekin yerlarini sug‘orish uchun Chorvoq suv omboridan suv ta’minoti cheklanishini ta’kidladi. “Sizlarga faqat Chorvoqni ochib bersa. Kanal suvga to‘lsa, keyin 24 soat suv oqadi. Siz hattoki ikki soat ham suvni nazorat qilmaysiz”, — deya prezident hokimlarga yuzlandi. Davlat rahbari chinozlik tadbirkordan o‘rnak olish zarurligini aytdi.
Shavkat Mirziyoyev Toshkent viloyati ikkiga bo‘linishi mumkinligini ma’lum qildi
Prezident Toshkent viloyatini ikkiga bo‘lishni o‘ylayotganini ma’lum qildi. «Ikkita ixchamgina viloyat bo‘ladi», — deya ta’kidladi u Nuravshonda bo‘lib o‘tgan yig‘ilishda.
«Biz bitta mahalla raisini ham adolatli saylay olmaymiz-ku» — prezident hokimlar saylovi haqida
Nurafshonda bo‘lib o‘tayotgan yig‘ilishda prezident hokimlar saylovi haqida gapirar ekan, «Biz bitta mahalla raisini ham adolatli saylay olmaymiz-ku» — deya ta’kidladi. «Jamiyat tayyor bo‘lmagan muhitga saylovlarni qo‘yish xiyonat emasmi?», — bu xiyonat dedi davlat rahbari.
«Rustam Xolmatov o‘zi ariza yozdi, hech kim unga ket degani yo‘q» — prezident
Prezident raisligida xalq deputatlari Toshkent viloyati kengashining navbatdan tashqari sessiyasi bo‘lib o‘tmoqda. Unda davlat rahbari viloyatning sobiq hokimi Rustam Xolmatovning ishdan ketish masalasiga ham to‘xtalib o‘tdi. «Rustam Xolmatov o‘zi ariza yozdi, hech kim unga ket degani yo‘q», — dedi u. Bundan tashqari, prezident hozirga qadar hech kim shahar yoki tuman hokimi o‘zi ariza yozmaganini qayd etdi.
«U davlatning joyi» — prezident «Shovvozsoy» haqida
Ijtimoiy tarmoqlarda «Shovvozsoy» dam olish maskani O‘zbekiston rahbari uchun qurilgani haqida tahminlar paydo bo‘lgan edi. 18 mart kuni Prezidentning Quyi Chirchiq tumanidagi klasterga tashrifi mobaynida jurnalistlar undan shu haqida so‘radi. «U davlatning joyi. Prezidentning nima aloqasi bor unga?», — deya munosabat bildirdi davlat rahbari.
Chirchiqqacha «elektrichka» qo‘yiladi, agar u ham ma’qul bo‘lmasa yerusti metrosi quriladi — prezident
Prezident Shavkat Mirziyoyev Chirchiqning Iftixor mahallasi aholisi bilan uchrashuvdan Chirchiqqacha «elektrichka» qo‘yilishi, agar u ma’qul kelmasa yerusti metrosi qurilishini ma’lum qildi. «Chirchiq ancha charchab qoldi. Ya’ni, suv quvurlari, elektr energiya ta’minoti charchagan», — dedi davlat rahbari.
«Toshkent viloyatini ishsizlik minimal darajada bo‘lgan hududga aylantirmoqchimiz» — prezident
Prezident Quyi Chirchiqdagi klasterni borib ko‘rdi. Klasterda 8 ming 750 nafar, sholini qayta ishlash korxonasida 365 nafar aholi mehnat qilmoqda. Davlat rahbari asosiy e’tibor va harakat aholini ish bilan ta’minlashga qaratilganini aytdi. «Toshkent viloyatini ishsizlik minimal darajada bo‘lgan hududga aylantirmoqchimiz», — dedi prezident.
«O‘zgarishlarni istasak, hammamiz ongli ravishda o‘zgarishimiz kerak» — Shavkat Mirziyoyev
Prezident Chinoz tumanida Eshonobod mahallasi aholisi bilan suhbatlashdi. Davlat rahbari aytishicha, «Chinoz tumanida ishsiz bo‘lishi kerak emas. Yeri keng, odamlari mehnatkash». «O‘zgarishlarni istasak, hammamiz ongli ravishda o‘zgarishimiz kerak», — dedi Shavkat Mirziyoyev. Shundan so‘ng, prezident tekstil korxonasini ham ko‘zdan kechirdi.
«Toshkent viloyatida „tumanbay“ ishlash bo‘yicha tajriba o‘tkazamiz» — prezident OAV vakillari bilan suhbatlashdi
Prezident Shavkat Mirziyoyev Toshkent viloyatiga tashrifi chog‘ida OAV vakillari bilan suhbatlashdi. U yana bir bor ularga ishonishini va bor haqiqatni ro‘yu-rost aytishlari lozimligini ta’kidladi. Bundan tashqari, viloyatga tashrifdan asosiy maqsad nimada ekanligini ochiqladi. «Toshkent viloyatida „tumanbay“ ishlash bo‘yicha tajriba o‘tkazamiz», — dedi prezident.
Prezident Rossiya elchisini faxriy yorliq bilan taqdirladi
Shavkat Mirziyoyev 17 mart kuni diplomatik missiyasini yakunlayotgan Rossiya Federatsiyasi elchisi Vladimir Tyurdenevni qabul qildi. Prezident uni ikki tomonlama aloqalarni rivojlantirishga qo‘shgan katta hissasi, xalqlar o‘rtasidagi do‘stlik rishtalarini mustahkamlashdagi faol ishtiroki uchun faxriy yorliq bilan taqdirladi.
Qashqadaryo viloyatida 11,3 trln so‘mlik 1125 ta loyiha amalga oshiriladi
Prezident Qashqadaryo viloyatida shakllantirilgan 11,3 trln so‘mlik 1 125 ta hududiy loyiha bilan tanishdi. Xususan, sanoat sohasida 296 ta, xizmat ko‘rsatishda 449 ta, qishloq xo‘jaligi tarmog‘ida 380 ta korxona tashkil etilishi ko‘zda tutilgan. Natijada 19 mingdan ortiq kishi ish bilan ta’minlanadi.
Eng ko‘p o‘qilgan xabarlar | So‘nggi yangiliklar
- O‘zbekistonliklar muhandislik sohasi bo‘yicha Germaniyaga ishga taklif qilinmoqda
- Jurnalist Ruxsora G‘ofurova ishi sudga oshirildi (1)
- Foto: Mudofaa vazirligining xalqaro ko‘rgazmadagi harbiy texnikalari
- Kambag‘al oilalarga tadbirkorlik bilan shug‘ullanish uchun foizsiz ssudalar ajratiladi
- Futbol: O‘zbekiston U-20 Osiyo kubogida Erondan uchralgan mag‘lubiyatga qaramay, chorak finalga chiqdi (video, foto)
Qo‘shimcha imkoniyatlardan foydalanish uchun saytda ro‘yxatdan o‘ting